香港新浪網 MySinaBlog
« 上一篇 | 下一篇 »
小彭 | 12th Aug 2006 | 新聞任我講 | (1333 Reads)

平均分: 5.00 | 評分人數: 1

呢排特首都好鬼唔得閒,又要為藍天打氣,又要為會考生打氣,係真勞心勞力為香港!!

但諗返轉頭,香港係咪真係有咁多野需要打氣呢? 即使要打氣,係咪阿邊個邊個名人,乜都插兩句咀,乜都打幾句氣,問題就會解決呢?!

每逢會考,都會好多名人、藝人、政府官員、運動員、以前的狀元、以前考0分依家出人頭地的樣板人物,走出來為會考生打氣,連曾特首同李國章都走出來獻技。

不過細心聽下,就會發覺佢地講的野都幾廢!! 個個都係叫會考生"放鬆心情啦"、"會考唔係一切"、"唔使咁介意成績架"、"唔好比咁大壓力自己"......講來講去,陳腔濫調,了無新意。

放鬆心情,唔好將得失睇得咁重,呢D咁既百搭意見,放諸四海皆準,講左一定唔會錯,唔使負講錯野的責任。但,係咪真係有用?

雖然話依家好多乜鬼展翅、毅進、副學士,讀完都唔係冇用,亦有極少標青的畢業生可以上大學,不過,會考升上預科,始終係被認為最正途上大學的途徑,而上唔上到大學,又的確影響青少年的一生。

見工唔使睇我會考證書嗎? 冇大學學歷,請我的人會多嗎? 個個考得唔好的,都識玩風帆彈鋼琴畫畫做發明家,作另類發展?

每個人有不同的成長背景,人人都有佢自己的路,你搵個樣板比我睇,有乜用?

事實係,社會上個個人都睇重會考,壓力係由社會而來,請不要假惺惺,同我講會考唔係太重要! 我冇比壓力自己,壓力係社會比我!!

會考的確唔係人生的一切,但亦都唔應該搞到好似冇乜大不了,將人生一個都頗重要的考試,講到可有可無,考乜成績都冇所謂咁!

如果我係學生,你地D大人,一時又同我講唔讀書冇前途,一時又同我講會考唔使咁睇重,一時又同我講阿邊個邊個個仔考十優做左尖子,一時又同我講唔好比咁大壓力自己,咁即係點?

再講,你叫我唔好咁緊張,唔好咁大壓力,點做先? 我係緊張喎,點先可以即刻唔緊張? 打場波、游個水? 咪玩啦,我驚到飯都冇胃口食!! 唔通要我食鎮靜劑? 定扑暈自己?

做唔到既,我寧願你唔好講囉,你地都上哂岸,而我仲搵緊船搭,你一味叫我放鬆,只會覺得你地隨口up,當秘笈!!

仲有呀,可唔可以唔好訪問十優狀元讀書心德好冇?! 我死讀爛讀都得果幾分,你就不斷咁搵個三十分的人講自己讀書點輕鬆點開心點輕而易舉,只會令我覺得自己好鬼冇用,晚晚開夜車都讀唔掂D書,進一步被打沉。我信讀書講天份,十優生讀書的方法,只會岩十優生。

其實,面對失意既會考生,比些少適當的關心,例如一張紙巾,一個關心的眼神,一、兩句簡單的安慰;適當的協助,例如足夠的車錢比佢地去搵學校,足夠的升學進修資料,已經足夠。

唔該放榜前後唔好日日同我打氣,你愈打,我就愈緊張,你愈提,我就愈訓唔著!

比我安安靜靜的面對自己成績,面對自己,可以嗎?


[29] Re:
chacha :
唔得的話,其實,我的"詳細資料"中有個email add ,你send email比我又得,用黎add我的msn都得.

唔該哂!! 不過等兩三日後得閒先接!!

我add左你個msn啦已經!!


[引用] | 作者 小彭 | 23rd Aug 2006 | [舉報垃圾留言]

[28]

唔得的話,其實,我的"詳細資料"中有個email add ,你send email比我又得,用黎add我的msn都得.


[引用] | 作者 chacha | 23rd Aug 2006 | [舉報垃圾留言]

[27]

覆你的問題~
首先,清理了你的桌面,把所有不願人家見到的東西收起.^^
然後,按一下"Print Screen"制(F12隔離果個).
按了之後,打開「附屬應用程式」裏的「小畫家」.
Right click你隻mouse,選「貼上」.這時候,小畫家應會問你一個問題,你唔理三七廿一,就答「是」.之後,你就會見到你的desktop出現在小畫家之上.
只要你存檔(你可選save as bmp或jpeg),就會成功把你的desktop變成一張相,貼在你的blog上.
有乜唔明,再話過我知!


[引用] | 作者 chacha | 23rd Aug 2006 | [舉報垃圾留言]

[26]

接tag呀.拎你個desktop出黎睇睇,哈~

http://chachajoyce.mysinablog.com/index.php?op=ViewArticle&articleId=242082


[引用] | 作者 chacha | 22nd Aug 2006 | [舉報垃圾留言]

[25] Re:
:
你好,第一次到你的blog。我是應屆會考生,對你這篇文章特別有感受。那些所謂的打氣其實也在增加壓力呢!明明有時自己都忘了放榜,但電視機和收音機裏,都不斷播放藝人或者高官的打氣節目,真的有種想死的感覺。其實真正幫助到會考生的是多發放學校中六資料,特別是科目配搭,很多時候只有學校開設的科目,但缺少配搭,我又怎麽知道可以修讀自己想要的科目嗎?那都會阻礙會考生的準備呢!究竟大家知不知道會考生怕的都是去向不明呀,如果可以讓他們早一點作好打算,誰會怕得要命?一般自己考成甚麽樣子都心中有數,但資料不足,才令人懊惱呢!政府要做的應該是要學校早兩天公佈科目配搭和配額。還有我十分不明白爲甚麽大家只標榜狀元?有時候我覺得那些傷健考生更值得敬佩呢!哈哈,說了一大堆,語無倫次:P
知道這個blog的筆者前兩天生日,在此說聲遲來的生日快樂。

我都係過來人,所以知道會考生要D乜,同意你講法,可以睇通前路最重要!! 恭喜你,成績咁好,繼續比心機喔!!


[引用] | 作者 小彭 | 22nd Aug 2006 | [舉報垃圾留言]

[24] Re: Happy Birthday
Dream Catcher :
小彭,比小蓓還遲,遲了一天才說生日快樂。祝身體健康!日日開心!笑口常開!

有心唔怕遲!! 祝大家都笑口常開,你D書賣到斷市!!


[引用] | 作者 小彭 | 21st Aug 2006 | [舉報垃圾留言]

[23] Re:
小蓓 :
遲左兩粒半鐘添...雖然已經過左但都祝你a belated happy birthday la~~~最緊要心想事成想咩有咩!!! ^^

多謝呀,大家咁話,想咩有咩!!


[引用] | 作者 小彭 | 21st Aug 2006 | [舉報垃圾留言]

[22]

你好,第一次到你的blog。
我是應屆會考生,對你這篇文章特別有感受。
那些所謂的打氣其實也在增加壓力呢!明明有時自己都忘了放榜,但電視機和收音機裏,都不斷播放藝人或者高官的打氣節目,真的有種想死的感覺。
其實真正幫助到會考生的是多發放學校中六資料,特別是科目配搭,很多時候只有學校開設的科目,但缺少配搭,我又怎麽知道可以修讀自己想要的科目嗎?那都會阻礙會考生的準備呢!
究竟大家知不知道會考生怕的都是去向不明呀,如果可以讓他們早一點作好打算,誰會怕得要命?一般自己考成甚麽樣子都心中有數,但資料不足,才令人懊惱呢!政府要做的應該是要學校早兩天公佈科目配搭和配額。
還有我十分不明白爲甚麽大家只標榜狀元?有時候我覺得那些傷健考生更值得敬佩呢!
哈哈,說了一大堆,語無倫次:P

知道這個blog的筆者前兩天生日,在此說聲遲來的生日快樂。


[引用] | 作者 | 21st Aug 2006 | [舉報垃圾留言]

[21] Happy Birthday

小彭,
比小蓓還遲,遲了一天才說生日快樂。祝身體健康!日日開心!笑口常開!


[引用] | 作者 Dream Catcher | 20th Aug 2006 | [舉報垃圾留言]

[20]

遲左兩粒半鐘添...
雖然已經過左
但都祝你a belated happy birthday la~~~
最緊要心想事成
想咩有咩!!! ^^


[引用] | 作者 小蓓 | 20th Aug 2006 | [舉報垃圾留言]

[19] Re: Re: Re:
李酷 :
小彭 :Angie :環保都唔係講出黎既,係做出黎架,但唔係做show,個藍天使鬼你同佢打氣咩,佢多得你地唔少啦!天馬鑑層樓又唔知有幾高呢?

係囉,所謂打氣,只不過係一班啦啦隊在旁叫叫喊喊,冇實質野幫到手,想嬴要參加者自己努力。依家為藍天打氣,係咪即係政府乜都唔使做,只係叫下口號,個藍天就會好努力比心機咁日日變藍?!!政府一日唔夠膽郁D電廠,郁D巴士公司,郁珠三角的工廠,只敢細細咪咪的叫人停車熄匙,根本冇大作用!!其實呢巴士公司在環保方面真係做左好多野汽車的確污染源頭之一但大多數唔係來自巴士而係好多未達歐盟標準的舊重型貨車只因為巴士大部同數量多先至俾人有錯覺覺得佢地係元兇

居士,巴士公司係買左好多新歐盟車返來,但事實上,在街上見到好多新巴士,一樣噴勁多黑煙,呢個係我親身體驗!! 即使有新車,保養得唔好,一樣好污染!!


[引用] | 作者 小彭 | 18th Aug 2006 | [舉報垃圾留言]

[18] Re: Re:
小彭 :
Angie :環保都唔係講出黎既,係做出黎架,但唔係做show,個藍天使鬼你同佢打氣咩,佢多得你地唔少啦!天馬鑑層樓又唔知有幾高呢?

係囉,所謂打氣,只不過係一班啦啦隊在旁叫叫喊喊,冇實質野幫到手,想嬴要參加者自己努力。
依家為藍天打氣,係咪即係政府乜都唔使做,只係叫下口號,個藍天就會好努力比心機咁日日變藍?!!
政府一日唔夠膽郁D電廠,郁D巴士公司,郁珠三角的工廠,只敢細細咪咪的叫人停車熄匙,根本冇大作用!!


其實呢
巴士公司在環保方面真係做左好多野
汽車的確污染源頭之一
但大多數唔係來自巴士
而係好多未達歐盟標準的舊重型貨車
只因為巴士大部同數量多
先至俾人有錯覺
覺得佢地係元兇


[引用] | 作者 李酷 | 18th Aug 2006 | [舉報垃圾留言]

[17] Re:
Bart :
引用某人某段說話(唔記得出處), 為左呢d 小事而爭論, 證明呢個世界(或香港)仲好和平.
正如什麼歡樂滿東華呀,博愛歡樂傳萬家呀, 星光熠熠耀保良呀, 萬眾同心公益金呀, 咪又係一邊花錢一邊扮籌款, 其實都係同樣道理. 有心捐錢駛乜三催四請,又屈又氹, 做d馬騮戲比你睇, 都只係香港人o既習慣, 咁多年黎都冇變過, 冇左反而你仲有d 唔自然添!
節日活動o者, 真係唔駛咁緊張喎~ ^_^"

o依? 我地爭論過乜野? 唔係好知添!!

不過有人認為小事的,在另一個人眼中可能係好大件事,大事小事冇客觀標準既。

香港最可愛的地方,就係乜都可以講,理得佢大事小事?!!


[引用] | 作者 小彭 | 18th Aug 2006 | [舉報垃圾留言]

[16]

引用某人某段說話(唔記得出處), 為左呢d 小事而爭論, 證明呢個世界(或香港)仲好和平.

正如什麼歡樂滿東華呀,博愛歡樂傳萬家呀, 星光熠熠耀保良呀, 萬眾同心公益金呀, 咪又係一邊花錢一邊扮籌款, 其實都係同樣道理. 有心捐錢駛乜三催四請,又屈又氹, 做d馬騮戲比你睇, 都只係香港人o既習慣, 咁多年黎都冇變過, 冇左反而你仲有d 唔自然添!

節日活動o者, 真係唔駛咁緊張喎~ ^_^"


[引用] | 作者 Bart | 17th Aug 2006 | [舉報垃圾留言]

[15] 加入mysinablog大家庭的新成員

你好,我叫Kit,是一個“紙雕”愛好者,加入mysinablog大家庭的新成員,希望大家多多指教,互相交流!!!
我的Blog是kitsiu_art.mysinablog.com,歡迎參觀,給小妹一點意見吧!!!


[引用] | 作者 Kit | 15th Aug 2006 | [舉報垃圾留言]

[14]

咁又係呀, 緊張時叫人唔好緊張,係好廢ga. 控制得倒就唔係叫緊張啦.


[引用] | 作者 窩沙b | 15th Aug 2006 | [舉報垃圾留言]

[13] Re:
KaKa :
人唔紅,唔多人棒,係咪要揾D嘢攪呀....人哋想曝光啫,比條路行吓啦...你再講佢幫你打氣架喇.. hahaha @.@

明星都有一樣野叫曝光過度,會適得其反!! 曾生就黎會係咁!!我依家見到佢都覺得煩!!


[引用] | 作者 小彭 | 14th Aug 2006 | [舉報垃圾留言]

[12] Re:
Angie :
環保都唔係講出黎既,係做出黎架,但唔係做show,個藍天使鬼你同佢打氣咩,佢多得你地唔少啦!天馬鑑層樓又唔知有幾高呢?

係囉,所謂打氣,只不過係一班啦啦隊在旁叫叫喊喊,冇實質野幫到手,想嬴要參加者自己努力。

依家為藍天打氣,係咪即係政府乜都唔使做,只係叫下口號,個藍天就會好努力比心機咁日日變藍?!!

政府一日唔夠膽郁D電廠,郁D巴士公司,郁珠三角的工廠,只敢細細咪咪的叫人停車熄匙,根本冇大作用!!


[引用] | 作者 小彭 | 14th Aug 2006 | [舉報垃圾留言]

[11] Re:
小眼睛 :
唉...我話阿特首真係嘥氣!!大家講會考,我就想講藍天
特首話搞環保,但人地搞緊熄燈行動時,佢連將個「幻彩詠香江」改遲少少,真係少少啫,都話唔肯喎,顯出佢個人有幾假!!
結果,畫面係,一邊熄晒燈,另一邊「五光十色」幻彩詠香江!唉...特首呀, 特首呀, 多諷刺!!

佢要強政勵治丫嘛!!

因為熄燈行動唔係佢自己提出,比人搶左頭淡湯,如果響應,咪好冇面,仲邊夠強政?!!

所以你叫佢做咩,佢偏偏唔做,你叫佢延遲咩,佢偏偏要準時,仲要開多D燈,咁先夠"強"丫嘛!!


[引用] | 作者 小彭 | 14th Aug 2006 | [舉報垃圾留言]

[10] Re:
阿旺 :
我已經唔記得當年自己放榜係點,但我就真係好死憎班十優狀元,你攞十優關我鬼事咩?仲要周圍講「讀書唔難架,俾心機就得」,去死啦!好彩我年年八月都放假,一次會考榜都未做過,否則我可能拎個咪扑死班狀元!

咁又唔使咁激動,有部份十優生,又真係好辛苦讀返來既!
不過,自己冇讀書天份,我又真係唔抵得D狀元讀書讀得咁舒服者,哈哈!!


[引用] | 作者 小彭 | 14th Aug 2006 | [舉報垃圾留言]

[9] Re:
ada :
and 我嚴重不滿放榜當日有人將名校狀元行頭簡直係將我呢d非名校生不放在眼內!!!!!XP

尖子做野的角度,梗係唔同D架啦!!你同我D凡人,係唔會明既!!


[引用] | 作者 小彭 | 14th Aug 2006 | [舉報垃圾留言]

[8] Re:
小蓓 :
點解當年肥彭又唔為我地打打氣呢??其實而家越係咁多人走出嚟包括高官啦名人啦藝人啦越係反映時下年青人不能承受挫折心諗,個個都係咁長大架啦大家都係行緊同一條路而且而家啲出路仲越嚟越多添點解啲人反而要個個呵住先至生存到?多舊魚!!!!

咪係,我地當年,阿爸阿媽點會同你走去通宵排學校架,佢肯排,你都唔忍心啦,乜野都自己搞掂架啦!!


[引用] | 作者 小彭 | 14th Aug 2006 | [舉報垃圾留言]

[7]

人唔紅,唔多人棒,係咪要揾D嘢攪呀....
人哋想曝光啫,比條路行吓啦...你再講佢幫你打氣架喇.. hahaha @.@


[引用] | 作者 KaKa | 14th Aug 2006 | [舉報垃圾留言]

[6]

環保都唔係講出黎既,係做出黎架,但唔係做show,個藍天使鬼你同佢打氣咩,佢多得你地唔少啦!天馬鑑層樓又唔知有幾高呢?


[引用] | 作者 Angie | 14th Aug 2006 | [舉報垃圾留言]

[5]

唉...我話阿特首真係嘥氣!!
大家講會考,我就想講藍天

特首話搞環保,但人地搞緊熄燈行動時,佢連將個「幻彩詠香江」改遲少少,真係少少啫,都話唔肯喎,顯出佢個人有幾假!!

結果,畫面係,一邊熄晒燈,另一邊「五光十色」幻彩詠香江!
唉...特首呀, 特首呀, 多諷刺!!


[引用] | 作者 小眼睛 | 13th Aug 2006 | [舉報垃圾留言]

[4]

我已經唔記得當年自己放榜係點,但我就真係好死憎班十優狀元,你攞十優關我鬼事咩?
仲要周圍講「讀書唔難架,俾心機就得」,去死啦!
好彩我年年八月都放假,一次會考榜都未做過,否則我可能拎個咪扑死班狀元!


[引用] | 作者 阿旺 | 12th Aug 2006 | [舉報垃圾留言]

[3]

and 我嚴重不滿放榜當日
有人將名校狀元行頭
簡直係將我呢d非名校生不放在眼內!!!!!
XP


[引用] | 作者 ada | 12th Aug 2006 | [舉報垃圾留言]

[2]

為會考生打氣
幾乎同年尾的樂壇頒獎禮一樣
成為各藝人必做的活動


[引用] | 作者 ada | 12th Aug 2006 | [舉報垃圾留言]

[1]

點解當年肥彭又唔為我地打打氣呢??
其實而家越係咁多人走出嚟
包括高官啦名人啦藝人啦
越係反映時下年青人不能承受挫折
心諗,個個都係咁長大架啦
大家都係行緊同一條路
而且而家啲出路仲越嚟越多添
點解啲人反而要個個呵住先至生存到?
多舊魚!!!!


[引用] | 作者 小蓓 | 12th Aug 2006 | [舉報垃圾留言]