香港新浪網 MySinaBlog
« 上一篇 | 下一篇 »
小彭 | 25th May 2007 | 我寫故我在 | (10884 Reads)

第四天

幾經standby的煎熬,再經過三個幾鐘的航程,我們終於由倫敦飛抵希臘雅典!!

Picture

搞好入境手續,已是凌晨四時。由於我們這次行程,是在毫無計劃之下出發(搞結婚已經忙到出煙,無時間研究蜜月旅行),所以第一步,又是book酒店。

雅典機場的入境大堂,有兩間旅遊代理,問過後,在其中一間買了去Santorini的船票(單程每人50多euro,其實也可以搭飛機,不過我不喜歡),並book了雅典三晚酒店(80euro一晚),但並沒有book Santorini的酒店,因為聽說抵達後會有很多人來sell酒店,不愁無地方住,價錢亦會比較平。

搞定後,我們便立即搭巴士,由機場直出Piraeus碼頭,搭早上七時半起航的高速船,向夢寐以求的愛琴海白屋小島Santorini進發!!

Picture

航班在中途會停兩個島上落客,五個多小時後,終於到達Santorini!

Picture

根據維基百科,Santorini是一個大火山的火山口,在3500年前大爆發,經過幾千年的演變,成為了今天的模樣。

Santorini主要有三個島,包括反C形的主島Santorini,第二大島Thirassia,以及火山島Nea Kameni。由於火山口地形關係,Santorini島的東面是平地,西面就是高高的懸崖。我們上岸的地方,也就是懸崖底部的新碼頭。

一落船,果然一大班酒店sales已經在恭候,比較高級的白色小屋酒店、民宿、或市中心較便宜的賓館,任君選擇,價錢由30多euro至180多euro以上不等,最後我們選擇了一間80euro一晚包早餐,位於Imerovigli區,家庭式經營的白色小屋酒店,並由老闆專車接送,經過大約半小時車程,終於到達!!

Picture

這酒店規模小,只有一個浴缸般大的泳池,房間亦不太豪華,像大嶼山的渡假屋,但酒店外形一流,最煞食的,是那居高臨下的無敵大海景,在酒店天台望下去,整個Santorini及愛琴海盡收眼底,美得令人感動!!

Picture

感動過後,也正式開始白屋小島之行!!

Santorini島西面的懸崖,主要分為幾個區,包括市中心區Fira,我們住的Imerovigli,北面的Oia。

酒店老闆說,由Imerovigli行去Fira,只需五至十分鐘,於是我們決定行路去Fira遊覽。Santorini果然名不虛傳,每間小屋,不輪新舊,都各有特色,雖然大部份都是白襯藍,但每間給人感覺都是不一樣,構成一幅幅浪漫的風景畫!

PicturePicture

PicturePicture

不過,行著行著,行了半小時,發覺行極也未到Fira,中計!!於是決定停下來,在上圖的風車屋餐廳吃點東西,然後折返酒店休息(前一晚沒有睡過呢!)

Picture

睡了個午覺,再到附近影晚霞,看著天由淺藍轉深藍,再由深藍轉黑,加上色彩繽紛的燈光,我們都沉醉在美景中......

Picture

Picture

Picture

影過晚霞,到酒店對面的餐廳晚膳,這是來到希臘的第一餐最豐富,也是最貴的晚餐!!

Picture

前面是一種希臘的特色食品,不記得叫什麼名字,給我吃了兩口才記得拍照。後面那碟是燒牛扒。可能肚餓關係,覺得這餐十分美味!

之後返回酒店,再上天台,坐在椅上,在星星月亮陪伴之下,抱著愛人,哼著歌,再細味Santorini的夜景,此情此景,人生幾何?!

Picture

Picture

(待續)


[30]

请问酒店名字叫什吗?


[引用] | 作者 mimi | 28th May 2012 | [舉報垃圾留言]

[29]

请问你还记得如果要搭飞机去santorini来回要多少euro吗??


[引用] | 作者 yuki | 3rd Feb 2010 | [舉報垃圾留言]


太耐了,唔記得了!!

[引用版主回覆] | 作者 小彭 | 15th Feb 2010

[28] Re: chris
chris :

hi,想問吓你由Piraeus去Santorini既船飛响那裡買?是否綱上訂?我上網睇過7月頭去快船要成66.00一個,請多多指教.TKS



o依,我上面篇文咪講左囉?!!

我地是在雅典機場其中一間旅行社買的,買完即時坐車去碼頭上船!!


[引用] | 作者 小彭 | 22nd Jun 2009 | [舉報垃圾留言]

[27] 船飛

hi,想問吓你由Piraeus去Santorini既船飛响那裡買?是否綱上訂?我上網睇過7月頭去快船要成66.00一個,請多多指教.TKS


[引用] | 作者 chris | 16th Jun 2009 | [舉報垃圾留言]

[26] Re:
路人 :
那一個是Mosaka吧?蛋和矮瓜煮成的.

係呀係呀,係矮瓜煮成的!!


[引用] | 作者 小彭 | 7th Jun 2007 | [舉報垃圾留言]

[25]

那一個是Mosaka吧?蛋和矮瓜煮成的.


[引用] | 作者 路人 | 2nd Jun 2007 | [舉報垃圾留言]

[24] Re:
大腳妹 :
嘩嘩嘩,不得了~~~我鍾意到暈!!風車同白色小屋,簡直係夢寐以求!一生人一定要去一次!要同大少去!叫佢攬住我睇夜景!

白色小屋島,都係我夢寐以求想去的地方,可以咁快去到,真係好開心!!

咁你快快搵錢,放大假就去啦!!


[引用] | 作者 小彭 | 31st May 2007 | [舉報垃圾留言]

[23] Re: Re: Re:
Dream Catcher :
小彭 :Dream Catcher :好靚,怪不得好多人都說honey moon一定要去希臘。還有那兒的女孩子很美,因為我有一個flatmate,她是希臘人,很美很美,她的朋友全都是很美很美的。

哈哈,係呀,我去完之後,已經知道有兩對朋友都想去希臘,其中一對幾日後成行了!!希臘的女孩部份都幾靚,不過我又唔覺得真係有好多,大部份都係一般啦!!

彭叔,你要求真高呀!

係呀,我個人比較「奄占」,比我叫得靚女的,應該好開心,哈哈!!


[引用] | 作者 小彭 | 31st May 2007 | [舉報垃圾留言]

[22]

嘩嘩嘩,不得了~~~我鍾意到暈!!風車同白色小屋,簡直係夢寐以求!一生人一定要去一次!要同大少去!叫佢攬住我睇夜景!


[引用] | 作者 大腳妹 | 31st May 2007 | [舉報垃圾留言]

[21] Re: Re:
小彭 :
Dream Catcher :好靚,怪不得好多人都說honey moon一定要去希臘。還有那兒的女孩子很美,因為我有一個flatmate,她是希臘人,很美很美,她的朋友全都是很美很美的。

哈哈,係呀,我去完之後,已經知道有兩對朋友都想去希臘,其中一對幾日後成行了!!
希臘的女孩部份都幾靚,不過我又唔覺得真係有好多,大部份都係一般啦!!

彭叔,你要求真高呀!


[引用] | 作者 Dream Catcher | 28th May 2007 | [舉報垃圾留言]

[20] Re: 謝謝你的分享
古 月 :
嘩,留了很多遍留言,仍然是留不到留言在這篇網誌之內,教人激氣!看完你這篇網誌,才發現原來 Santorini 比我想像之中還要美麗,我真係好想明天就可以出發到希臘呢!幸而我們還有數天才起飛,還有時間睇埋你後續介紹的希臘 ....希望到時我們會與你們一樣,有好天氣陪伴同遊 ^^

哈哈,我仲有起碼仲有四篇要寫,未必可以在你們出發前寫得完呢!!


[引用] | 作者 小彭 | 28th May 2007 | [舉報垃圾留言]

[19] Re:
iris :
巧令呀!!!!!!!!!!!
我都想去下,不過都幾難成行啦>.<

有乜難,儲到錢,請到假,咪去得囉!!平時唔好咁大駛啦!!


[引用] | 作者 小彭 | 28th May 2007 | [舉報垃圾留言]

[18] Re:
Dream Catcher :
好靚,怪不得好多人都說honey moon一定要去希臘。還有那兒的女孩子很美,因為我有一個flatmate,她是希臘人,很美很美,她的朋友全都是很美很美的。

哈哈,係呀,我去完之後,已經知道有兩對朋友都想去希臘,其中一對幾日後成行了!!

希臘的女孩部份都幾靚,不過我又唔覺得真係有好多,大部份都係一般啦!!


[引用] | 作者 小彭 | 28th May 2007 | [舉報垃圾留言]

[17] Re:
路人甲 :
好靚呀....E個地方係我一直向住的地方...唔知幾時先去到...未去到之前睇住你個BLOG先....;P

退團好似萬多元,努力儲錢,一定去到!!


[引用] | 作者 小彭 | 28th May 2007 | [舉報垃圾留言]

[16] 謝謝你的分享

嘩,留了很多遍留言,仍然是留不到留言在這篇網誌之內,教人激氣!
看完你這篇網誌,才發現原來 Santorini 比我想像之中還要美麗,我真係好想明天就可以出發到希臘呢!
幸而我們還有數天才起飛,還有時間睇埋你後續介紹的希臘 ....
希望到時我們會與你們一樣,有好天氣陪伴同遊 ^^


[引用] | 作者 古 月 | 28th May 2007 | [舉報垃圾留言]

[15]

巧令呀!!!!!!!!!!!

我都想去下,不過都幾難成行啦>.<


[引用] | 作者 iris | 27th May 2007 | [舉報垃圾留言]

[14]

好靚,怪不得好多人都說honey moon一定要去希臘。還有那兒的女孩子很美,因為我有一個flatmate,她是希臘人,很美很美,她的朋友全都是很美很美的。


[引用] | 作者 Dream Catcher | 27th May 2007 | [舉報垃圾留言]

[13]

好靚呀....E個地方係我一直向住的地方...唔知幾時先去到...
未去到之前睇住你個BLOG先....;P


[引用] | 作者 路人甲 | 26th May 2007 | [舉報垃圾留言]

[12] Re: 這個也是我很想到的地方
ELSA :
有時間記住話我知點去,我想今年的大假同老公去呢度,但好似有d月份唔去得因為海面風浪大,係唔係?

好呀,你隨時打比我丫!!

你幾時大假?不過我都唔知幾時風浪大,我地去的時候,都成日好大風,水又凍,游唔到水,我估七、八月會好D!!


[引用] | 作者 小彭 | 26th May 2007 | [舉報垃圾留言]

[11] Re:
小蓓 :
睇相已經feel到好靚,真身一定靚死左...呵呵呵~ 如果我鍾意白色同藍色,或者會考慮定居當地...大腳妹可以諗下噃...嘻~ =)

乜你唔鍾意白色同藍色咩?

直頭係大腳妹個blog張畫的風車屋風景,佢一定好鍾意!!


[引用] | 作者 小彭 | 26th May 2007 | [舉報垃圾留言]

[10] Re:
Terence :
路過。真係好靚。跟愛人一起去,更美呢。祝新婚愉快。

係呀,好靚!!
多謝祝福!!


[引用] | 作者 小彭 | 26th May 2007 | [舉報垃圾留言]

[9] Re:
EC :
一直很恨去希臘...天氣很好呢...係唔係長期咁好架?聽聞三至四月是最佳的時候?呀...很舒服呀...

我地去果幾日都陽光普照,唔知係我地好彩,定希臘不嬲天氣好?!

三、四月應該仲凍,我地四月尾去,廿幾三十度,不過水仍然凍,游唔到水,我諗七、八月去會好D掛!!


[引用] | 作者 小彭 | 26th May 2007 | [舉報垃圾留言]

[8] Re:
美寶 :
嘩 ! 你到了仙境 !enjoy !

又未至於仙境,不過真係好靚!!

我始終都係覺得,二月份的小樽,先至係仙境!!


[引用] | 作者 小彭 | 26th May 2007 | [舉報垃圾留言]

[7] Re:
星屑醫生 :
你住山崖的? 真正! 我那時住度假村式的, 雖然都好正.
哇, 看你說, 好懷念.有沒有join day tour?

係呀,住左兩晚山崖,好正!!

我有join day tour呀,下兩篇會講到!!


[引用] | 作者 小彭 | 26th May 2007 | [舉報垃圾留言]

[6] 這個也是我很想到的地方

有時間記住話我知點去,我想今年的大假同老公去呢度,但好似有d月份唔去得因為海面風浪大,係唔係?


[引用] | 作者 ELSA | 26th May 2007 | [舉報垃圾留言]

[5]

睇相已經feel到好靚,真身一定靚死左...呵呵呵~ 如果我鍾意白色同藍色,或者會考慮定居當地...大腳妹可以諗下噃...嘻~ =)


[引用] | 作者 小蓓 | 26th May 2007 | [舉報垃圾留言]

[4]

路過。
真係好靚。跟愛人一起去,更美呢。祝新婚愉快。


[引用] | 作者 Terence | 26th May 2007 | [舉報垃圾留言]

[3]

一直很恨去希臘...
天氣很好呢...係唔係長期咁好架?
聽聞三至四月是最佳的時候?
呀...很舒服呀...


[引用] | 作者 EC | 25th May 2007 | [舉報垃圾留言]

[2]

嘩 ! 你到了仙境 !
enjoy !


[引用] | 作者 美寶 | 25th May 2007 | [舉報垃圾留言]

[1]

你住山崖的? 真正! 我那時住度假村式的, 雖然都好正.

哇, 看你說, 好懷念.
有沒有join day tour?


[引用] | 作者 星屑醫生 | 25th May 2007 | [舉報垃圾留言]