香港新浪網 MySinaBlog
« 上一篇 | 下一篇 »
小彭 | 3rd Feb 2007 | 新聞任我講 | (2248 Reads)

踏進曾蔭權宣佈參選的會場,見到「我會做好呢份工」這一絕句,立即令一班記者噴飯!!

心想,任何一間最垃圾的PR公司,都不會想出這麼爛的競選口號。原來,絕句是煲呔自己度的,又一次證實他的政治智慧有多騎呢!!

「我會做好呢份工!!!」這類慷慨激昂的情緒化承諾,可能會出自很想得到一份工作的見工者口中;「我會做好呢份工...」這類充滿求情感覺的說話,亦可能出自做錯事,希望老板原諒的打工仔口中。但很難想像,這句無神無氣的說話,會被用作競選口號!!

曾先生說,這句說話是四十年前進入政府時,對自己許下的承諾。作為公務員,做好份工,是很應該,亦十分正常。不過,四十年後的今天,他早已不是公務員,而是政治問責的官員,甚至是行政長官,是一份終身事業,不是一份工。若繼續當特首是打份工,是很有問題。

作為打工仔,上有無數老板,只要按本子辦事,不做少,不做多,已經算是做好份工。但作為特首,級數已是老板,老板不需要打工,老板是要run一盤生意,要有抱負,要有願景,責任是指揮下屬搞好業績,基本上只要用腦,不用落手落腳去做好份工!!

如果一個特首說要打好份工,即是他還有老板,自己不是老板,只是分店經理,分店經理當然不會質疑總公司的設計意念,不敢質疑總公司供應貨物的質素,總公司供應什麼,你就賣什麼,賣得愈多,你份工就打得愈好了!!

潛台詞是:「我打份工咋,多做多錯,少做少錯,唔做唔錯,要我同老板爭取普選?要我踢爆老板食物安全有問題?要我唔比老板的親戚落黎生仔?作死咩,咁敏感,你想我冇左份工牙?!你地都係乖乖地,等到2047,都或者有普選的!!」

那麼,小市民可以對一個小小打工仔有什麼期望?!

特首要聽老板話,是人所共知的。我知你不用向七百萬市民交代什麼,也知你在八百人的小圈子選委中,說什麼也有人拍手,不過,這好好歹歹也稱為一個選舉,犯不著赤裸裸地將「我只是打份工」這個真相講出來吧,這是那碼子的政治智慧?!

之前一句「我廿四小時都係特首」,已令人R頭,我廿四小時都係記者,難道我沒有收工時間?現在又來一句「我要做好呢份工」,簡直令人嘔電!!


[18] Re: 當堂想暈低
古 月 :
記得我第一次見到呢句口號,是在銅鑼灣近隧道的入口處,那一次還是與劉先生一起看到的。當時我們二人見到呢句口號之後,異口同聲講:"真係想暈"..事關真係好"硬銷"!記得前幾天佢當選後去謝票,到o左觀塘區還刻意地在人群前三次大呼"我會做好呢份工"的口號,引來師奶、阿伯對著他邊拍手,邊大呼小叫的,好不熱鬧的樣子..那時候我的內心真的在想:"我們的連任特首啊,你到底知道自己在做什麼嗎?真係好鬼肉酸"

唉,算啦,其實呢句口號又真係幾深入民心,算係錯有錯著!! 我只奇怪,佢謝乜野票呢,七百萬市民根本冇渠道投票選佢呢!!


[引用] | 作者 小彭 | 31st Mar 2007 | [舉報垃圾留言]

[17] 當堂想暈低

記得我第一次見到呢句口號,是在銅鑼灣近隧道的入口處,那一次還是與劉先生一起看到的。當時我們二人見到呢句口號之後,異口同聲講:"真係想暈"..事關真係好"硬銷"!記得前幾天佢當選後去謝票,到o左觀塘區還刻意地在人群前三次大呼"我會做好呢份工"的口號,引來師奶、阿伯對著他邊拍手,邊大呼小叫的,好不熱鬧的樣子..那時候我的內心真的在想:"我們的連任特首啊,你到底知道自己在做什麼嗎?真係好鬼肉酸"


[引用] | 作者 古 月 | 29th Mar 2007 | [舉報垃圾留言]

[16] Re:
Angie :
Ricky 話佢個 slogan 好 wor,話如果佢真係做好「特首」呢份工,都算係咁,因為都唔係咁易做 ... 都係既,係未我地對佢要求太高呢?其實唸真 d 有呢個心態都算好架啦,依家好多人都係想人地做好份工,又唔多要求自己做好!係未呢?

身為一區之首,對佢的要求梗係要高啦,當然希望佢當特首工作係一份使命,而唔只係一份工,唔係點搞好香港呢!!


[引用] | 作者 小彭 | 10th Feb 2007 | [舉報垃圾留言]

[15] Re:
IRIS :
諗諗下,佢梗係要做好呢份工啦,唔係佢卸任之後,邊有大財團請佢打工呀,哇哈哈哈哈!

嘩,佢卸任後都好老啦,疊埋心水養錦鯉好過啦!!


[引用] | 作者 小彭 | 10th Feb 2007 | [舉報垃圾留言]

[14]

Ricky 話佢個 slogan 好 wor,話如果佢真係做好「特首」呢份工,都算係咁,因為都唔係咁易做 ... 都係既,係未我地對佢要求太高呢?其實唸真 d 有呢個心態都算好架啦,依家好多人都係想人地做好份工,又唔多要求自己做好!係未呢?


[引用] | 作者 Angie | 8th Feb 2007 | [舉報垃圾留言]

[13]

諗諗下,佢梗係要做好呢份工啦,唔係佢卸任之後,邊有大財團請佢打工呀,哇哈哈哈哈!


[引用] | 作者 IRIS | 6th Feb 2007 | [舉報垃圾留言]

[12] Re:
Angie :
曾特首話要用呢個slogan,唔通佢條team冇人咁話唔好?呢個真係好香港人文化。

特首自覺諗出絕句,邊有人夠膽質疑!!

不過呢句野依家講到街知巷聞,都算成功既!!


[引用] | 作者 小彭 | 6th Feb 2007 | [舉報垃圾留言]

[11] Re:
Iris :
我要煮好呢餐飯
我要打好呢場交
我要玩好呢個遊戲
我要去好呢次旅行
我要食晒呢碗粉
我要買晒呢d衫
我...我...我淨係唔想做好呢份工因為我根本唔想做可以退休或者嫁個有錢人就好啦!!! 哇哈哈哈

哈哈,你的心聲同我一樣,我就係唔想做好呢份工!!

我要中好今晚的六合彩!!


[引用] | 作者 小彭 | 6th Feb 2007 | [舉報垃圾留言]

[10] Re:
KaKa :
真奇怪,以我嘅認知,就算一個畢業生去見工,如果被問及為什麽對敝公司/職位有興趣,起碼要答「我當這份是職業」「或這份職業....」職業係 career,工係 job;career 係 long term,好認真,人生事業目標;但 job is a job, 一份工囉,東家唔打打西家嗰啲!我見乜工做乜工都死話當係 career 以表誠意~公開話做特首係一份 job 確實係一個好勇敢嘅行為!

係囉,事業同工作係唔同層次,job做完可以拍下patpat走人,冇乜責任要承擔!!


[引用] | 作者 小彭 | 6th Feb 2007 | [舉報垃圾留言]

[9] Re:
亞占 :
也許呢份工唔係咁易做得好呢。

一定唔易啦!!仲好難添!!不過佢「好」的標準,可能好低!!


[引用] | 作者 小彭 | 6th Feb 2007 | [舉報垃圾留言]

[8]

曾特首話要用呢個slogan,唔通佢條team冇人咁話唔好?呢個真係好香港人文化。


[引用] | 作者 Angie | 6th Feb 2007 | [舉報垃圾留言]

[7]

我要煮好呢餐飯

我要打好呢場交

我要玩好呢個遊戲

我要去好呢次旅行

我要食晒呢碗粉

我要買晒呢d衫

我...我...我淨係唔想做好呢份工
因為我根本唔想做
可以退休或者嫁個有錢人就好啦!!! 哇哈哈哈


[引用] | 作者 Iris | 6th Feb 2007 | [舉報垃圾留言]

[6]

真奇怪,以我嘅認知,就算一個畢業生去見工,如果被問及為什麽對敝公司/職位有興趣,起碼要答「我當這份是職業」「或這份職業....」
職業係 career,工係 job;career 係 long term,好認真,人生事業目標;但 job is a job, 一份工囉,東家唔打打西家嗰啲!
我見乜工做乜工都死話當係 career 以表誠意~
公開話做特首係一份 job 確實係一個好勇敢嘅行為!


[引用] | 作者 KaKa | 4th Feb 2007 | [舉報垃圾留言]

[5]

也許呢份工唔係咁易做得好呢。


[引用] | 作者 亞占 | 4th Feb 2007 | [舉報垃圾留言]

[4] Re:
ken :
不是說笑,我曾在某傳媒機構經常聽到領導人以一句'做呢行係有開工,無放工'作為鼓勵同事的說話....

哈哈,有開工,冇收工,係傳媒界普遍的慘況,當係鼓勵的說話? 玩咩!!


[引用] | 作者 小彭 | 3rd Feb 2007 | [舉報垃圾留言]

[3] Re:
poonwinghang :
可能佢就係想有放工時間,所以以此為口號…好,咁你以後八點放工…

都有呢個可能喎!!


[引用] | 作者 小彭 | 3rd Feb 2007 | [舉報垃圾留言]

[2]

不是說笑,我曾在某傳媒機構經常聽到領導人以一句'做呢行係有開工,無放工'作為鼓勵同事的說話....


[引用] | 作者 ken | 3rd Feb 2007 | [舉報垃圾留言]

[1]

可能佢就係想有放工時間,所以以此為口號…好,咁你以後八點放工…


[引用] | 作者 poonwinghang | 3rd Feb 2007 | [舉報垃圾留言]