香港新浪網 MySinaBlog
« 上一篇 | 下一篇 »
小彭 | 21st Jun 2007 | 新聞任我講 | (3033 Reads)

平均分: 8.33 | 評分人數: 3

糾纏幾個月的教院事件,隨著調查報告公布,亦正式落幕。

雖然常人都覺得,李國章絕有可能講「I will remeber this, you will pay!!」、「raped」這種話,但他可以甩身,亦是意料中事,而羅范椒芬則被裁定干預學術自由,要黯然提早退休,從此告別公務員行列。

羅太從雄心壯志要幹一番事業的公務員,到今日要不體面地下台,與其說自己是政治之下的犧牲品,不如說是敗在自己的性格之下,咎由自取。

相信沒有人會懷疑,羅太想搞好香港教育的決心。她在任教育當局八年,增加大專學額、大學三三四、取消學能測驗、提高教師語文水準等,都是德政,對學生有好處。

不過,可能是太上心,又或是急於求成,幾年間,千百樣改革,不斷在短時間內推出,太快太急太多,就令教育最重要的核心--老師和學生,都疲於奔命。

什麼外評自評上評下評左評右評,總之什麼都要給政府評,政府評過才是最好,才合格。於是,老師為了這些「評」,文書工作大增,令用來教學生的時間減少。學生為了這些「評」,亦要接受學校操練,不能享受學習的樂趣。

評來評去之時,又同時手起刀落,縮班殺校,卻不肯推行小班教學,亦令教學質素下降,造成大量超額教師,令教育界人心惶惶。

搞完一大輪,學生成績是否真的有改善?我不知道,不過跳樓的老師和學生都多了,就是事實!

教改太快、太多,是客觀事實,可是羅太卻當教改是自己的親生仔一樣,不可以批評,不可以鬧,結果,在她衝動、涼薄的性格下,多次失言,終於害了自己。

論學生:「很多人批評特首,但年輕人最無資格(least qualified)去批評,因為沒有了特首,你們不能得到如此多資源。」

論學習:「好似澳門跑狗咁,前少少有隻電兔,等佢搏命追,只要努力少少就捉得到。」

論教師自殺:「根本上教改咁多學校都做,如果係(教改),點解淨係兩位老師(自殺)呢?如果你認為係教改形成的話。」

而教院事件之初,還爆了一句:「希望佢地小心D講野!」的黑社會恐嚇說話!

這些是什麼碼子的言論?市井、涼薄、自大,集於一身,這都是教育官員應講的說話嗎?!

可能就是那種唯我獨尊的心態,令她漸漸走進不歸路,漸漸對所有不滿、反對、批評的聲音,都聽不入耳,甚至要去干預,要去禁止這些聲音,終於出手叫教院炒掉批評教改、不滿教師壓力的學者,搞出個大頭佛!

有時不是說「為你好」,就可以迫人按自己的意思,做所有東西。羅太的致命傷,就是「好心做壞事」加「衰多口」,做事冒進,不肯聽反對聲音,說話又涼薄,結果,原本是為教育界好的政策,都惹來千夫所指。

政府高官,形象有時比實力更重要,羅太的失言,令自己的形象陷於谷底,加上李國章這個囂張跋扈的教育沙皇,教改政策又怎會不神憎鬼厭?

可惜,她臨走仍然要擲下一句「自己處事光明磊落,相信公道自在人心,如果請辭能引起社會人士對香港畸形政治生態的討論和反思,就是她對公務員的最後一份貢獻」,可見她仍然未知自己的問題所在,仍然心心不忿,不能走得瀟灑。

不懂反省,絕對不是一個好官,她的辭職,是正確的,尤其是廉政專員這種敏感職位。希望她的請辭,可以引起社會人士,對本港學術自由及言論自由的討論和反思,才是她對公務員的最後一份貢獻!


[26] Re:
巨人 :
問題唔係鬥慘, 而係人地食粥水, 你食飯, 仲要話唔好食. 條氣梗係唔順. 冇錯, 問題需要正視, 教育制度最好好似法國咁. 但面對縮班, 面對殺校, 面對學生上堂訓覺落堂去補習 等等等等.. 點解只係得示威, 靜坐. 面對唔識教既新課程, 冇人出黎大聲講個 " 不 " 字. 面對名校男女比例係 2 比 8, 冇人出黎講咁係畸形.我只可以咁講, 上面係錯, 下面一樣錯. 問題係要解決, 不過, 唔好怨.

咁有好多人有魚翅食都自殺添。

講真,有邊個行業的人,要幾年內面對政府咁多政策上的改變?

我幾個教師朋友,都係用心工作的教師,佢地係有飯食,不過換來的是一星期返七日工,朝七晚十,抑鬱症、粗勞過度,有D仲差D去左自殺,呢D都係事實。

還有,示威、靜坐係香港人的基本權利,有乜問題? 你又點知,示威背後,佢地冇做過其他野? 況且,香港冇民選政府,推政策根本唔使理民意點諗,市民基本上做乜都冇用,有時唯一可以做的,就只有上街示威。


[引用] | 作者 小彭 | 23rd Jun 2007 | [舉報垃圾留言]

[25]

問題唔係鬥慘, 而係人地食粥水, 你食飯, 仲要話唔好食. 條氣梗係唔順. 冇錯, 問題需要正視, 教育制度最好好似法國咁. 但面對縮班, 面對殺校, 面對學生上堂訓覺落堂去補習 等等等等.. 點解只係得示威, 靜坐. 面對唔識教既新課程, 冇人出黎大聲講個 " 不 " 字. 面對名校男女比例係 2 比 8, 冇人出黎講咁係畸形.
我只可以咁講, 上面係錯, 下面一樣錯. 問題係要解決, 不過, 唔好怨.


[引用] | 作者 巨人 | 23rd Jun 2007 | [舉報垃圾留言]

[24] Re: Re: Re: Re:
potato :
小彭 :咪係,搞到個個團團轉,倒頭來又唔係有乜野好成績,仲搞到民怨沸騰,真係唔搞好過!!

所謂「民怨沸騰」中的「民」好像大部分是教師(教院其實也是教師的一部分)。家長和學生除了「母語教學」外,對「教改」好像沒有很大的「怨」。所謂「百年樹人」,現在說教改「唔係有乜野好成績」是否言之過早。

教師是教育最核心的一環,冇左教師,教條毛? 教師「民怨沸騰」,竟然唔係一個問題? 奇怪!!

當然,「唔搞好過」只不過是晦氣話,不過改,都應該慢慢來。

你都話百年樹人咯,咁急做乜呢?!


[引用] | 作者 小彭 | 22nd Jun 2007 | [舉報垃圾留言]

[23] Re:
巨人 :
我覺得羅太冇咩錯, 搞改革冇錯, 錯就錯在其他單位配合唔倒. 教師自殺有咩問題, 行行都有人自殺. 教師壓力大, 全港 40 萬做緊 sales 既壓力一樣大.基準試係好事,唔合格可以再考再考再考. 考AL 既壓力比佢更高.我覺好多人都以為做老師同其他行業有咩根本性既分別. 多 D 壓力又唔得, 炒你又唔得, 工作時間長又唔得, 評核你又唔得.眼見又而家補習社愈開愈多, 我有一位朋友投身補習天王行列, 對於呢個情況, 佢講左一句: 唔單止因為 TIP 題, 而係老師唔識有效咁教導學生.

我重申一次,教改唔係最大問題,最大問題係佢推教改的手法,同一次又一次失言!!

「自殺有咪問題」,呢句說話,咪正正係羅太的最大問題囉!!

呢D咁唔經大腦、涼薄的說話,作為你呢D普通市民,當然冇問題,但作為一個教育高官,就唔可以亂咁講野。

你有壓力,我有壓力,係咪就可以代表壓力唔係一個問題? 你人工低工時高,我又人工低工時高,係咪就可以代表低人工高工時唔係一個問題?

香港最大問題就係人人都在鬥慘。「你好慘咩? 我仲慘過你!!」不過,就冇人正視點解大家都咁慘!!

我終於同意,香港社會真係畸形的!!


[引用] | 作者 小彭 | 22nd Jun 2007 | [舉報垃圾留言]

[22] Re: Re: Re:
Rico Lee :
小彭 : potato :「什麼外評自評上評下評左評右評,總之什麼都要給政府評,政府評過才是最好,才合格。於是,老師為了這些「評」,文書工作大增,令用來教學生的時間減少。學生為了這些「評」,亦要接受學校操練,不能享受學習的樂趣。」沒有這些「評」的年代 (例如:十多年前),老師就用很多時間來教學生嗎?沒有這些「評」的年代,學生就不用接受學校操練、學生就能享受學習的樂趣嗎?在沒有教改的年代接受教育的我覺得,那時老師一樣沒有用很多時間來教學生,學生一樣需接受學校操練、學生一樣不能享受學習的樂趣。這些香港教育的弊病,好像和「什麼外評自評上評下評左評右評」沒有因果關係。「評來評去之時,又同時手起刀落,縮班殺校,卻不肯推行小班教學,亦令教學質素下降,造成大量超額教師,令教育界人心惶惶。」推行小班教學,就會令教學質素上升了嗎?在一些縮班嚴重的學校推行的小班教學,似乎不見教學質素上升(詳情可翻看TVB「新聞透視」的專題報導)。為安置大量超額教師而推行小班教學,一定能保住教師的飯碗,是否一定能提升教學質素就天曉得。 我是沒有評時代學習的,我當然知以前係點。沒有評的時代,老師冇時間教學生,學生要操練。有評的時代,老師「更加」冇時間教學生,學生操練「更多」,這就是分別。我就是出身在大班時代的學生,大班的問題,我唔清楚?! 小班,老師「理論上」有更多時間放在每一個學生身上,常理上一定好過大班!! 就等於一個護士對四個病人,一定好過對十個病人一樣,是常識。唔好同我搬政府果套「教學質素上升有好多因素,小班未必有直接原因等等等等.......」呢類用以推卸責任的理論出來了!!I doubt that HK teachers are ready to take care a downsized class as it needs a different mindset in class room management. Smaller class size is, in principle, benefical to develop a closer teacher-student relationship and is helpful to understand the need of each student, but it need an entirely different mindset in classroom management. Are HK teachers ready? I am seriously in doubt.

唔試又點知? 只係在doubt,都冇用。我始終覺得,第一步,減少左人數先,起碼有助控制班上秩序,老師改功課又唔使改咁多,多D時間備課,已經一定有幫助。

至於classroom management既野,太學術性,我唔識。不過政府就唔應該只拿住呢個point,遲遲都唔肯積極做野囉!!

況且,我認為政府係諗錢,多過諗classroom management囉!!


[引用] | 作者 小彭 | 22nd Jun 2007 | [舉報垃圾留言]

[21] Re: Re: Re:
小彭 :
咪係,搞到個個團團轉,倒頭來又唔係有乜野好成績,仲搞到民怨沸騰,真係唔搞好過!!

所謂「民怨沸騰」中的「民」好像大部分是教師(教院其實也是教師的一部分)。家長和學生除了「母語教學」外,對「教改」好像沒有很大的「怨」。所謂「百年樹人」,現在說教改「唔係有乜野好成績」是否言之過早。


[引用] | 作者 potato | 22nd Jun 2007 | [舉報垃圾留言]

[20] Re: 唔.
maggie :
其實我又覺得,好多老師真係hea慣,舒服慣,8點返工,4點放工,空堂又乜都唔駛做,我見得多.hea到羅住本書照讀,懶理到底d學生明唔明.
突然多左野做,又要俾人管,仲要justify自己所做的.就覺得不滿.
其實教改後,好多真的用心用力去做野,較後生的老師,機會比以前多左好多.做得多,俾人做,升職機會多,因為佢地心態唔係只係hea做.
改變係人都唔鐘意,特別係對自己無益處的.唉.
佢係做官的.係諗政策的.iq高,又唔代表eq高.
何志平乜都唔做.唔講.un un 腳,順風順水.又係唔係代表佢係一個好的高官呢?唉.
我又覺得呢個生態,真的很畸形.

唉,有邊行係冇人hea丫。我其實都冇話教改係錯,只係一時間太多野壓落來,總會有反彈。佢自己又唔識sell,加上成日講錯野,咪出事。其實佢如果唔係咁衰多口,都唔會有今日的下場。


[引用] | 作者 小彭 | 22nd Jun 2007 | [舉報垃圾留言]

[19]

我覺得羅太冇咩錯, 搞改革冇錯, 錯就錯在其他單位配合唔倒. 教師自殺有咩問題, 行行都有人自殺. 教師壓力大, 全港 40 萬做緊 sales 既壓力一樣大.
基準試係好事,唔合格可以再考再考再考. 考AL 既壓力比佢更高.
我覺好多人都以為做老師同其他行業有咩根本性既分別. 多 D 壓力又唔得, 炒你又唔得, 工作時間長又唔得, 評核你又唔得.
眼見又而家補習社愈開愈多, 我有一位朋友投身補習天王行列, 對於呢個情況, 佢講左一句: 唔單止因為 TIP 題, 而係老師唔識有效咁教導學生.


[引用] | 作者 巨人 | 22nd Jun 2007 | [舉報垃圾留言]

[18] Re: Re:
小彭 : potato :「什麼外評自評上評下評左評右評,總之什麼都要給政府評,政府評過才是最好,才合格。於是,老師為了這些「評」,文書工作大增,令用來教學生的時間減少。學生為了這些「評」,亦要接受學校操練,不能享受學習的樂趣。」沒有這些「評」的年代 (例如:十多年前),老師就用很多時間來教學生嗎?沒有這些「評」的年代,學生就不用接受學校操練、學生就能享受學習的樂趣嗎?在沒有教改的年代接受教育的我覺得,那時老師一樣沒有用很多時間來教學生,學生一樣需接受學校操練、學生一樣不能享受學習的樂趣。這些香港教育的弊病,好像和「什麼外評自評上評下評左評右評」沒有因果關係。「評來評去之時,又同時手起刀落,縮班殺校,卻不肯推行小班教學,亦令教學質素下降,造成大量超額教師,令教育界人心惶惶。」推行小班教學,就會令教學質素上升了嗎?在一些縮班嚴重的學校推行的小班教學,似乎不見教學質素上升(詳情可翻看TVB「新聞透視」的專題報導)。為安置大量超額教師而推行小班教學,一定能保住教師的飯碗,是否一定能提升教學質素就天曉得。 我是沒有評時代學習的,我當然知以前係點。沒有評的時代,老師冇時間教學生,學生要操練。有評的時代,老師「更加」冇時間教學生,學生操練「更多」,這就是分別。我就是出身在大班時代的學生,大班的問題,我唔清楚?! 小班,老師「理論上」有更多時間放在每一個學生身上,常理上一定好過大班!! 就等於一個護士對四個病人,一定好過對十個病人一樣,是常識。唔好同我搬政府果套「教學質素上升有好多因素,小班未必有直接原因等等等等.......」呢類用以推卸責任的理論出來了!!
I doubt that HK teachers are ready to take care a downsized class as it needs a different mindset in class room management. Smaller class size is, in principle, benefical to develop a closer teacher-student relationship and is helpful to understand the need of each student, but it need an entirely different mindset in classroom management. Are HK teachers ready? I am seriously in doubt.


[引用] | 作者 Rico Lee | 22nd Jun 2007 | [舉報垃圾留言]

[17] 唔.

其實我又覺得,好多老師真係hea慣,舒服慣,8點返工,4點放工,空堂又乜都唔駛做,我見得多.hea到羅住本書照讀,懶理到底d學生明唔明.

突然多左野做,又要俾人管,仲要justify自己所做的.就覺得不滿.

其實教改後,好多真的用心用力去做野,較後生的老師,機會比以前多左好多.做得多,俾人做,升職機會多,因為佢地心態唔係只係hea做.

改變係人都唔鐘意,特別係對自己無益處的.唉.

佢係做官的.係諗政策的.iq高,又唔代表eq高.

何志平乜都唔做.唔講.un un 腳,順風順水.又係唔係代表佢係一個好的高官呢?唉.

我又覺得呢個生態,真的很畸形.


[引用] | 作者 maggie | 21st Jun 2007 | [舉報垃圾留言]

[16] Re: Re:
gunner :
potato :「什麼外評自評上評下評左評右評,總之什麼都要給政府評,政府評過才是最好,才合格。於是,老師為了這些「評」,文書工作大增,令用來教學生的時間減少。學生為了這些「評」,亦要接受學校操練,不能享受學習的樂趣。」沒有這些「評」的年代 (例如:十多年前),老師就用很多時間來教學生嗎?沒有這些「評」的年代,學生就不用接受學校操練、學生就能享受學習的樂趣嗎?在沒有教改的年代接受教育的我覺得,那時老師一樣沒有用很多時間來教學生,學生一樣需接受學校操練、學生一樣不能享受學習的樂趣。這些香港教育的弊病,好像和「什麼外評自評上評下評左評右評」沒有因果關係。「評來評去之時,又同時手起刀落,縮班殺校,卻不肯推行小班教學,亦令教學質素下降,造成大量超額教師,令教育界人心惶惶。」推行小班教學,就會令教學質素上升了嗎?在一些縮班嚴重的學校推行的小班教學,似乎不見教學質素上升(詳情可翻看TVB「新聞透視」的專題報導)。為安置大量超額教師而推行小班教學,一定能保住教師的飯碗,是否一定能提升教學質素就天曉得。

個問題唔係話以前好好,而係飯焦以為自己做咁多野,就係「好好」,結果適得其反,倒瀉籮蟹一鑊粥咁解。亦即係話,廿年前乜都唔做,同今時今日做左九萬幾樣野,一啲分別都無,咁飯焦係咪好失敗呢?

咪係,搞到個個團團轉,倒頭來又唔係有乜野好成績,仲搞到民怨沸騰,真係唔搞好過!!


[引用] | 作者 小彭 | 21st Jun 2007 | [舉報垃圾留言]

[15] Re:
ada :
因為羅范事件我竟然同意李慧玲所講的說話你話係咪太陽從西邊升起?

哈哈,我都同意佢的說話啦今次!!


[引用] | 作者 小彭 | 21st Jun 2007 | [舉報垃圾留言]

[14] Re:
potato :
「什麼外評自評上評下評左評右評,總之什麼都要給政府評,政府評過才是最好,才合格。於是,老師為了這些「評」,文書工作大增,令用來教學生的時間減少。學生為了這些「評」,亦要接受學校操練,不能享受學習的樂趣。」
沒有這些「評」的年代 (例如:十多年前),老師就用很多時間來教學生嗎?沒有這些「評」的年代,學生就不用接受學校操練、學生就能享受學習的樂趣嗎?在沒有教改的年代接受教育的我覺得,那時老師一樣沒有用很多時間來教學生,學生一樣需接受學校操練、學生一樣不能享受學習的樂趣。這些香港教育的弊病,好像和「什麼外評自評上評下評左評右評」沒有因果關係。
「評來評去之時,又同時手起刀落,縮班殺校,卻不肯推行小班教學,亦令教學質素下降,造成大量超額教師,令教育界人心惶惶。」
推行小班教學,就會令教學質素上升了嗎?在一些縮班嚴重的學校推行的小班教學,似乎不見教學質素上升(詳情可翻看TVB「新聞透視」的專題報導)。為安置大量超額教師而推行小班教學,一定能保住教師的飯碗,是否一定能提升教學質素就天曉得。

我是沒有評時代學習的,我當然知以前係點。

沒有評的時代,老師冇時間教學生,學生要操練。有評的時代,老師「更加」冇時間教學生,學生操練「更多」,這就是分別。

我就是出身在大班時代的學生,大班的問題,我唔清楚?!

小班,老師「理論上」有更多時間放在每一個學生身上,常理上一定好過大班!! 就等於一個護士對四個病人,一定好過對十個病人一樣,是常識。

唔好同我搬政府果套「教學質素上升有好多因素,小班未必有直接原因等等等等.......」呢類用以推卸責任的理論出來了!!


[引用] | 作者 小彭 | 21st Jun 2007 | [舉報垃圾留言]

[13] Re:
Aries :
羅太還走得那麼憤憤不平,心有不甘,當正自己是受害者 — 她有沒有好好想過,誰是真正的受害者啊?

受害者當然係成為種種教改白老鼠的學生!!


[引用] | 作者 小彭 | 21st Jun 2007 | [舉報垃圾留言]

[12] Re: 講得好!
古 月 :
講得好!我既非教師之列;亦非學生之輩,更還沒有"幸"成為陪子女一起捱教改之苦的父母親,我本是對羅范此人不愛也不恨。可是當我開始聽到她為了回應教改風波而作的回應,我真的很厭惡她的一張嘴臉,尤其是那張只會說涼薄話的嘴!!至於羅范那句:"希望佢小心D講o野",倒不如就留回給她最敬重的那個志同道合者~李沙皇享用啦!

其實佢唔係咁口多,講野咁涼薄,有番少少政治智慧,就唔會有今日!!


[引用] | 作者 小彭 | 21st Jun 2007 | [舉報垃圾留言]

[11] Re:
potato :
「什麼外評自評上評下評左評右評,總之什麼都要給政府評,政府評過才是最好,才合格。於是,老師為了這些「評」,文書工作大增,令用來教學生的時間減少。學生為了這些「評」,亦要接受學校操練,不能享受學習的樂趣。」
沒有這些「評」的年代 (例如:十多年前),老師就用很多時間來教學生嗎?沒有這些「評」的年代,學生就不用接受學校操練、學生就能享受學習的樂趣嗎?在沒有教改的年代接受教育的我覺得,那時老師一樣沒有用很多時間來教學生,學生一樣需接受學校操練、學生一樣不能享受學習的樂趣。這些香港教育的弊病,好像和「什麼外評自評上評下評左評右評」沒有因果關係。
「評來評去之時,又同時手起刀落,縮班殺校,卻不肯推行小班教學,亦令教學質素下降,造成大量超額教師,令教育界人心惶惶。」
推行小班教學,就會令教學質素上升了嗎?在一些縮班嚴重的學校推行的小班教學,似乎不見教學質素上升(詳情可翻看TVB「新聞透視」的專題報導)。為安置大量超額教師而推行小班教學,一定能保住教師的飯碗,是否一定能提升教學質素就天曉得。

個問題唔係話以前好好,
而係飯焦以為自己做咁多野,
就係「好好」,結果適得其反,
倒瀉籮蟹一鑊粥咁解。
亦即係話,廿年前乜都唔做,
同今時今日做左九萬幾樣野,
一啲分別都無,
咁飯焦係咪好失敗呢?


[引用] | 作者 gunner | 21st Jun 2007 | [舉報垃圾留言]

[10] Re:
高立 :
仲有呢一句:「辦教育好似食白粉會上癮,食白粉嘅時候好辛苦,但又鍾意食。」
其實,他們那一代的AO都有一種精英心態. 就穿了就是: 我(AO)的決策已是萬無一失.是最好的,對你們(市民)而言已經是最好的了. 你們班蟻民知道什麼! 殊不知,這十多年我們小市民已不是吳下阿蒙. 我們很多出過國. 讀過大學, 甚至碩士,博士. 大家回頭看你們那班AO的決策. 你們的理據有時薄弱的令人可笑(數碼港,西九單一招標,短椿,八萬五,紅灣,沙士,23條,天星,屏風樓...)現在,我們都是大學畢業(甚至更高).你那30年前的degree有什麼優勢?
我想, 羅太指香港畸形政治生態其實是指他們橫行霸道, 一言堂的時代一去不返更為貼切.

係呀,佢地認為自己係最好,政府的計劃一定冇得彈,是完美的,睇睇天星事件就知。幾十個專業團體的意見,在政府眼中,冇一個可行,只有政府的係可行!!


[引用] | 作者 小彭 | 21st Jun 2007 | [舉報垃圾留言]

[9] Re:
維珍航空 :
聽完佢話為公務員o既尊嚴而遲職, 真係"O"唒嘴.
你講得o岩, 佢未反醒. 而問題都未解決, 太官僚~

佢係港府高官,港府高官係唔會錯的,所以衰左都要繼續撐!!


[引用] | 作者 小彭 | 21st Jun 2007 | [舉報垃圾留言]

[8] Re:
simon/示芒 :
我諗呢個唔單止係教育官員o既問題,而係所有官員/政客都要諗一諗,咁樣o既處事態度,係現今o既香港社會係唔係仲適合。
有學者話羅太係要對社會作出控訴--係o既話,其實同啲憤世疾俗o既青年會考考得唔好然後又話社會錯屋企錯學校錯有乜分別???

哈哈,的確係冇乜分別的!!


[引用] | 作者 小彭 | 21st Jun 2007 | [舉報垃圾留言]

[7]

因為羅范事件
我竟然同意李慧玲所講的說話
你話係咪太陽從西邊升起?


[引用] | 作者 ada | 21st Jun 2007 | [舉報垃圾留言]

[6]

「什麼外評自評上評下評左評右評,總之什麼都要給政府評,政府評過才是最好,才合格。於是,老師為了這些「評」,文書工作大增,令用來教學生的時間減少。學生為了這些「評」,亦要接受學校操練,不能享受學習的樂趣。」

沒有這些「評」的年代 (例如:十多年前),老師就用很多時間來教學生嗎?沒有這些「評」的年代,學生就不用接受學校操練、學生就能享受學習的樂趣嗎?
在沒有教改的年代接受教育的我覺得,那時老師一樣沒有用很多時間來教學生,學生一樣需接受學校操練、學生一樣不能享受學習的樂趣。這些香港教育的弊病,好像和「什麼外評自評上評下評左評右評」沒有因果關係。

「評來評去之時,又同時手起刀落,縮班殺校,卻不肯推行小班教學,亦令教學質素下降,造成大量超額教師,令教育界人心惶惶。」

推行小班教學,就會令教學質素上升了嗎?在一些縮班嚴重的學校推行的小班教學,似乎不見教學質素上升(詳情可翻看TVB「新聞透視」的專題報導)。為安置大量超額教師而推行小班教學,一定能保住教師的飯碗,是否一定能提升教學質素就天曉得。


[引用] | 作者 potato | 21st Jun 2007 | [舉報垃圾留言]

[5]

羅太還走得那麼憤憤不平,心有不甘,當正自己是受害者 — 她有沒有好好想過,誰是真正的受害者啊?


[引用] | 作者 Aries | 21st Jun 2007 | [舉報垃圾留言]

[4] 講得好!

講得好!我既非教師之列;亦非學生之輩,更還沒有"幸"成為陪子女一起捱教改之苦的父母親,我本是對羅范此人不愛也不恨。可是當我開始聽到她為了回應教改風波而作的回應,我真的很厭惡她的一張嘴臉,尤其是那張只會說涼薄話的嘴!!至於羅范那句:"希望佢小心D講o野",倒不如就留回給她最敬重的那個志同道合者~李沙皇享用啦!


[引用] | 作者 古 月 | 21st Jun 2007 | [舉報垃圾留言]

[3]

仲有呢一句:「辦教育好似食白粉會上癮,食白粉嘅時候好辛苦,但又鍾意食。」

其實,他們那一代的AO都有一種精英心態. 就穿了就是: 我(AO)的決策已是萬無一失.是最好的,對你們(市民)而言已經是最好的了. 你們班蟻民知道什麼! 殊不知,這十多年我們小市民已不是吳下阿蒙. 我們很多出過國. 讀過大學, 甚至碩士,博士. 大家回頭看你們那班AO的決策. 你們的理據有時薄弱的令人可笑(數碼港,西九單一招標,短椿,八萬五,紅灣,沙士,23條,天星,屏風樓...)現在,我們都是大學畢業(甚至更高).你那30年前的degree有什麼優勢?

我想, 羅太指香港畸形政治生態其實是指他們橫行霸道, 一言堂的時代一去不返更為貼切.


[引用] | 作者 高立 | 21st Jun 2007 | [舉報垃圾留言]

[2]

聽完佢話為公務員o既尊嚴而遲職, 真係"O"唒嘴.

你講得o岩, 佢未反醒. 而問題都未解決, 太官僚~


[引用] | 作者 維珍航空 | 21st Jun 2007 | [舉報垃圾留言]

[1]

我諗呢個唔單止係教育官員o既問題,而係所有官員/政客都要諗一諗,咁樣o既處事態度,係現今o既香港社會係唔係仲適合。

有學者話羅太係要對社會作出控訴--係o既話,其實同啲憤世疾俗o既青年會考考得唔好然後又話社會錯屋企錯學校錯有乜分別???


[引用] | 作者 simon/示芒 | 21st Jun 2007 | [舉報垃圾留言]