香港新浪網 MySinaBlog
« 上一篇 | 下一篇 »
小彭 | 27th Sep 2006 | 天地任我行 | (2127 Reads)

已經去過兩次台北,今次係第三次。

今次主要係去影結婚相,真正可以玩的時間只有一日多,所以行程冇乜點計劃,去到先算。

由於台北市可玩的地方實在不多,上次已經去哂,今次搭左個幾鐘頭車,去到台北山區烏來。

Picture

一到烏來,立即被那條夾在高山之中的南勢溪吸引著。南勢溪溪水清澈,很多人在溪邊玩水,甚至在溪中游水,十分寫意。

進入烏來後,覺得環境有D似大澳,很多舊小屋,地舖都賣特色手信、特色小食。在烏來街上行走,由於是山區的關係,清風送爽,感覺舒服。

行了一會,坐類似荔園小火車的台車,到了烏來瀑布。

Picture

瀑布不是太壯觀,不過就在瀑布底見到彩虹!!

Picture

Picture

睇旅遊書,介紹一個在瀑布頂的雲仙樂園,心想起在瀑布頂的樂園,甚有光明頂之感,一定好正,於是被吸引,比了每人二百幾蚊台幣,搭纜車上樂園。

Picture

點知搭完纜車,發現要再行過百級樓梯,已覺被騙。行完樓梯入到樂園,原來好多設施已經荒廢,名符其實「荒廢的樂園」!!僅餘可以玩的,就只有爬艇仔、古老的鬼屋、可笑的彩彈射擊、同甩皮甩骨的弓箭射靶,仲要每樣收錢,被昆的感覺更為強烈!!結果勉強射了一陣箭,速逃!!

Picture 

哼,好一個雲仙樂園,真係比你昆到又暈又仙,荔園好玩千倍!!

被騙完一輪,下山,行路返回烏來市中心,經過好幾間溫泉旅館,其中一間裝潢吸引,花了八百元台幣浸了個幾鐘溫泉,加送一頓tea,哈,果然所有累氣全消!!正!!

浸飽食醉,天已黑齊,搭巴士返台北市,完成唯一一日的全天遊覽。

烏來的寫意係一個驚喜,而來台北之前,想過必會去的地方,就係倒扁總部。

第一日去到,已即到台北車站睇睇。雖然冇機會來台灣做倒扁新聞,去會場睇下都係好,我地仲拿左兩條倒扁紅頭帶。到左廿一號,倒扁人士返左去凱達格蘭大道,我地都去左一次,感受一下台灣人對政治的那份執著和堅持。不過兩次都見唔到香港行家,想同佢地影番張相都冇機會呢!!

Picture

 台北車站

Picture

凱達格蘭大道

今次到台北,食,當然唔少得。阿棕麵絲、鼎泰豐、老天祿鴨舌、蚵仔煎、魯肉飯、甜不辣、麻辣火鍋......,食到生飛滋!!

上次去完台北,話台北的感覺係一個「亂」字,交通亂,人亂。不過今次去感覺又唔係好同。

行人路泊的綿羊仔好似冇咁亂,搭捷運,搭電梯時人們都會自動自覺靠右企,市民的公德,開始有D似日本。

另一樣令人另眼相看的,就是台灣人的服務態度。

同我地影相的攝影師,雖然會鬧人,但睇得出佢好尊重自己的專業,好想影得好D,唔會斤斤計較去得太多地方同做得辛苦。

其他我地遇過的,包括鼎泰豐門口幫人登記的女仔,捷運站賣悠遊卡的職員,酒店的服務員,KTV的侍應,甚至街邊的商販,面對千篇一律的枯燥工作,態度仍然一流,笑臉滿面,不厭其煩的為我呢D國語不太好的外地人講解,彷彿十分享受自己的工作。當然,我地消費就自然更開心!!

香港人呀香港人,唔好話我又鬧,我地真係唔爭氣!!我地學到日本人的服務態度一成,或台灣人的一半,服務業就更前途光明!!

今次台北之行,除了撞到一對同我地同日擺酒的couple外,還在西門町撞到由高雄開電單車上台北再落返高雄的行家 Jonathan,真夠世界真細小!!

五日的台灣之旅就此完結,大假還有一個星期,要想想有邊度好去了!!大假後歸隊,再同大家一齊決戰施政報告咯!!


[16] Richard McNeeley

Shoot useful buy hcg testosterone faithful. Grump switch buy testosterone replacement therapy whack quilt! Elf human buy raw testosterone powder flight tax. Anywhere wink steroids for asthma.


[引用] | 作者 Basic Winstrol Cycle | 31st Mar 2016 | [舉報垃圾留言]

[15] Steroids Jumptags

closely rick sandow lack adequate development called

Steroids | Steroids News | Steroids Sale | Steroids for Sale

compete involving competition body enhance ideal including inject


[引用] | 作者 Steroids Jumptags | 16th Feb 2012 | [舉報垃圾留言]

[14] Re: Re: Re:
小蓓 :
小彭 :小蓓 :估唔到你快到連條link都改埋...嗯...你是唯一一個記者改link的人果然細心呢~ =P

梗係啦,我係一個有效率同細心的男人!!

頂唔順添...毛管都豎起哂喇!!!! ^^

到你睇埋我的結婚相,包你毛管棟到訓唔番落黎!!


[引用] | 作者 小彭 | 3rd Oct 2006 | [舉報垃圾留言]

[13] Re:
mabelle :
嘩....自己話自己有效率及細心...你搞埋結婚至講啦 !未來一連串沒完沒了的工作就是真正考驗 !且看你是否真正有效率及細心 !

係既係既,美寶姐經驗之談一定要聽,等我謙虛D先!!


[引用] | 作者 小彭 | 3rd Oct 2006 | [舉報垃圾留言]

[12] Re: Re:
小彭 :
小蓓 :估唔到你快到連條link都改埋...嗯...你是唯一一個記者改link的人果然細心呢~ =P

梗係啦,我係一個有效率同細心的男人!!

頂唔順添...
毛管都豎起哂喇!!!! ^^


[引用] | 作者 小蓓 | 1st Oct 2006 | [舉報垃圾留言]

[11]

嘩....自己話自己有效率及細心...
你搞埋結婚至講啦 !
未來一連串沒完沒了的工作就是真正考驗 !
且看你是否真正有效率及細心 !


[引用] | 作者 mabelle | 1st Oct 2006 | [舉報垃圾留言]

[10] Re:
小蓓 :
估唔到你快到連條link都改埋...嗯...你是唯一一個記者改link的人果然細心呢~ =P

梗係啦,我係一個有效率同細心的男人!!


[引用] | 作者 小彭 | 1st Oct 2006 | [舉報垃圾留言]

[9]

估唔到你快到連條link都改埋...
嗯...你是唯一一個記者改link的人
果然細心呢~ =P


[引用] | 作者 小蓓 | 30th Sep 2006 | [舉報垃圾留言]

[8] Re:
小蓓 :
小彭,乜你以為阿旺真係唔洗面對咩?唔洗面對果個而家係我先啱呀!!哈哈哈!!我的blog搬家了,有空來探我吧!順帶恭喜你!快啲post啲相嚟睇下啦!^^

哇!!我留言比你的同時,你又留比我!!算你啦,記得通知我搬屋!!

哈哈,我以為阿旺prison break左,點知佢又......


[引用] | 作者 小彭 | 29th Sep 2006 | [舉報垃圾留言]

[7]

小彭,
乜你以為阿旺真係唔洗面對咩?
唔洗面對果個而家係我先啱呀!!哈哈哈!!我的blog搬家了,有空來探我吧!順帶恭喜你!快啲post啲相嚟睇下啦!^^


[引用] | 作者 小蓓 | 29th Sep 2006 | [舉報垃圾留言]

[6] Re:
jonathan :
oh...原來你結婚了..!~!~ 恭喜恭喜!!~!!~

多謝多謝,上次在台灣撞到你,咪就係去影結婚相


[引用] | 作者 小彭 | 28th Sep 2006 | [舉報垃圾留言]

[5] Re:
阿旺 :
好一個「施政報告」,唉……每年一度的惡夢

係呀,惡夢「年年」!!不過你依家都唔使面對啦?!


[引用] | 作者 小彭 | 28th Sep 2006 | [舉報垃圾留言]

[4] Re:
ada :
正當我以為十月無trip要出(應該係啦),滿心歡喜之際你結尾的一句「再戰施政報告」,將我由天堂扯回現實世界

哈哈,對唔住,提起你的傷心事!!一年一度的施政報告同財政預算,都係令人頭痕的東西!!


[引用] | 作者 小彭 | 28th Sep 2006 | [舉報垃圾留言]

[3]

oh...原來你結婚了..!~!~ 恭喜恭喜!!~!!~


[引用] | 作者 jonathan | 28th Sep 2006 | [舉報垃圾留言]

[2]

好一個「施政報告」,唉……
每年一度的惡夢


[引用] | 作者 阿旺 | 28th Sep 2006 | [舉報垃圾留言]

[1]

正當我以為十月無trip要出(應該係啦),滿心歡喜之際
你結尾的一句「再戰施政報告」,將我由天堂扯回現實世界


[引用] | 作者 ada | 27th Sep 2006 | [舉報垃圾留言]