香港新浪網 MySinaBlog
« 上一篇 | 下一篇 »
小彭 | 17th Nov 2006 | 新聞任我講 | (1018 Reads)

煲呔上任後,的確沒有什麼好事做過:為了地產商,拆歷史文物拆得快手,興建新政府總部、西九文娛區就好像食錯藥一樣快刀斬亂麻;雙普選、最低工資、空氣污染問題,就怯於中央、商界、大財團,樣樣都嘆慢板,諮詢來諮詢去都不敢行動;近期就唔知痴左邊條筋,敢冒天下之大不韙,想收銷售稅!樣樣倒行逆施,與民為敵,同廢董差不多,只差在運氣較好,真的令我這個一度對他有少少期望的小市民,大失所望。

不過,看了今日的生果報,將澳門的施政報告讚到天上有地下無,用以踩煲呔,卻不能不說句公道話!

生果批評煲呔遲遲不肯為最低工資立法,鏵哥就為公營機構的外判保安清潔工制訂最低工資。其實,港府一早已經在政府及公營機構的外判清潔保安合約,訂了最低工資,鏵哥只是做同樣的東西,有幾驚天動地?!

澳門公務員加些少人工,生果又揶揄香港公務員又要減薪又要凍薪。大佬呀,香港公務員人工高,全銀河系皆知,因為早幾年經濟不境而減些少都好應該。現在公務員都未出聲,你生果幫人出什麼頭?!

管澳門或管香港,就像管一個拉斯維加斯與管一個加州的分別。

鏵哥靠賭業及旅遊業,已足夠支撐那五十萬人口、廿十多平方公里、只有四十分之一個香港大小的澳門的經濟。反觀香港,七百萬人口,產業多元化,各階層利益千絲萬縷,又沒有懂生金蛋的龐大賭業,進貢不義之稅,要搞好香港,一定比管理澳門艱難百倍!香港引以為傲的金融業、過十萬億市值的股票市場、世界級的專上教育、相對廉潔的政府......,又有沒有計算在內?是澳門可以相比的嗎?

常將煲呔與鏵哥兩人比較,然後數落香港,實在斷章取義!

社會亦常常充斥在一些似是而非的理論,說內地城市GDP雙位數字增長,香港就增長放緩,遲早被邊緣化云云。稍為有些少經濟知識的人都知,一個已成熟經濟體系的經濟增長,必然比發展中地區慢,單單以此證明香港沒落,實在言之過早。美國早前甚至要不斷加息,減慢經濟增長,以免通脹加劇,令這個已發展國家的經濟更不穩定。

香港的確有很多地方要改善,但傳媒為了打擊一個人,常常舉一些不恰當的例子來「唱衰」香港,就不太應該。

雖然常常鬧香港人,但香港是我家,身為香港人,我並不覺得失禮。只要香港人做好自己,努力工作,改善公民意識,政府不再以有錢人為本,擇善固執,放膽施政,我不相信香港將死!!


[20] Re:
Gary :
身為澳門人,我倒欣賞香港的施政。
澳門的大型建設真是得淡笑:幾億起條雙層大橋,點知下層只準打風時行車,但打風時下層會水浸,而且一半是一條未經任何咨詢而預留比輕軌的道。還大東亞運等大大條未插的。要我選,我寧願去香港。
澳門只是死好命,有賭場,上年度的博彩收益佔73%,還未連周邊帶動的酒店,飲食呢!無了賭場的澳門真的不敢想像。
若然兩個特首換位,你願意嗎?

哈哈,香港的青馬大橋的下層,都係打風時先用架喎!!不過就未聽過會水浸!!

東亞運,我地都要搞呢!!搞唔成亞運就要玩東亞運,死都要搞一餐,不務正業,可能唔抵得比你地食左頭啖湯吧!!

兩個特首換位,可以試下喎,唔知鏵哥敢唔敢呢??


[引用] | 作者 小彭 | 14th Dec 2006 | [舉報垃圾留言]

[19]

身為澳門人,我倒欣賞香港的施政。

澳門的大型建設真是得淡笑:幾億起條雙層大橋,點知下層只準打風時行車,但打風時下層會水浸,而且一半是一條未經任何咨詢而預留比輕軌的道。還大東亞運等大大條未插的。要我選,我寧願去香港。

澳門只是死好命,有賭場,上年度的博彩收益佔73%,還未連周邊帶動的酒店,飲食呢!無了賭場的澳門真的不敢想像。

若然兩個特首換位,你願意嗎?


[引用] | 作者 Gary | 12th Dec 2006 | [舉報垃圾留言]

[18] Re:
豬小迪 :
香港人成日吹捧大陸依家經濟發展好快,錢係搵多左,又如何?香港人成日覺得有錢就代表有成就,我地又犧牲左d 乜呢?毒菜、毒蛋、毒魚、假藥、假奶粉、假波再加嚴重工業污染、水、空氣 ... 好多人話,健康有錢都買唔到,大陸人就係賣緊健康黎賺錢,唔知佢地既子女係食咩大呢?咁我地香港人又食咩好呢?

最慘既係,賣健康既係窮苦階層,賺大錢既係無良商人!!


[引用] | 作者 小彭 | 30th Nov 2006 | [舉報垃圾留言]

[17]

香港人成日吹捧大陸依家經濟發展好快,錢係搵多左,又如何?香港人成日覺得有錢就代表有成就,我地又犧牲左d 乜呢?毒菜、毒蛋、毒魚、假藥、假奶粉、假波再加嚴重工業污染、水、空氣 ... 好多人話,健康有錢都買唔到,大陸人就係賣緊健康黎賺錢,唔知佢地既子女係食咩大呢?咁我地香港人又食咩好呢?


[引用] | 作者 豬小迪 | 30th Nov 2006 | [舉報垃圾留言]

[16] Re:
譚劍 :
之不過,煲呔有乜建樹?

咪就係冇囉,佢死好命之嘛!!


[引用] | 作者 小彭 | 21st Nov 2006 | [舉報垃圾留言]

[15] Re: 我都係o架
古 月 :
住在香港好難唔憤世嫉俗,尤其係面對住我o地個廢廢地的政府,有時候推出來個 d 廢廢o地o既政策!

最慘係明知有好簡單的辦法可以改變,但政府就偏唔做,市民要左,佢就行右,死未!!


[引用] | 作者 小彭 | 21st Nov 2006 | [舉報垃圾留言]

[14]

之不過,煲呔有乜建樹?


[引用] | 作者 譚劍 | 21st Nov 2006 | [舉報垃圾留言]

[13] 我都係o架

住在香港好難唔憤世嫉俗,尤其係面對住我o地個廢廢地的政府,有時候推出來個 d 廢廢o地o既政策!


[引用] | 作者 古 月 | 20th Nov 2006 | [舉報垃圾留言]

[12] Re:
jeff :
hi, 我在Sina搵到你個blog,又幾好喎。我係行家黎架,曾做過經濟日報政治版,我地會否見過?anyway, 有空上我個blog===> http://jwkpao.mysinablog.com/

我去你個blog睇過呀,我好似見過你呢!!


[引用] | 作者 小彭 | 18th Nov 2006 | [舉報垃圾留言]

[11] Re:
BeHappy :
分析得很好啊!雖我不在香港,但只要香港有多幾個像你的人,努力建港,香港是不會死的!俾心機!

多謝,都唔算得是什麼分析。希望我都有能力努力建港!!


[引用] | 作者 小彭 | 18th Nov 2006 | [舉報垃圾留言]

[10] Re: 生果報太偏激了
古 月 :
生果報出名偏激就係人都知,睇得多個人都會變得較憤世嫉俗o架!慶幸香港還有一批像你的持平人士,為我們普羅大眾客觀分析一下大勢。不然香港遍地都是為倒而倒政府的人,那麼香港不陸沉就有鬼了!

邊係分析大勢咁誇張,隨口up o者!!其實我有時都會幾憤世嫉俗架!!


[引用] | 作者 小彭 | 18th Nov 2006 | [舉報垃圾留言]

[9] Re:
維珍航空 :
成日見到o的傳媒兩極快o既睇法, 然後又拎黎嘈一餐, 之後就不了了之.
香港人唔知幾時先可以好好咁comprise一下, 真係為一心一意做好香港呢?!

不過好多時香港人的分化,又的確係政府故意搞出來。市民comprise唔到,政府就有藉口可以唔理民意,乜都唔做!!


[引用] | 作者 小彭 | 18th Nov 2006 | [舉報垃圾留言]

[8] Re:
domotoiceko :
我幾頂唔順生果對正苦的態度,有咩政策出籠就出盡九牛二虎之力踩,無事就講拎番民主普選。總覺得生果同正苦係有仇的說…

有立場,鬧政府,我唔怪佢地,因為政府好多時都好抵鬧,不過都要鬧得合理先得,唔可以無理取鬧!!


[引用] | 作者 小彭 | 18th Nov 2006 | [舉報垃圾留言]

[7]

hi, 我在Sina搵到你個blog,又幾好喎。我係行家黎架,曾做過經濟日報政治版,我地會否見過?anyway, 有空上我個blog===> http://jwkpao.mysinablog.com/


[引用] | 作者 jeff | 17th Nov 2006 | [舉報垃圾留言]

[6]

分析得很好啊!雖我不在香港,但只要香港有多幾個像你的人,努力建港,香港是不會死的!俾心機!


[引用] | 作者 BeHappy | 17th Nov 2006 | [舉報垃圾留言]

[5] 生果報太偏激了

生果報出名偏激就係人都知,睇得多個人都會變得較憤世嫉俗o架!慶幸香港還有一批像你的持平人士,為我們普羅大眾客觀分析一下大勢。不然香港遍地都是為倒而倒政府的人,那麼香港不陸沉就有鬼了!


[引用] | 作者 古 月 | 17th Nov 2006 | [舉報垃圾留言]

[4]

成日見到o的傳媒兩極快o既睇法, 然後又拎黎嘈一餐, 之後就不了了之.

香港人唔知幾時先可以好好咁comprise一下, 真係為一心一意做好香港呢?! emoticon


[引用] | 作者 維珍航空 | 17th Nov 2006 | [舉報垃圾留言]

[3]

我幾頂唔順生果對正苦的態度,有咩政策出籠就出盡九牛二虎之力踩,無事就講拎番民主普選。總覺得生果同正苦係有仇的說…


[引用] | 作者 domotoiceko | 17th Nov 2006 | [舉報垃圾留言]

[2] Re:
poonwinghang :
世界級…

唉吔!!我仲改緊錯別字,你次次都咁快既,哈哈!!


[引用] | 作者 小彭 | 17th Nov 2006 | [舉報垃圾留言]

[1]

世界級…


[引用] | 作者 poonwinghang | 17th Nov 2006 | [舉報垃圾留言]