香港新浪網 MySinaBlog
« 上一篇 | 下一篇 »
小彭 | 23rd Oct 2010 | 新聞任我講 | (521 Reads)

如果地鐵壞左,可以點樣從油麻地過海?

 

首先,架車咁耐都唔郁,應該係壞左,唔好顧住聽MP3、打電話、send sms同推銀仔,先聽清楚站內廣播,如果真係壞到開唔番,請先落車。

如果廣播真係唔清唔楚,盡量搵個職員問清楚,但請冷靜,唔好第一句就破口大罵,因為發生突發事件,職員都可能未必能掌握全部情況。

知道有接駁巴士,盡快按指示上地面了解。

要知道一架地鐵可以載二千幾人,如果太多人同一時間等接駁巴士,一定亂,所以應該再次冷靜,唔好見人迫就迫,腦部應開始運轉,籌謀對策。

可先打電話返公司報告情況,再打畀朋友諮詢過海方法,但應盡量避免打畀豬朋狗友八卦同訴苦,或急於用iphone影相,將相片post上facebook,記住,你係趕住返工,唔好浪費時間。

既然人家講明係「接駁巴士」,即係一個站接駁去另一個站,然後大家可以在呢個站繼續行程,冇話一定送埋你過海。既然接駁巴士只係去到尖沙咀,就應該估計到尖沙咀係冇受影響,所以大家亦應該估到壞的只係油麻地至佐敦或尖沙咀,那麼,大家可以:

1/行一個站去佐敦,約十分鐘,繼續搭地鐵過海

2/行兩個站去尖沙咀,約半小時,繼續搭地鐵過海

3/搭觀塘線到九龍塘轉火車,搭到尖東站,行過尖沙咀站繼續過海

4/搭其他路面交通工具去尖沙咀,繼續搭地鐵過海

如果因為地鐵提供的資料不足,以為油麻地南下的都受影響,大家可以:

5/搭觀塘線到九龍塘轉火車,搭到紅磡轉隧巴過海

6/唔怕等得耐同迫,可直接搭隧巴過海

如果因為地鐵提供的資料不足,以為油麻地南下的都受影響,大家可以:

7/搭一個站回旺角,轉隧巴或小巴過海

8/搭觀塘線兜大圈從東隧過海

9/搭荃灣線回荔景,轉東涌線過海

10/搭其他交通工具去尖沙咀,搭船過海

11/想快一點,唔怕貴,搭的士去尖沙咀,搭船過海

12/想快一點,有好多錢,搭的士直接過海

以上的一打方法,歡迎抄低,以免下次在交通網絡最發達的鬧市,因為唔知點搭車而無助地在街上大叫救命,畀電視台影左,播到全世界都係,就唔係幾好。


[9] Re: 周周

就有幾千人和其它陸陸續續趕上班族群爭車搭。


[引用] | 作者 real steroids | 14th Nov 2011 | [舉報垃圾留言]

[8] Re: 周周

就有幾千人和其它陸陸續續趕上班族群爭車搭。


[引用] | 作者 steroids pharmacy | 14th Nov 2011 | [舉報垃圾留言]

[7] Re: steroids for sale

盡快離開現場


[引用] | 作者 steroids online | 9th Aug 2011 | [舉報垃圾留言]

[6] Re: 周周

人群中跟住有個女人比人踏到腳咪大叫救命囉!


[引用] | 作者 buy steroids | 9th Aug 2011 | [舉報垃圾留言]

[5] Re: XministarX

已不是IQ的問題了,上面的都是常識!!


[引用] | 作者 steroids for sale | 29th Jan 2011 | [舉報垃圾留言]

[4]

我會用最快最先方法坐的士過海,盡快離開現場,否則行慢一點,就有幾千人和其它陸陸續續趕上班族群爭車搭。

周周
[引用] | 作者 周周 | 4th Nov 2010 | [舉報垃圾留言]


yes!!

[引用版主回覆] | 作者 小彭 | 13th Dec 2010

[3] Re: 夾心人
夾心人 :
其實你都唔可以太過怪責有些人有這種行為,
1)有唔洗錢嘅「接駁巴士」更係要鬥快一窩蜂咁爭住上車啦,人群中跟住有個女人比人踏到腳咪大叫救命囉!
2)點解港鐵明知3號波掛緊 ,唔好好加強人手,d 人破口大罵,係車費咁拿貴, 港鐵唔好好用多d 錢去 check 吓系統, 真係 "唔好彩" 一朝早出事啦!
p.s. 什麼是推銀仔?

well, hkmtr is already one of the best railway systems globally, we have a very low breakdown rate and very punctual schedule, they are already checking on the system very well, but,still, we cant avoid from ALL accidents. right ?

XministarX
[引用] | 作者 XministarX | 1st Nov 2010 | [舉報垃圾留言]

[2]

其實你都唔可以太過怪責有些人有這種行為,

1)有唔洗錢嘅「接駁巴士」更係要鬥快一窩蜂咁爭住上車啦,人群中跟住有個女人比人踏到腳咪大叫救命囉!

2)點解港鐵明知3號波掛緊 ,唔好好加強人手,d 人破口大罵,係車費咁拿貴, 港鐵唔好好用多d 錢去 check 吓系統, 真係 "唔好彩" 一朝早出事啦!

p.s. 什麼是推銀仔?


[引用] | 作者 夾心人 | 27th Oct 2010 | [舉報垃圾留言]

乜都可以做好D,但作為人類,都應該自己諗下點應變,唔可以下下等人救!!

推銀仔係一個iphone遊戲!!

[引用版主回覆] | 作者 小彭 | 30th Oct 2010

[1]

我邊看邊笑:D 香港人,no, 只能説有些人,真的笨得不得了,竟然在沒有MTR 的情況下,不懂得過海。如果是七十年代内地人偷渡潮,警察一定以爲此等人是偷渡客:P 看見貧窮人口數目不斷上升,看見此則新聞,我不得不懷疑,香港的"GD-IQ" 跌了;)

嚴明
[引用] | 作者 嚴明 | 24th Oct 2010 | [舉報垃圾留言]


已不是IQ的問題了,上面的都是常識!!

[引用版主回覆] | 作者 小彭 | 27th Oct 2010