香港新浪網 MySinaBlog
« 上一篇 | 下一篇 »
小彭 | 11th Aug 2007 | 新聞任我講 | (1730 Reads)

原來有三年沒有打八號風球(始終「風球」比較親切,現在用「發出」什麼什麼「訊號」,又麻煩又難讀,搵黎搞),昨日風不大,雨不多,在坪洲碼頭整個下午,根本只有一號風球的感覺。

但無論如何,除了我們這些苦命小記、紀律部隊等等,打風都一定要上班之外,其他打工仔都有半日假期,對一些不知危險要去玩的人,是個喜訊。

不過真的不明白,為什麼次次辦公時間打風,大家都走得那麼混亂,那麼多投訴、埋怨、不滿?!

有人指天文台昨天說三時半掛八號波,但結果兩點半就掛,令人措手不及。但其實天文台是說,預計三時半或「之前」掛八號,即是可能在三點、兩點半、甚至兩點,不一定是三點半。

說令人措手不及,天文台的新聞稿用詞不夠堅定,當然有責任,但為什麼大家都要正正兩點半掛八號時,就一齊起跑回家?僱主太遲放人,是否亦有點責任?住在地鐵沿線的員工,可知地鐵八號波也運作的呢,為什麼又要第一時間擠進地鐵站,搵來迫?

再者,所謂天有不測之風雲,天文台只能預報天氣,不能決定天氣,要求天文台次次都可以在掛風球前兩小時準確預報,是否太強人所難? 如果太早預報,到時掛不成,是否又鬧天文台狼來了?

總之做天文台真難。太早掛,鬧你反應過敏,造成經濟損失;太遲掛,鬧你反應遲鈍,造成社會混亂;上班時間掛,鬧你為什麼不早點掛,令市民剛上班又要回家;下班時掛,也鬧你為什麼不早點掛,令市民少了半日假;開市掛,鬧你阻礙股市,不顧香港經濟;收市掛,鬧你只顧股市,不顧市民安全......玩晒啦!最好取消了風球制度,大家就最開心,不用鬧!

此外,八號風球,數以十萬人同一時間放工,相信世界上任何一個城市的公共運輸系統及道路系統,都不能立即消化,即使地鐵、巴士立即加密班次,亦未必可能短時間內疏導。今次地鐵似乎沒有故障,巴士班次亦似乎沒有出現問題,只是因為太多人、太多車同一時間出現在道路上,加上今次帕布回馬槍,來得太快,地鐵巴士都不是泊在路邊可以隨時出動,也要時間調配,多人,要等,是必然的,埋怨、不滿也於事無補,何不以平常心對待?

話說回來,今次最抵鬧的是新渡輪。兩點半掛八號,三點三就開出最後一班船往坪洲,得九個字時間給人趕到碼頭,未免太少。但另一方面,往長洲的卻在四時多才停航,有船去長洲,為什麼無船返坪洲?難怪坪洲居民不滿了。

不知為什麼,以前打八號風球,打工仔、學生只管乖乖的回家,在窗戶用牛皮膠紙貼上交叉,吃一頓住家飯,看看電視的特備節目,戰戰兢兢的,靜候大風過去。現在每次打風,卻只聽到不同的持份者,為自己的利益,為應不應掛風球而吵吵鬧鬧,真煩人。難怪我們都愛集體回憶了,以前,彷彿什麼都比較美好呢!!


[24] Re:
EC :
很同意小彭所說呢...常常被鬧的天文台...
很多人也說那天沒有風呢...奇怪的是...我公司附近很大風呀...我吃完午飯回公司,途中吹到傘也差點翻,我那時心想,很強的風勢,是否就掛八號...回到公司就知原來已經準備了。

其實天文台都幾難搞,香港度度的風勢都唔同,點掛都有人覺得掛得唔岩。


[引用] | 作者 小彭 | 20th Aug 2007 | [舉報垃圾留言]

[23] Re: Re: 小彭
cherrie :
小彭 :哈哈,你條命賤唔過我喎,我十號風球都要返工,仲要邊度有危險有意外,反而要去採訪,真係搵命搏!!不過我地公司,其實都好顧及我地安全,太危險都唔會一定要我地去!!

點同, 你果d唔係叫命賤, 叫使命丫嘛. 我? 打工仔為兩餐搵命搏, 鋁窗到處飛咁返工又唔係為左有咩意義既野.....

使咩命丫,我都係搵餐飯食o者!!不過有時打風去做野,都幾刺激!!


[引用] | 作者 小彭 | 20th Aug 2007 | [舉報垃圾留言]

[22] Re: Re: Re:
小眼睛 :
小彭 :Cherrie :我但求有得掛就開心架喇...因為上次"三號風球"要返工既可怕情景真係太深刻, 當時真係覺得自己會無命咁...我真的真的一邊走一邊流淚, 這是真的, 我當時個心係度諗:"點解我條命咁賤既?"

哈哈,你條命賤唔過我喎,我十號風球都要返工,仲要邊度有危險有意外,反而要去採訪,真係搵命搏!!不過我地公司,其實都好顧及我地安全,太危險都唔會一定要我地去!!

係呀...我諗你都好難想像, 我當日出門口時, 喺樓下撞到清潔嬸嬸, 佢叫我小心, 我話「係呀, 就快掛八號風球喇, 我趕住返工喇」佢個樣係十個問號!!仲要冧棚架, 飛走垃圾桶嗰啲地方, 我都係喺現場!!

哈哈,你估邪童的名字,咁易擔當得起!!


[引用] | 作者 小彭 | 20th Aug 2007 | [舉報垃圾留言]

[21] Re:
小蓓 :
諗深一層,天文台真係好可憐,廿四小時幾時掛都會引起混亂。諗完幾時掛,跟手又要諗下幾時落波。
第一次返工打風早走(intern時例外),我都怕混亂所以遲少少先走,成街都係人,個個係咁鬧係咁鬧...咁好氣,有乜好鬧呢?!?!係咪真係要咁趕住返屋企?平日收工又唔見咁乖返屋企?!?!莫名其妙!!

係呀係呀,幾時落波都係一個一定會比人鬧的話題!!你中午落波,實鬧你點解唔掛埋下午,搞到佢地要返半日工!!


[引用] | 作者 小彭 | 20th Aug 2007 | [舉報垃圾留言]

[20]

很同意小彭所說呢...
常常被鬧的天文台...

很多人也說那天沒有風呢...
奇怪的是...我公司附近很大風呀...我吃完午飯回公司,途中吹到傘也差點翻,我那時心想,很強的風勢,是否就掛八號...回到公司就知原來已經準備了。


[引用] | 作者 EC | 19th Aug 2007 | [舉報垃圾留言]

[19] Re: 小彭
小彭 :
哈哈,你條命賤唔過我喎,我十號風球都要返工,仲要邊度有危險有意外,反而要去採訪,真係搵命搏!!不過我地公司,其實都好顧及我地安全,太危險都唔會一定要我地去!!

點同, 你果d唔係叫命賤, 叫使命丫嘛. 我? 打工仔為兩餐搵命搏, 鋁窗到處飛咁返工又唔係為左有咩意義既野.....


[引用] | 作者 cherrie | 15th Aug 2007 | [舉報垃圾留言]

[18] Re: Re:
小彭 :
Cherrie :我但求有得掛就開心架喇...因為上次"三號風球"要返工既可怕情景真係太深刻, 當時真係覺得自己會無命咁...我真的真的一邊走一邊流淚, 這是真的, 我當時個心係度諗:"點解我條命咁賤既?"

哈哈,你條命賤唔過我喎,我十號風球都要返工,仲要邊度有危險有意外,反而要去採訪,真係搵命搏!!不過我地公司,其實都好顧及我地安全,太危險都唔會一定要我地去!!

係呀...我諗你都好難想像, 我當日出門口時, 喺樓下撞到清潔嬸嬸, 佢叫我小心, 我話「係呀, 就快掛八號風球喇, 我趕住返工喇」佢個樣係十個問號!!
仲要冧棚架, 飛走垃圾桶嗰啲地方, 我都係喺現場!!


[引用] | 作者 小眼睛 | 14th Aug 2007 | [舉報垃圾留言]

[17]

諗深一層,天文台真係好可憐,廿四小時幾時掛都會引起混亂。諗完幾時掛,跟手又要諗下幾時落波。

第一次返工打風早走(intern時例外),我都怕混亂所以遲少少先走,成街都係人,個個係咁鬧係咁鬧...咁好氣,有乜好鬧呢?!?!係咪真係要咁趕住返屋企?平日收工又唔見咁乖返屋企?!?!莫名其妙!!


[引用] | 作者 小蓓 | 13th Aug 2007 | [舉報垃圾留言]

[16] Re:
:
當日我兩點三就放工(因為住新界有得早走),一出門口就有車搭,唔使一個鐘就番到屋企,真好彩!

咁你地老細都幾好喎!!


[引用] | 作者 小彭 | 13th Aug 2007 | [舉報垃圾留言]

[15] Re:
米奇 :
記憶當中,以前八號風球好勁的,吹到門窗彭彭聲,又隨時跌幾個招牌落黎.
現在八號風球同平時無乜大分別,可能香港太多屏風樓,減弱了市區的風勢.

一定有關啦!! 早幾年有個風,將我住的大廈吹到搖搖下,雖然知道係正常,但都有少少驚!!


[引用] | 作者 小彭 | 13th Aug 2007 | [舉報垃圾留言]

[14] Re:
ada :
我都覺得d 老細太不人道, 無理由明知就快打風都唔放人雖然到最後, 早走同遲走, 分分鐘都係同一時間返到屋企新渡輪又係, 完全難以理解佢的尾班船安排

係啦,香港老細就係咁,你死你事,總之你要同我做足工時!!


[引用] | 作者 小彭 | 13th Aug 2007 | [舉報垃圾留言]

[13] Re:
帕拉汀 :
剛巧碰著星期五下午,還要當時是股市下跌,天文台才送這個順水人情給我們吧!

哈,真係要多謝天文台,否則下午再跌多六百點就慘了!!


[引用] | 作者 小彭 | 13th Aug 2007 | [舉報垃圾留言]

[12] Re:
大腳妹 :
做左咁多年記者,每次打風都一定走唔甩,今次都係第一次返返下工、又突然放工…不過咁,我成5點先走架,一啲事都冇,交通仲好正常添,哈哈!都唔明點解而家個社會咁多刁民,蠻不講理,我硬係覺得,係因為太多「big six哩」嚟左香港,搞到本來已經有好多唯恐天下不亂的人既香港,仲衰多兩錢…

我自從畢業之後,都未試過打風有得早放工的日子!! 唉,香港多刁民,都唔係今日先知,但唔知點解,近年愈來愈多!!


[引用] | 作者 小彭 | 13th Aug 2007 | [舉報垃圾留言]

[11] Re:
Cherrie :
我但求有得掛就開心架喇...
因為上次"三號風球"要返工既可怕情景真係太深刻, 當時真係覺得自己會無命咁...我真的真的一邊走一邊流淚, 這是真的, 我當時個心係度諗:"點解我條命咁賤既?"

哈哈,你條命賤唔過我喎,我十號風球都要返工,仲要邊度有危險有意外,反而要去採訪,真係搵命搏!!不過我地公司,其實都好顧及我地安全,太危險都唔會一定要我地去!!


[引用] | 作者 小彭 | 13th Aug 2007 | [舉報垃圾留言]

[10] Re:
窩沙b :
好同意你講話天文台係預測天氣, 唔係控制天氣. 大家咩都賴哂佢地, 自己反而無判斷力.

係囉,自己都可以判斷,住得遠就早D走,地鐵沿線可以遲D走,起碼迫少一半人。


[引用] | 作者 小彭 | 13th Aug 2007 | [舉報垃圾留言]

[9] Re: 有些人,總是唯恐天下不亂!
古 月 :
嘩,勁!第二次當上第一個留言者啦!!昨日與老公齊齊看三色台的黃昏新聞報導,看到剛好有記者訪問被擠在地鐵中間,進退不得的市民。其中鏡頭拍到有一位大叔 + 大嬸,慌死無人知地鐵依家塞滿人咁,仲大大聲聲,唯恐天下不亂咁對住 d 地鐵職員o黎瘋狂喝罵,務求製造反應 .... 那個時候,我與老公真係異口同聲咁一齊對住公仔箱反應道:「依家有乜突發事,動不動就咁鬼死亂,咪真係多得有呢 d 死剩把口的八公八婆囉!!」難為那些地鐵員工又唔可以還口,只有默默承受這些生番的無理取鬧!P.S.:如果你呢篇網誌可以有咁啱得咁"橋"俾天文台 d 員工睇到,相信佢o地一定會睇到淚漣漣,因為終於有人為他們說句公道話。

冇辦法,香港人愈來愈了解自己的權利,有不滿就投訴。其實都唔係唔岩,但有時真係過左少少火位,唔理客觀情況,乜都投訴一餐!!


[引用] | 作者 小彭 | 13th Aug 2007 | [舉報垃圾留言]

[8]

當日我兩點三就放工(因為住新界有得早走),一出門口就有車搭,唔使一個鐘就番到屋企,真好彩!


[引用] | 作者 | 13th Aug 2007 | [舉報垃圾留言]

[7]

記憶當中,以前八號風球好勁的,吹到門窗彭彭聲,又隨時跌幾個招牌落黎.

現在八號風球同平時無乜大分別,可能香港太多屏風樓,減弱了市區的風勢.


[引用] | 作者 米奇 | 13th Aug 2007 | [舉報垃圾留言]

[6]

我都覺得d 老細太不人道, 無理由明知就快打風都唔放人
雖然到最後, 早走同遲走, 分分鐘都係同一時間返到屋企
新渡輪又係, 完全難以理解佢的尾班船安排


[引用] | 作者 ada | 12th Aug 2007 | [舉報垃圾留言]

[5]

剛巧碰著星期五下午,還要當時是股市下跌,天文台才送這個順水人情給我們吧!


[引用] | 作者 帕拉汀 | 12th Aug 2007 | [舉報垃圾留言]

[4]

做左咁多年記者,每次打風都一定走唔甩,今次都係第一次返返下工、又突然放工…不過咁,我成5點先走架,一啲事都冇,交通仲好正常添,哈哈!都唔明點解而家個社會咁多刁民,蠻不講理,我硬係覺得,係因為太多「big six哩」嚟左香港,搞到本來已經有好多唯恐天下不亂的人既香港,仲衰多兩錢…


[引用] | 作者 大腳妹 | 12th Aug 2007 | [舉報垃圾留言]

[3]

我但求有得掛就開心架喇...

因為上次"三號風球"要返工既可怕情景真係太深刻, 當時真係覺得自己會無命咁...我真的真的一邊走一邊流淚, 這是真的, 我當時個心係度諗:"點解我條命咁賤既?"


[引用] | 作者 Cherrie | 12th Aug 2007 | [舉報垃圾留言]

[2]

好同意你講話天文台係預測天氣, 唔係控制天氣. 大家咩都賴哂佢地, 自己反而無判斷力.


[引用] | 作者 窩沙b | 12th Aug 2007 | [舉報垃圾留言]

[1] 有些人,總是唯恐天下不亂!

嘩,勁!第二次當上第一個留言者啦!!
昨日與老公齊齊看三色台的黃昏新聞報導,看到剛好有記者訪問被擠在地鐵中間,進退不得的市民。其中鏡頭拍到有一位大叔 + 大嬸,慌死無人知地鐵依家塞滿人咁,仲大大聲聲,唯恐天下不亂咁對住 d 地鐵職員o黎瘋狂喝罵,務求製造反應 .... 那個時候,我與老公真係異口同聲咁一齊對住公仔箱反應道:「依家有乜突發事,動不動就咁鬼死亂,咪真係多得有呢 d 死剩把口的八公八婆囉!!」
難為那些地鐵員工又唔可以還口,只有默默承受這些生番的無理取鬧!
P.S.:如果你呢篇網誌可以有咁啱得咁"橋"俾天文台 d 員工睇到,相信佢o地一定會睇到淚漣漣,因為終於有人為他們說句公道話。


[引用] | 作者 古 月 | 12th Aug 2007 | [舉報垃圾留言]