香港新浪網 MySinaBlog
« 上一篇 | 下一篇 »
小彭 | 19th Oct 2006 | 我寫故我在 | (2583 Reads)

日前採訪煲呔曾與青少年對話的活動,這班學生所提出的問題,大部份都有紋有路,看得出是經過大腦,有看新聞,也令曾蔭權有不少精彩的sound bite。

不過,聽下去,發覺他們有一個十分普遍的問題......

「真突手你好,我係來自XXX中喝既XXX,你話社會要持續發展,要趕求經濟效益之外......」

「突手真先山你好,我係來自YYY喝校既YYY,你既施政報告話,你會輸入內地淫才,但我驚,你輸入淫才,我地將來唔會有工做......」

「痕政長官真蔭權先山你好,你在日前提出真切痕政助理,你會唔會考慮在立法會真切青年議直......」

「你好真突手,我係來自香趕大喝新聞系的葛志痕,你提及到,為左提高葛方面產品既競真力......」

「突手先山你好,政府一直致力促進葛界將柴油車,轉至歐文四期的車輛......」

「......人口老化問題日益嚴重,突手你有冇方法鼓勵中產人士多山肉呢?」

「......CEPA在香趕實施左一段時間......在亞太平洋趕座入面提到......」

「......做領導人應有乜野條件?你睇番香趕,邊個人有領導能力帶領香趕呢,除左突手之外?」

「師兄真突手你好,你推痕喝卷制,可能吸引大批新移民來趕,面對呢個情FON,請問突手......」

什麼問題?應該估到吧!

當日問問題的三十多名學生,每一個都有懶音,只差在嚴重與否,能完全沒有懶音地問完一個問題的,一個也沒有!!

究竟那裡出了問題?為什麼香港學生,連自己的母語都講不好?

當然又有人批評傳媒了,認為現今的DJ,個個都懶音嚴重,教壞學生。

無可否認,年青人節目的DJ,的確句句懶音;就連時事台的節目,例如左右大局的李小姐,更是懶音王中之王,霸中之霸;部份電子傳媒記者、主播,亦偶有懶音的情況。即使我自己,若在錄音時心急,都會出現一點懶音。

不過,單憑這些原因,就足以令全港的年輕一代,個個都滿口懶音?

是廣東話太難發音嗎?那為什麼七十年代或之前出生的人少有這個問題?

我想,這是個潮流,這個懶音潮,想擋也擋不住。

現在的家長,為了子女有更好出路,要他們學好英語、普通話是最為重要。最好也學日文、德文、法文、俄文......廣東話?一出世就懂,學什麼?!

這是無可厚非的,我將來有能力,都一定會迫子女學好英文普通話,增加競爭力。

有香港人,甚至認為講不好廣東話,是很潮,很in,很混血兒,很proud of自己不懂中文。

久而久之,廣東話這個母語,被人輕視,冷待,講得好,無人知,講得不好,無所謂,有懶音,學校不會糾正,因為年青的老師們,自己也講不好,只剩下我這些對發音比較敏感的廣播界人士,在多多事實。

其實,一個地方的方言,也是當地的一種文化。香港的廣東話,自成一格,與廣東的廣東話,截然不同,一聽就聽得出。

可惜,輕視自己的文化,彷彿成了香港人的習慣;消滅自己的文化,彷彿成了香港政府的任務。君不見愈來愈多人,要求學校要用普通話作為母語教學的語言嗎?普通話何時成了香港人的母語?!

舊建築拆的拆,舊海港填的填,香港人看見舊的東西,就眼冤,漸漸的,廣東話也會成為舊的文化,人人除之而後快,也許在幾十年後就會失傳了。

若連自己的母語都沒落,香港到底還剩什麼?


[33] Re: Re: Re: 支持唔住啦 >_
iris :
小彭 :古 月 :雖然我不敢說自己沒有懶音,但是面對著懶音嚴重至我根本無法正常地聽到對方在說些什麼的人,我真的無法忍受!情形就如香港某大三色電視台!!我不清楚是他們真的找不著半個可造之才;還是真的非要取那些個個懶音極為嚴重的小生花旦來力捧不可 .... 次次打開電視機,發現自己比追看日劇,韓劇還要慘!因為天天在被迫看那些毫無說服力的幼稚演技之餘,還落得連看本地劇集也要追看字幕,你說慘不慘?!

我都唔可以話自己一個懶音都冇,特別係有時錄音,講得急,又想咬正個字,咁就偏偏會出事!!但我地起碼知道邊個字講錯左,會去糾正,但依家好多後生仔女真係冇呢個概念,都唔知自己讀錯,難搞。你講電視的懶音人,多囉,周麗淇,蒙嘉慧,蔡少芬等,都係表表者!!蒙嘉慧我仲懷疑佢有D痴利根!!

懶音藝人真的多如天上繁星, 但我想....yumiko可算是經典的經典, 至今我仍無法聽懂她一句說話, 是我聽力有問題嗎?

yumiko講野唔止有懶音,仲講到一舊舊,真係唔掂!!


[引用] | 作者 小彭 | 1st Nov 2006 | [舉報垃圾留言]

[32] Re: Re: 支持唔住啦 >_
小彭 :
古 月 :雖然我不敢說自己沒有懶音,但是面對著懶音嚴重至我根本無法正常地聽到對方在說些什麼的人,我真的無法忍受!情形就如香港某大三色電視台!!我不清楚是他們真的找不著半個可造之才;還是真的非要取那些個個懶音極為嚴重的小生花旦來力捧不可 .... 次次打開電視機,發現自己比追看日劇,韓劇還要慘!因為天天在被迫看那些毫無說服力的幼稚演技之餘,還落得連看本地劇集也要追看字幕,你說慘不慘?!

我都唔可以話自己一個懶音都冇,特別係有時錄音,講得急,又想咬正個字,咁就偏偏會出事!!但我地起碼知道邊個字講錯左,會去糾正,但依家好多後生仔女真係冇呢個概念,都唔知自己讀錯,難搞。
你講電視的懶音人,多囉,周麗淇,蒙嘉慧,蔡少芬等,都係表表者!!蒙嘉慧我仲懷疑佢有D痴利根!!

懶音藝人真的多如天上繁星, 但我想....yumiko可算是經典的經典, 至今我仍無法聽懂她一句說話, 是我聽力有問題嗎?


[引用] | 作者 iris | 31st Oct 2006 | [舉報垃圾留言]

[31] Re:
IRIS :
我都好怕人地有懶音~.~但偏偏有d字,我每次讀親都「炒粉」,呢個字就係「敦促」喇!係咪我功力不夠呢,真係好想知=.=
至於印象最深刻的一次vo,係來自德哥的大作!稿中有一句是這樣的:「食物生產商在生產橙色食用原素時...」稿內還有包括「油墨」同「石墨」等近音詞語...呢個經驗,相當難得~.~

哈,呢段我都要好小心先讀得正!! 真係可用來考新人喎!!


[引用] | 作者 小彭 | 30th Oct 2006 | [舉報垃圾留言]

[30]

我都好怕人地有懶音~.~但偏偏有d字,我每次讀親都「炒粉」,呢個字就係「敦促」喇!係咪我功力不夠呢,真係好想知=.=

至於印象最深刻的一次vo,係來自德哥的大作!稿中有一句是這樣的:「食物生產商在生產橙色食用原素時...」稿內還有包括「油墨」同「石墨」等近音詞語...呢個經驗,相當難得~.~


[引用] | 作者 IRIS | 29th Oct 2006 | [舉報垃圾留言]

[29] Re:
抗仙山 :
唔好講後生仔, 大部份人都有懶音架啦. 本人姓鄺, 但係人地問貴姓我都係要講姓"抗" d 人先聽得明, 一唔係就問你姓"角"? 姓"抗"?

又奇喎,姓鄺,點睇都唔會讀做「角」啦,又會錯得咁離譜,哈!!


[引用] | 作者 小彭 | 25th Oct 2006 | [舉報垃圾留言]

[28] Re: 支持唔住啦 >_
古 月 :
雖然我不敢說自己沒有懶音,但是面對著懶音嚴重至我根本無法正常地聽到對方在說些什麼的人,我真的無法忍受!情形就如香港某大三色電視台!!我不清楚是他們真的找不著半個可造之才;還是真的非要取那些個個懶音極為嚴重的小生花旦來力捧不可 .... 次次打開電視機,發現自己比追看日劇,韓劇還要慘!因為天天在被迫看那些毫無說服力的幼稚演技之餘,還落得連看本地劇集也要追看字幕,你說慘不慘?!

我都唔可以話自己一個懶音都冇,特別係有時錄音,講得急,又想咬正個字,咁就偏偏會出事!!但我地起碼知道邊個字講錯左,會去糾正,但依家好多後生仔女真係冇呢個概念,都唔知自己讀錯,難搞。

你講電視的懶音人,多囉,周麗淇,蒙嘉慧,蔡少芬等,都係表表者!!蒙嘉慧我仲懷疑佢有D痴利根!!


[引用] | 作者 小彭 | 25th Oct 2006 | [舉報垃圾留言]

[27]

唔好講後生仔, 大部份人都有懶音架啦. 本人姓鄺, 但係人地問貴姓我都係要講姓"抗" d 人先聽得明, 一唔係就問你姓"角"? 姓"抗"?


[引用] | 作者 抗仙山 | 25th Oct 2006 | [舉報垃圾留言]

[26] 支持唔住啦 >_

雖然我不敢說自己沒有懶音,但是面對著懶音嚴重至我根本無法正常地聽到對方在說些什麼的人,我真的無法忍受!情形就如香港某大三色電視台!!我不清楚是他們真的找不著半個可造之才;還是真的非要取那些個個懶音極為嚴重的小生花旦來力捧不可 .... 次次打開電視機,發現自己比追看日劇,韓劇還要慘!因為天天在被迫看那些毫無說服力的幼稚演技之餘,還落得連看本地劇集也要追看字幕,你說慘不慘?!


[引用] | 作者 古 月 | 25th Oct 2006 | [舉報垃圾留言]

[25]
diana :
等一等,等一等,你以為班學生都想為「潮」而講懶音咩?
我也很想改善自已的咬字,可是越想這樣做,越是說話起來怪怪的,更加不懂講。
可能你們從小在發音比較準確的環境成長,現在又在相關行業工作,覺得這樣的成長背景是理所當然的吧。
n年前,因為自已咬字不清,被一個好友以極為侮辱性的言詞教訓。(這個形容詞絕不誇張)。可能她是安着好心,但她說話時,明顯完全沒有考慮到我作為一個大學生、又話讀緊乜文物文,但係廣東話講成咁的人的感受。
偶然想到那次事件,仍然毛骨悚然,啞口無言。

話分兩頭,我唔係話講懶音的人以為自己好潮,我只係話有D人講唔好廣東話,以為好潮好in。

例如我見過有些人,一出世就在香港讀書,又唔係讀國際學校,但喜歡一句中一句英,然後話「sorry,我廣東話唔好!!」啤一聲!!

另外,我都冇責怪有懶音的人,我只係話呢個社會唔重視廣東話,學校唔教,家長唔教,學生有懶音冇人糾正,傳媒明星又多懶音,於是出現呢個情況。

不過,其實你講野都冇乜問題丫,點會比人話呀?!!


[引用] | 作者 小彭 | 24th Oct 2006 | [舉報垃圾留言]

[24]

等一等,等一等,你以為班學生都想為「潮」而講懶音咩?

我也很想改善自已的咬字,可是越想這樣做,越是說話起來怪怪的,更加不懂講。

可能你們從小在發音比較準確的環境成長,現在又在相關行業工作,覺得這樣的成長背景是理所當然的吧。

n年前,因為自已咬字不清,被一個好友以極為侮辱性的言詞教訓。(這個形容詞絕不誇張)。可能她是安着好心,但她說話時,明顯完全沒有考慮到我作為一個大學生、又話讀緊乜文物文,但係廣東話講成咁的人的感受。

偶然想到那次事件,仍然毛骨悚然,啞口無言。


[引用] | 作者 diana | 24th Oct 2006 | [舉報垃圾留言]

[23] Re: Re:
小彭 :
Dream Catcher :真搞鬼,竟能把這30多題問題的精妙之處,一一盡錄,厲害厲害!告訴你一件好失禮的事情,從你的blog中,我猜你是一名電台記者,而且還是阿聰的同事。有一次,有一名香港電台記者到我公司採訪,對方姓彭,我竟然一下子衝口而出問他:你是小彭嗎?當然,對方是一臉奇怪的看著我。

哈,我採訪時有寫notes加嘛,梗係記得佢地問過乜啦!!
我同聰少以前曾經係同事,依家唔係了!!話時話,港台邊個記者姓彭??

英文部那邊的,全名已忘記了。sorry


[引用] | 作者 Dream Catcher | 23rd Oct 2006 | [舉報垃圾留言]

[22] Re:
ct!ng :
小彭你好嗎?很久沒有來留言了~我在北京都過了半個月喇...無論工作與生活環境都與駐廣州很不同~我還有很多東西要學呢~說真的...壓力很大~看你的BLOG,說到懶音問題,我都自覺當我vo時,會很刻意字正腔圓,避免懶音。但vo完後,與別人交談,說話快起上來時,懶音全都跑出來了~哈哈~唉...別說懶音...我的國語真是仍需努力~雖然與京片子人溝通沒有問題,但有時我的國語確實弄出不少笑話...好像前幾天我拿著一張一百元鈔票,對著收銀員用國語說「麻煩你幫我打散它」緊接著當然是我背後行家們此起彼落的笑聲啦...唉~

你好呀c ting,駐完廣州有得駐京,實在係一些好好的經驗呢!! 我地如果有得駐,我都想試番一兩個月!! 你要比心機,一定會學到好多野!!

係呀,錄VO一定要讀得準確,平時講野都會懶少少,但都未至於將香港讀成香趕的地步!!


[引用] | 作者 小彭 | 22nd Oct 2006 | [舉報垃圾留言]

[21]

小彭你好嗎?
很久沒有來留言了~
我在北京都過了半個月喇...
無論工作與生活環境
都與駐廣州很不同~
我還有很多東西要學呢~
說真的...壓力很大~
看你的BLOG,說到懶音問題,
我都自覺當我vo時,
會很刻意字正腔圓,
避免懶音。
但vo完後,與別人交談,
說話快起上來時,
懶音全都跑出來了~哈哈~
唉...別說懶音...
我的國語真是仍需努力~
雖然與京片子人溝通沒有問題,
但有時我的國語確實弄出不少笑話...
好像前幾天我拿著一張一百元鈔票,對著收銀員用國語說「麻煩你幫我打散它」
緊接著當然是我背後行家們此起彼落的笑聲啦...
唉~


[引用] | 作者 ct!ng | 22nd Oct 2006 | [舉報垃圾留言]

[20] Re:
KaKa :
咁多個人,個個都差唔多質素....唯獨阿香趕大喝新聞系嘅葛志痕 -- 至痕至痕,如果自己個名都讀唔好,突手會好頭痕架~~
我喺度衷心希望至痕真係姓葛,並唔係姓郭,如果唔係郭呢個姓就會好快俾香趕人摧毁....=P

係呀,其實佢呢個名,都可以用來做懶音教材!! 如果佢可以讀番正自己個名,已經係成功左一半!!


[引用] | 作者 小彭 | 22nd Oct 2006 | [舉報垃圾留言]

[19] Re:
mabelle :
做咩話李小姐喎人地趕野有point咪得0羅 !趕到懶音..大寒寒空 都好難讀。初當記者時試過讀十幾次都讀唔掂「新橙力出眾局」無話克服唔到0既起勢練0羅 !至於...「郵差送信純熟迅速送出。」呢一世可能都未必搞得掂。

o下?? 李小姐有point? 我都係第一次聽!!你講笑咋下嘩??!!

你欠左兩個字,應該係「郵差"叔叔"送信純熟迅速送出」!! 呢個急口令真係經典,難度達9.9分!! 最絕既,係佢成句都解得通果度好野丫嘛!!


[引用] | 作者 小彭 | 22nd Oct 2006 | [舉報垃圾留言]

[18] Re:
小眼睛 :
聽到懶音,可能是我們的職業病...我也經常聽到人有懶音就有好「唔知點」嘅感覺!!記得最「炆」就係睇到cable個娛樂新聞台啲主播...嚇死人

哈哈,「唔知點」的感覺,形容得好!

聽到人講懶音,種感覺又唔係毛管棟,又唔係打冷震,又唔係想打佢兩巴,就係有D「唔知點」的感覺!!


[引用] | 作者 小彭 | 22nd Oct 2006 | [舉報垃圾留言]

[17] Re:
sidekick :
真突手你好...我係來自...效益之外...內地淫才...
我唔信!我唔信佢o地識得"你, 我, 外, 內"o既正確發音!:p

你我內外呢D,懶懶地都唔覺得,我已經冇計,如果計埋,就有排寫了!!


[引用] | 作者 小彭 | 21st Oct 2006 | [舉報垃圾留言]

[16]

咁多個人,個個都差唔多質素....唯獨阿香趕大喝新聞系嘅葛志痕 -- 至痕至痕,如果自己個名都讀唔好,突手會好頭痕架~~

我喺度衷心希望至痕真係姓葛,並唔係姓郭,如果唔係郭呢個姓就會好快俾香趕人摧毁....=P


[引用] | 作者 KaKa | 21st Oct 2006 | [舉報垃圾留言]

[15]

做咩話李小姐喎
人地趕野有point咪得0羅 !
趕到懶音..
大寒寒空 都好難讀。
初當記者時試過讀十幾次都讀唔掂「新橙力出眾局」
無話克服唔到0既
起勢練0羅 !
至於...
「郵差送信純熟迅速送出。」
呢一世可能都未必搞得掂。


[引用] | 作者 mabelle | 21st Oct 2006 | [舉報垃圾留言]

[14]

聽到懶音,可能是我們的職業病...
我也經常聽到人有懶音就有好「唔知點」嘅感覺!!
記得最「炆」就係睇到cable個娛樂新聞台啲主播...嚇死人


[引用] | 作者 小眼睛 | 21st Oct 2006 | [舉報垃圾留言]

[13]

真突手你好...
我係來自...
效益之外...
內地淫才...

我唔信!
我唔信佢o地識得"你, 我, 外, 內"o既正確發音!:p


[引用] | 作者 sidekick | 21st Oct 2006 | [舉報垃圾留言]

[12] Re:
chacha :
有一日,有個同事唔見左人,我問身邊的小妹妹那同事去了那裏.她說:「返大陸去了,去「港」交會!」我一頭霧水,港交會在大陸有野搞嗎?想真點,才知她想要說「廣」交會.雖然我都成日執人懶音,但係,我都知自己不知不覺間走一兩個出黎.可能真係耳濡目染,要留意留意.

哈哈,我都有上去做廣交會,亦成日聽到人叫港交會,令我做VO時,成日驚講錯港交所!!


[引用] | 作者 小彭 | 21st Oct 2006 | [舉報垃圾留言]

[11] Re:
Hypnos :
小彭你好,我係 CD-ROM~應該係由你講西環o個篇開始睇o既。
我都好怕人講o野有懶音,好核突,所以自己都儘量讀正音。 但依家最大難度係讀o岩/n/同/l/,明知「男女廁」應該讀成 /nam nui chi/ 、「農夫」讀 /nung fu/ 、「大腦」讀做 /dai no/ ,但如果咁讀又好似好作狀咁…

多謝你咁捧場!!

其實日常講野,又唔使咬得咁準既,不過有好多人的懶音真係好離譜,例如香趕、痕身痕寒,就十分礙耳!!


[引用] | 作者 小彭 | 21st Oct 2006 | [舉報垃圾留言]

[10] Re:
Dream Catcher :
真搞鬼,竟能把這30多題問題的精妙之處,一一盡錄,厲害厲害!告訴你一件好失禮的事情,從你的blog中,我猜你是一名電台記者,而且還是阿聰的同事。有一次,有一名香港電台記者到我公司採訪,對方姓彭,我竟然一下子衝口而出問他:你是小彭嗎?當然,對方是一臉奇怪的看著我。

哈,我採訪時有寫notes加嘛,梗係記得佢地問過乜啦!!

我同聰少以前曾經係同事,依家唔係了!!話時話,港台邊個記者姓彭??


[引用] | 作者 小彭 | 20th Oct 2006 | [舉報垃圾留言]

[9]

有一日,有個同事唔見左人,我問身邊的小妹妹那同事去了那裏.她說:「返大陸去了,去「港」交會!」
我一頭霧水,港交會在大陸有野搞嗎?想真點,才知她想要說「廣」交會.
雖然我都成日執人懶音,但係,我都知自己不知不覺間走一兩個出黎.可能真係耳濡目染,要留意留意.


[引用] | 作者 chacha | 20th Oct 2006 | [舉報垃圾留言]

[8]

小彭你好,我係 CD-ROM~應該係由你講西環o個篇開始睇o既。

我都好怕人講o野有懶音,好核突,所以自己都儘量讀正音。 但依家最大難度係讀o岩/n/同/l/,明知「男女廁」應該讀成 /nam nui chi/ 、「農夫」讀 /nung fu/ 、「大腦」讀做 /dai no/ ,但如果咁讀又好似好作狀咁…


[引用] | 作者 Hypnos | 20th Oct 2006 | [舉報垃圾留言]

[7]

真搞鬼,竟能把這30多題問題的精妙之處,一一盡錄,厲害厲害!告訴你一件好失禮的事情,從你的blog中,我猜你是一名電台記者,而且還是阿聰的同事。有一次,有一名香港電台記者到我公司採訪,對方姓彭,我竟然一下子衝口而出問他:你是小彭嗎?當然,對方是一臉奇怪的看著我。


[引用] | 作者 Dream Catcher | 19th Oct 2006 | [舉報垃圾留言]

[6] Re:
KaKa :
真係講出我嘅心聲,我就至至至至至至至至至至(十個至)憎啲香港人講嘢有懶音,聽到我會好忟!
我細過時一"淆""鵝"就比亞媽鬧「牛呀!」「我呀!」
至憎「痕身痕韓」!!!!!

的確,「痕身痕韓」又真係幾難講既! 仲有「北韓核問題」都好難讀!! 仲有經典既日本前首相「中曾根康弘」,我考電台試聲都曾經讀過呢個名!!!


[引用] | 作者 小彭 | 19th Oct 2006 | [舉報垃圾留言]

[5] Re:
Katie Meow :
何文匯再出黎都無用,敵不過如此多的懶音公眾人物~
我曾開玩笑說:講懶音才是年輕人!想後生呀,講懶音啦~

哈哈,可能我老啦,聽唔慣懶音,out左!!


[引用] | 作者 小彭 | 19th Oct 2006 | [舉報垃圾留言]

[4] Re:
poonwinghang :
最近有一個正字節目但主持都有懶音真係…

哈,你次次都咁鬼快回到既?!!!

你講果個節目,我都冇睇過,搵日要睇下先!!


[引用] | 作者 小彭 | 19th Oct 2006 | [舉報垃圾留言]

Next