香港新浪網 MySinaBlog
« 上一篇 | 下一篇 »
小彭 | 18th Jan 2007 | 我寫故我在 | (5506 Reads)

平均分: 10.00 | 評分人數: 1

幾個月前在銅鑼灣世貿看了一個展覽,展出八、九十年代青年人的玩意,當時拍了一些照片。今天無聊玩手機,重看相片,每一件物件,又令我憶起上世紀那黃金時代的點滴......

Picturecall機

在每人擁有多過一部手機的香港,call機幾近絕跡,但在八、九十年代,call機卻是身份的象徵。記得自己在預科時擁有第一部call機,是Motorola的文字機。當時還未有秘書台,call人要講call機number,我的number是8190,我的生日!!

後來秘書台出現,我set了最簡單的歡迎詞:「請問邊位搵Kenneth?」可惜,十個有八個「秘書」都讀錯我的名,變成Kenny、Keith不等,激死,那有秘書會讀錯自己老闆的名字?!!於是後來改了「請問邊位搵彭先生?」,秘書不認老細的事件才不再發生!!

直至擁有手提電話,亦堅持繼續用call機一段長時間,因為始終覺得文字比口訊實在,用call機傳「情」,亦非常浪漫呢!!不過後來手機月費愈來愈平,call台費用變得不成比例的貴,只好放棄call機,投向留言信箱的懷抱!!

Picture大哥大水壺電話(嚴格來說,這個不算水壺電話)

不記得什麼嘜花生油,某年送了一款大哥大型的水壺,自此以後,大哥大電話又叫水壺電話。我未用過水壺電話,第一部手機在大專時出,是Ericsson的PCS手機,已經十分細部,只拿過爸爸的大哥大來把玩。

叫得大哥大,實在是非常重,還很貴,動輒過萬元一部!記得當年有人用大哥大擋刀,以及用作抗賊武器,就知道它的利害!!

當時的大哥大,仍然是模擬制式,打一個電話要等十秒以上先接通,電池又有記憶,要放電。見過爸爸將手機電池接駁在多個摩打上放電,放了一晚,真搞笑!!

Picture計數機手錶

當年未有G-shock,最想得到的電子手錶,就是這種Casio計數機手錶!!其實我並無考慮過,錶上的計數機對我的作用有多大,只是被她高科技的外型深深吸引!!

不過,由於我只是一個窮學生,始終未擁有過計數機手錶,每次見人戴著,都流露出羨慕的目光。

到近年,又見有人戴這種手錶,更是全金色的,型到爆。不過在手機及PDA當道的今天,又有誰會再用得著她的計數機功能?!

PictureDiscman

三十多年來,只擁有過一部discman,是外公送的。那部機就同上面這部款式差不多,又沒有防震,帶出街時常跳線,後來只好放在家中使用。

還記得當年時常去一間CD舖租不同CD,然後放入discman,駁線,再將自己喜歡的歌dup落walkman,錄成一盒又一盒精選歌曲卡式帶,是一項偉大工程,與現在網上download歌曲到iPod的手到拿來,實在有天壤之別!!這些卡式帶,還保留到現在呢。

Picture足球小將遊戲機

現在無論大人細路,差不多人手一部PSP及NDS,想當年,我們玩的就是這種單調的黑白電子遊戲機。

擁有過幾部任天堂的卡片型遊戲機,包括「高空擲物」及「跳降傘」等,機上只有兩三粒按鈕,但有難度選擇,難度愈高,擲物及跳傘員愈多,速度愈快,不比PSP易玩,常玩到手心冒汗!!

而上圖的足球小將遊戲機,是我最想擁有的機種。當年同學帶了這部機返學校,引起哄動,同學們紛紛排隊跟機,打過不亦樂乎!!

Picture搖搖

嘩,搖搖簡直是八、九十年代的經典玩意!!當年這鼓搖搖熱潮,相信是由可口可樂帶起的!!為了圖中的金搖搖(好像是非賣品),飲汽水飲到肚痛!!

當年可樂的搖搖,大致分兩種,一種軸心是用木造,比較輕,價錢平;一種是金屬軸心的,比較重,價錢貴。

我就曾經擁有一個芬達的金屬軸心搖搖,為了在人前表演,在家中努力苦練技術,計有上、中、下大迴環,三角鈴吊鐘,以及搖搖地上轆,可惜無一學成,還屢次扑中自己的頭,令人氣餒!!

Picture扭計蛇

當年隨了扭計骰,扭計蛇亦風魔萬千少年!!

同搖搖一樣,被扭計蛇迷過了一段時間,在家中苦練將扭計蛇屈成不同形狀,當然,結果又是失敗,扭來扭去,扭計蛇仍是一條蛇,扭不出什麼花樣!!看來,這類技巧性玩意,都不太適合我!!

Picture滾軸溜冰鞋

未擁有過一對完整的滾軸溜冰鞋,那種可安裝在普遍鞋上的滾軸車轆就玩過,不過車轆很易飛脫,令人PK!!好彩我未試過因而出事。

以前玩滾軸溜冰叻的人,常常喜歡串起一條龍,又玩跳over,十分勁。當然,我也是學不懂!! 

記得太古城過去除了真雪溜冰場外,還有一個像disco的滾軸溜冰場,給我的印象是飛仔溝女(八、九十年代用「溝」)的地方,時常有人打架,我好像只去過一次,覺得頗為烏煙瘴氣,真雪溜冰場好得多了。

Picture扭蛋膠公仔

現在扭蛋,分分鐘扭出一個複雜的模型,以前的扭蛋,就多數是這種軟膠公仔,我就特別喜歡機械人膠公仔,一個個不同顏色的膠機械人,儲齊一套,排在床頭,很有滿足感!!

沒有展出的還有紅白機、扭計骰、變形金剛貼紙簿、六神合體超合金,甚至集郵、儲首日封、鬥金絲貓......都是三字頭的人做學生時,hit爆的玩意,陪伴著我們成長,都是我們的集體回憶!!


[50] Re: 請處理
P :
作者 師奶 | 20th Jan 2007 22:29你好, 這則留言中有個人資料, 而這是公開的網誌, 請問可以刪去聯絡電話和電郵的資料嗎, 以防有不法之徒用來做壞事啊, 請處理, 謝.

已刪除!!


[引用] | 作者 小彭 | 16th May 2007 | [舉報垃圾留言]

[49] 請處理

作者 師奶 | 20th Jan 2007 22:29
你好, 這則留言中有個人資料, 而這是公開的網誌, 請問可以刪去聯絡電話和電郵的資料嗎, 以防有不法之徒用來做壞事啊, 請處理, 謝.


[引用] | 作者 P | 16th May 2007 | [舉報垃圾留言]

[48] Re:
亞西西 :
真係好懷念,好似搖搖咁,仲可以向個仔面前,比佢崇拜下!

哈哈,個仔一定好佩服你,識得將個轆fing來fing去!!

睇見依家的細路仔,除左PSP,就係NDS,dup低個頭日打夜打,先覺得我地以前係咁多姿多彩!!


[引用] | 作者 小彭 | 13th Mar 2007 | [舉報垃圾留言]

[47]

真係好懷念,好似搖搖咁,仲可以向個仔面前,比佢崇拜下!


[引用] | 作者 亞西西 | 11th Mar 2007 | [舉報垃圾留言]

[46] Re: 玩具
玩具 :
我還可以感受到以前那些美好的記憶,溫暖的陽光,開心的笑容.

哈哈,乜都好似以前好D!!


[引用] | 作者 小彭 | 13th Feb 2007 | [舉報垃圾留言]

[45] 玩具

我還可以感受到以前那些美好的記憶,溫暖的陽光,開心的笑容.


[引用] | 作者 玩具 | 13th Feb 2007 | [舉報垃圾留言]

[44] Re:
KaKa :
嘩!我 exactly 有呢個 Sony Walkman + 可樂扭計蛇 + IQ博士系列嘅扭蛋膠公仔呀(特別係最大嗰個小雲),一模一樣呀!我都有可樂、雪碧、芬達搖搖添呀!!但係點解唔見扭計骰嘅??

證明你的年紀都有番咁上下!!

果日冇展出扭計骰,唔知點解!!


[引用] | 作者 小彭 | 28th Jan 2007 | [舉報垃圾留言]

[43]

嘩!我 exactly 有呢個 Sony Walkman + 可樂扭計蛇 + IQ博士系列嘅扭蛋膠公仔呀(特別係最大嗰個小雲),一模一樣呀!
我都有可樂、雪碧、芬達搖搖添呀!!
但係點解唔見扭計骰嘅??


[引用] | 作者 KaKa | 26th Jan 2007 | [舉報垃圾留言]

[42] Re:
Cherrie :
我是cherrie啦! 我還有一張免費票, 你快send email給我, 給你的地址和名給我我寄給你啦!

多謝你先,不過好似落左畫啦,算啦,等睇VCD!! 下次有好戲記住益我喎,哈哈!!!


[引用] | 作者 小彭 | 25th Jan 2007 | [舉報垃圾留言]

[41] Re: OFCUZ
ViOLa :
wakkaka....i am 21 ar ma..i experience that time too la..at least i played yoyo, knew that my uncle n dad were using "call-gay", seeing ppl use that giant cell phone and i used disc man also la
hey! i saw pretty much! i am glad i was born in da 80s, if not i would had missed so much :)

出生於八十年代,仲可以經驗到呢D好野,九十年代出生的,就miss左好多野囉!!


[引用] | 作者 小彭 | 25th Jan 2007 | [舉報垃圾留言]

[40] Re:
維珍航空 :
我想試下用個大哥大電話黎傾電話, 睇下會唔會手軟~~ wakakakaka~~~ XD

成磅重,一定會!!哈哈!!


[引用] | 作者 小彭 | 25th Jan 2007 | [舉報垃圾留言]

[39] Re:
阿力~ :
八十年代扭蛋公仔真係好令人懷念~

yes!!依家的,太複雜!!


[引用] | 作者 小彭 | 25th Jan 2007 | [舉報垃圾留言]

[38]

我是cherrie啦! 我還有一張免費票, 你快send email給我, 給你的地址和名給我我寄給你啦!


[引用] | 作者 Cherrie | 24th Jan 2007 | [舉報垃圾留言]

[37] OFCUZ

wakkaka....i am 21 ar ma..i experience that time too la..at least i played yoyo, knew that my uncle n dad were using "call-gay", seeing ppl use that giant cell phone and i used disc man also la

hey! i saw pretty much! i am glad i was born in da 80s, if not i would had missed so much :)


[引用] | 作者 ViOLa | 24th Jan 2007 | [舉報垃圾留言]

[36]

我想試下用個大哥大電話黎傾電話, 睇下會唔會手軟~~ wakakakaka~~~ XD


[引用] | 作者 維珍航空 | 23rd Jan 2007 | [舉報垃圾留言]

[35]

八十年代扭蛋公仔真係好令人懷念~


[引用] | 作者 阿力~ | 22nd Jan 2007 | [舉報垃圾留言]

[34] Re:
:
"滾軸溜冰鞋" 我記得都唔係咁叫, 多數叫撈乸, 一係就叫雪屐個展有冇蘋果機呀? 細個見表哥有部腦不知幾羡慕, 最鍾意玩lode runner.

滾軸溜冰鞋係正統讀法,撈乸係Roller的音譯。雪屐應該係講緊踩冰喎?!!

我冇蘋果機,不過學校就有,單色mon,好古老!!


[引用] | 作者 小彭 | 22nd Jan 2007 | [舉報垃圾留言]

[33] Re:
k :
 彭兄
我想我的年紀應該和你差不多,以上所有野我都用過, 玩過...我想唔認老都唔得看到d相真的另我有很多回憶...看到你寫大哥大果段,真係回心...我真係試過攞黎打架喎

嘩,用舊成萬蚊的磚頭來打架,好捨得喎!!


[引用] | 作者 小彭 | 22nd Jan 2007 | [舉報垃圾留言]

[32] Re:
古 月 :
小彭所寫的這篇,每一段都叫我很有共嗚!尤其 dup 帶那一段,看得我大笑起來!那個年代真的沒有如現在這個年代,什麼也來得方便、直接。可是那時候每完成一件"偉大工程",也叫我們很有成功感、滿足感呢!

係呀,特別係可以計到用最少的帶,錄到最多的歌,岩岩錄到成餅帶只剩番幾十秒,會覺得自己好叻!!


[引用] | 作者 小彭 | 22nd Jan 2007 | [舉報垃圾留言]

[31]

"滾軸溜冰鞋" 我記得都唔係咁叫, 多數叫撈乸, 一係就叫雪屐
個展有冇蘋果機呀? 細個見表哥有部腦不知幾羡慕, 最鍾意玩lode runner.


[引用] | 作者 | 22nd Jan 2007 | [舉報垃圾留言]

[30]

 彭兄

我想我的年紀應該和你差不多,以上所有野我都用過, 玩過...我想唔認老都唔得emoticon看到d相真的另我有很多回憶...看到你寫大哥大果段,真係回心emoticon...我真係試過攞黎打架喎emoticon


[引用] | 作者 k | 22nd Jan 2007 | [舉報垃圾留言]

[29]

小彭所寫的這篇,每一段都叫我很有共嗚!尤其 dup 帶那一段,看得我大笑起來!那個年代真的沒有如現在這個年代,什麼也來得方便、直接。可是那時候每完成一件"偉大工程",也叫我們很有成功感、滿足感呢!


[引用] | 作者 古 月 | 22nd Jan 2007 | [舉報垃圾留言]

[28] Re:
Angie :
睇你呢篇blog真係好有feel。如果我知有呢d展覽我都會去。你講既我大部份都有,仲記得好多其他野呢!我係度唸,我地係未真係老呢?開始覺得懷念係好有味道既!八九十年代,係人都覺得佢正!電影、歌曲、經濟,年青既感覺。真係香港既黃金年代!

係啦,你唔認老都唔得啦!!八九十年代,又真係乜都正D!!

可能因為當時係我地最年青最燦爛的年紀,所以覺得乜都正D!!

下面我朋友的留言話,世貿又有展覽喎,今次講電影電視唱片,都有睇頭喎!!


[引用] | 作者 小彭 | 22nd Jan 2007 | [舉報垃圾留言]

[27] Re:
加菲 :
我爸爸玩扭計蛇好叻架, 除左蛇仲可以扭到十字架同足球俾我玩; 我就打機叻, 什麼跳降傘, king kong等都打到爆機. 哈哈~

king kong我都有玩過,不過永遠未試過打爆機!!


[引用] | 作者 小彭 | 21st Jan 2007 | [舉報垃圾留言]

[26] Re:
Johnny仔 :
上面o的野... 我... 都真係冇咩點擁有過...搖搖都有既,但係最近較為興起的一次,好像係數年前而已。滾軸溜冰鞋,我還讀幼稚園個陣見走廊有人玩架,滾軸溜冰冇去過,不過當時有些公園都有area係玩滾軸溜冰架。

有架,依家都仲有公園有area比人玩滾軸溜冰,不過依家D人唔係玩呢隻,係玩RollerBlade!!


[引用] | 作者 小彭 | 21st Jan 2007 | [舉報垃圾留言]

[25] Re: our childhood
ViOLa :
haha so good that u showed all these pics! remind me of my childhood also >_

哈,但睇黎你好似冇咁大個喎?!!你細個真係有玩呢D野??


[引用] | 作者 小彭 | 21st Jan 2007 | [舉報垃圾留言]

[24] Re:
小蓓 :
我好鍾意扭計蛇,好好玩!記得細個在學校的賣物會贏到一個扭計蛇,係咁在屋企扭扭扭,好有滿足感呢!而家世貿展出緊八十年代娛樂圈,有舊唱片、雜誌、電視劇、明星...都幾好睇架!

又有展覽? 經過要去睇下先!!


[引用] | 作者 小彭 | 21st Jan 2007 | [舉報垃圾留言]

[23] Re:
美寶 :
我好懷念英文字母擦字膠及一種糖叫「結連」/「連結」,黑白色的!

字母擦字膠係得意,不過用佢來擦字係唔會擦得乾淨!!

你係咪講緊「了結糖」(我都唔知係咪咁寫)??


[引用] | 作者 小彭 | 21st Jan 2007 | [舉報垃圾留言]

[22] Re:
ada :
我都擁有過由獅球o麥花生油贈送的大哥大水壺真係好臭,用左一陣就無用但係亦因為呢個水壺,令我記得大哥大個外形到而家

哈哈,睇黎好多人都有過大哥大水壺,但冇人會真係用佢來裝水飲,因為好臭!!


[引用] | 作者 小彭 | 21st Jan 2007 | [舉報垃圾留言]

[21]

睇你呢篇blog真係好有feel。如果我知有呢d展覽我都會去。你講既我大部份都有,仲記得好多其他野呢!我係度唸,我地係未真係老呢?開始覺得懷念係好有味道既!八九十年代,係人都覺得佢正!電影、歌曲、經濟,年青既感覺。真係香港既黃金年代!


[引用] | 作者 Angie | 21st Jan 2007 | [舉報垃圾留言]

Next