香港新浪網 MySinaBlog
« 上一篇 | 下一篇 »
小彭 | 1st Aug 2006 | 我寫故我在 | (8406 Reads)

平均分: 8.00 | 評分人數: 1

等坐車、等提款、等過關,等買東西,排隊是應份,甚至不算是美德,香港人普遍都可以做到。但總覺香港人,排隊都排得有點狡詐,而又有點走火入魔!!

Picture

排隊是最原始,而又頗公平的一種方式,去處理一大群人的需要,因為先到先得,後來者,得不到想要的,只好怪自己慢。

不過,在事事講求變通的香港,排隊文化也十分「走精面」化!!

例如:

1/去超市買東西,若有兩個人,即使只有一車貨品,兩個人都會排兩條隊,那一條快就叫對方將購物車明目張膽的「鏟」過來!我就試過有一次,差不多排到我的時候,前面手上空無一物的阿嬸,就叫排隔離隊的老公,成大車貨品「車」過來!頂,你不如叫十個親戚排滿十條隊,咁你就最Q快啦!只買一個西生菜的我,實在忍不住要排多十分鐘,與他們罵了幾句,他們才知難而退!

2/排隊等車,香港人總愛叫一個代表「排住先」,到有車時,就一大排朋友來插隊!頂!你一兩個都無所謂,如果四、五個以上,而我等的是座位較少的小巴、的士,可能就會因為這些人的自私,要等多幾班車!

3/香港人排隊,又很喜歡用死物排。一張凳、一本書、一個袋、甚至一張廢紙,都當自己已經排了隊!你離開一陣去洗手間、飲啖水、甚至吃個飯,返來再排,都可以接受,但有些人就全日失蹤,只剩下一張空凳,代他進行神性的排隊任務!

4/處處商機的香港,還出現排隊黨,代人排隊,然後收錢,果真有血有汗!Well,肯出錢請人排隊,促進黑社會發展,改善就業,我也無話可說!

我們在罵內地人插隊的時候,是否亦應檢討一下,自己的排隊文化,是否已經漸漸地變質?我們的「靈活變通」,說穿了,只是用一種比較體面的方法去打尖,與內地人赤裸裸的插隊,本質上分別不大!!

另一方面,說香港人排隊排得走火入魔,應不算誇張!

前幾年,到書展訪採排頭位的市民,最多說是凌晨四、五時來排隊;到近年已經「進化」到開幕前一日的晚上八、九時。今年的動漫節,星期五開幕,小朋友們竟然星期四早上六時就來排隊!有夠誇張沒有?!!

雖然學生已經放暑假,時間應可放在更有意義的事上吧!為了一些什麼限量版公仔、閃咭,真的有需要早一整天來排隊嗎?!今日出限量500個的公仔,明日出限量200張的閃咭,後日出限量50件的T-shirt,大後日出限量10卷的廁紙......永無止境。可能我不懂「投資」,實在不明白,為什麼本身不值一文的膠公仔、毫無藝術價值的咭紙,一說是限量,就能令大家抓狂?!!

等我又設計一張小彭閃咭,全宇宙限量發售三張,看看是否「炒」得起!!emoticon

與書展漫畫節一樣,老人家排隊輪米的時間也愈來愈早!

不知是否老天爺要勸阻老人家輪米,每逢有派米活動,不是太陽暴曬,就是大雨勁淋。每次看見老人家們日曬雨淋,還要被冷血的工作人員當狗喝罵,仍默默排隊輪米,都心感不安。可是長者的毅力是不可少窺,只為了家人求個平安,也懶理自己的不平安!

去年死了人,政府發指引,只可以派一公斤米,派米團體又改為上午先派籌,下午再派米,希望長者不用整日排隊。但此舉反而令長者更早來排隊拿籌,然後立即去排隊輪米,等候時間比以前更長,得到的卻是更少的米!!

其實,這類好心做壞事的行為(其實我不認為他們是好心),應該及早取締,才可以真正令長者們平平安安!

簡單來說,排隊愈來愈早的現象,都來自香港人愈來愈「唔執輸」的心態。這種「執輸行頭慘過敗家」的想法,不論男女老幼,都愈來愈根深柢固,令大家都忘記 opportunity cost 的問題。這樣排一日一夜隊,得到的是否真的比失去的多?要看君的價值觀了。

哈!不知再過幾年,採訪書展和動漫節時,排頭位的市民,是否早一星期已經來到呢?!到時不只可以刺激食肆外賣及露營用品的生意,香港繼「示威之都」後,可能又多個新名字--「排隊之都」!!


[23] Re: 怕
Katie Meow :
就係因為咁...非必要, 我一定唔會嚮咁既排隊場面出現!!
買唔到限量版...唔會死;拿唔到一包米, 唔會餓死,但會比人踩死;排多幾次呢d咁既隊, 會激死!
大陸人? 不是行為的問題, 基本上大部份無排隊既觀念~
香港人, 有觀念, 等唔切, 走精面!
最公平最舒服的排隊, 我覺得都係 派籌, 然後估計時間再回去~~ 不過, 事情永遠都不會完美!!

派籌,香港人仍然係會晨早排隊去輪籌,結果係一樣!! 不過有人願意付出時間去追求佢地自己認為有價值的東西,又冇問題o既,係我唔明個價值o係邊o者!!


[引用] | 作者 小彭 | 5th Aug 2006 | [舉報垃圾留言]

[22] Re: 恭喜你
KaKa : 盲忪忪成為Sina"精選文章"第四位~~ 快啲返公司同你老细講你有好高嘅市場定位,字字值千金


KaKa,你梗係上得我個blog少!我由開blog到依家,大大話話有成十篇文章上過精選文章,你唔知咩? 哈哈!! 係咪囂左D?!! sorry!! emoticon

上精選文章又冇錢,點算字字千金!! Angie可以出書,佢就真係字字千金喇!!

不過我依家都算係靠筆搵食,計計下每個字都值一蚊雞掛?!!


[引用] | 作者 小彭 | 5th Aug 2006 | [舉報垃圾留言]

[21] Re:
Esther :
那幾天我每天都要一早去灣仔.於是,每天都親眼見證著一批又一批湧著去會展的參觀人仕...
車,都比平日濟很多.真係好可怕.

你去開檔? 下次動漫節不如去亞博開,唔使塞死哂灣仔!!


[引用] | 作者 小彭 | 5th Aug 2006 | [舉報垃圾留言]

[20] Re: Re: Re:
艾力 :
小彭 : 艾力 :仲咩改左白色架!! 你又加入白底黑字的大家庭啦 ~ 哈哈!!喂喂!!知唔知完全消滅排隊又對社會無害既方法﹖就是增加價格啦。張五常教授說的。不過又會有人說這是不道德的,例如M記如果中午時段加價,肯定有人嘈.... 派米要收手續費嘈得仲勁...... =P 時不時改下版面,先有新鮮感!! 哈,其實多人排隊,對商人冇損失,仲可以當宣傳,根本冇誘因加價趕客呢!! 派米機構就係想愈多人排隊愈好,先夠面子,點會收手續費?!!
但係排得太勁,也會使一些人幫趁第二間 ~ 隨時得不尚失呀 ~
如果不是構成顧客心理上不舒服,我覺得佢地真係會中午加價架!

咁都有可能呢!!不過麥記果時換史樂比公仔,排隊排到出門外,都冇加價喎!!


[引用] | 作者 小彭 | 5th Aug 2006 | [舉報垃圾留言]

[19]

就係因為咁...非必要, 我一定唔會嚮咁既排隊場面出現!!

買唔到限量版...唔會死;拿唔到一包米, 唔會餓死,但會比人踩死;排多幾次呢d咁既隊, 會激死!

大陸人? 不是行為的問題, 基本上大部份無排隊既觀念~

香港人, 有觀念, 等唔切, 走精面!

最公平最舒服的排隊, 我覺得都係 派籌, 然後估計時間再回去~~ 不過, 事情永遠都不會完美!!


[引用] | 作者 Katie Meow | 5th Aug 2006 | [舉報垃圾留言]

[18] 恭喜你

盲忪忪成為Sina"精選文章"第四位~~

快啲返公司同你老细講你有好高嘅市場定位,字字值千金


[引用] | 作者 KaKa | 5th Aug 2006 | [舉報垃圾留言]

[17]

那幾天我每天都要一早去灣仔.於是,每天都親眼見證著一批又一批湧著去會展的參觀人仕...

車,都比平日濟很多.
真係好可怕.


[引用] | 作者 Esther | 5th Aug 2006 | [舉報垃圾留言]

[16] Re: Re:
小彭 : 艾力 :仲咩改左白色架!! 你又加入白底黑字的大家庭啦 ~ 哈哈!!喂喂!!知唔知完全消滅排隊又對社會無害既方法﹖就是增加價格啦。張五常教授說的。不過又會有人說這是不道德的,例如M記如果中午時段加價,肯定有人嘈.... 派米要收手續費嘈得仲勁...... =P 時不時改下版面,先有新鮮感!! 哈,其實多人排隊,對商人冇損失,仲可以當宣傳,根本冇誘因加價趕客呢!! 派米機構就係想愈多人排隊愈好,先夠面子,點會收手續費?!!

但係排得太勁,也會使一些人幫趁第二間 ~ 隨時得不尚失呀 ~

如果不是構成顧客心理上不舒服,我覺得佢地真係會中午加價架!


[引用] | 作者 艾力 | 4th Aug 2006 | [舉報垃圾留言]

[15]

係香港梗係要排隊啦,我留言都係要排對o架,想留第一位都唔得添。


[引用] | 作者 亞占 | 4th Aug 2006 | [舉報垃圾留言]

[14] Re:
Angie :
其實最怕唔係d左青龍右白虎,而係 d 阿婆,有一次,阿勁截的士,截到後有個阿婆衝過黎非常大聲,驚死無人聽到咁話佢:「有冇搞錯呀,打阿婆尖。」跟住成街人望過黎,阿勁唯有無奈讓她,好彩個司機好人,同阿婆講係呢個後生仔截先,個阿婆先算數,你話係未無賴?呢d例子真係太多,阿婆真係好勁架!

唔怕啦,你話去做左青龍右白虎就難啫.....我哋終有一日會係阿婆嘛,我哋到時咪「有風駛盡俚」囉....哈哈哈哈


[引用] | 作者 KaKa | 4th Aug 2006 | [舉報垃圾留言]

[13]

其實最怕唔係d左青龍右白虎,而係 d 阿婆,有一次,阿勁截的士,截到後有個阿婆衝過黎非常大聲,驚死無人聽到咁話佢:「有冇搞錯呀,打阿婆尖。」跟住成街人望過黎,阿勁唯有無奈讓她,好彩個司機好人,同阿婆講係呢個後生仔截先,個阿婆先算數,你話係未無賴?呢d例子真係太多,阿婆真係好勁架!


[引用] | 作者 Angie | 3rd Aug 2006 | [舉報垃圾留言]

[12] Re:
小彭 :
哈哈,乜買少D野可以排前D? 乜野道理?!!
有人打尖出唔出聲,真係要睇對象。如果對方左青龍右白虎,我真係未必敢出聲!!

講開又好似冇乜見過左青龍右白虎打尖喎....定係佢哋集團乜都有得買,駛鬼出街買??
如果左青龍右白虎打我尖,可能我會運用我嘅天賦本錢 - 女人 -「唔係堂堂大男人,女人都蝦呀?!」


[引用] | 作者 KaKa | 3rd Aug 2006 | [舉報垃圾留言]

[11]

因為唔比人行小路,我又無工作證係身,結果入去地攤開工都係要等呢~


[引用] | 作者 貓糊 | 3rd Aug 2006 | [舉報垃圾留言]

[10] Re:
Angie :
剛巧有個case係阿勁既,好好笑。話說有一日佢去買郵票,有個阿嬸打佢尖,咁佢就叫個阿嬸係後面排隊,個阿嬸話「我都係買一個郵票姐」,阿勁回答:「我都係買一個郵票咋」,個阿嬸只好排隊,後來郵局加了一個counter,個阿嬸即刻衝出去打尖,個職員都冇叫返佢排後面,阿勁只好同排係佢後面個後生仔相視苦笑。
我又試過一次買六合彩,有一個阿叔打我尖,我同佢講「後面排隊wor」跟住佢就企係我後面,而本來排係我後面既人竟然無人出聲(好多仲係男人),你話係未好笑?

哈哈,乜買少D野可以排前D? 乜野道理?!!

有人打尖出唔出聲,真係要睇對象。如果對方左青龍右白虎,我真係未必敢出聲!!


[引用] | 作者 小彭 | 3rd Aug 2006 | [舉報垃圾留言]

[9] Re:
方潤 :
其實最簡單既理由,係因為太多人既時間唔值錢。
尤其老人家,所以佢地最肯俾時間去排隊。佢地冇其他優勢,就只有不值錢的時間,所以排隊就是他們的專長——打工仔女一定鬥不過。
以香港人「把一切賺到盡」的邏輯,會有人願意這樣排隊,反而不奇怪。除非全香港人都發現,原來自己的時間很值錢,不排隊有其他更好賺的方法(炒股﹖)。

老人我明白啊,佢地唔排隊可能真係冇其他野可以做。但去動漫節的都係年青力壯的青少年,除左排隊買限量版,應該有其他野好做!!
不過算啦,我係父母,都寧願佢地排下隊,捱下苦,知道得到一樣想要既野係要付出,好過走去索K索死既!!


[引用] | 作者 小彭 | 3rd Aug 2006 | [舉報垃圾留言]

[8] Re:
KaKa :
Paul 仔,你都好 sweet 喎!!! (哈,我學你咋)
有次我去澳門過海關,有幾條友又係一人排一條,點知我嗰條最快,前面個死佬大嗌佢啲 friend:「喂過嚟呀,我條到喇」跟住隔離行個 friend 走咗過嚟....佢再大嗌埋其他 friend:「喂過嚟呀,我條到喇」我咪忍唔住鬧鬼佢囉:「呢度海關嚟架....人哋排隊係向前行,我哋呢條個個向後行嘅」佢見咁樣衰,佢啲 friend 又見佢咁樣衰先冇過嚟......

咪就係咁囉,失去左排隊的意義!!根本係打尖!!


[引用] | 作者 小彭 | 3rd Aug 2006 | [舉報垃圾留言]

[7] Re:
paul仔 :
一向香港人也喜歡趁熱鬧,現在很多的演唱會門票也要一早排隊才買到,當然,我還是沒有這個精神和時間,好彩想睇的concert,都找到朋友內部認購,否則,我可選擇不看!!
強列反對派米活動.....
「小彭閃咭,全宇宙限量發售三張...」好.....我一定提前幾日排隊買喔!!還有,再排隊攞簽名....!!

你咪講得咁口響!!如果係某小姐的演唱會,你排十日十夜都會買飛啦!!

小彭閃卡好值錢,你買左一定發大達!!


[引用] | 作者 小彭 | 3rd Aug 2006 | [舉報垃圾留言]

[6]

剛巧有個case係阿勁既,好好笑。話說有一日佢去買郵票,有個阿嬸打佢尖,咁佢就叫個阿嬸係後面排隊,個阿嬸話「我都係買一個郵票姐」,阿勁回答:「我都係買一個郵票咋」,個阿嬸只好排隊,後來郵局加了一個counter,個阿嬸即刻衝出去打尖,個職員都冇叫返佢排後面,阿勁只好同排係佢後面個後生仔相視苦笑。

我又試過一次買六合彩,有一個阿叔打我尖,我同佢講「後面排隊wor」跟住佢就企係我後面,而本來排係我後面既人竟然無人出聲(好多仲係男人),你話係未好笑?


[引用] | 作者 Angie | 1st Aug 2006 | [舉報垃圾留言]

[5]

其實最簡單既理由,係因為太多人既時間唔值錢。

尤其老人家,所以佢地最肯俾時間去排隊。佢地冇其他優勢,就只有不值錢的時間,所以排隊就是他們的專長——打工仔女一定鬥不過。

以香港人「把一切賺到盡」的邏輯,會有人願意這樣排隊,反而不奇怪。
除非全香港人都發現,原來自己的時間很值錢,不排隊有其他更好賺的方法(炒股﹖)。


[引用] | 作者 方潤 | 1st Aug 2006 | [舉報垃圾留言]

[4]

Paul 仔,你都好 sweet 喎!!! (哈,我學你咋)

有次我去澳門過海關,有幾條友又係一人排一條,點知我嗰條最快,前面個死佬大嗌佢啲 friend:「喂過嚟呀,我條到喇」跟住隔離行個 friend 走咗過嚟....佢再大嗌埋其他 friend:「喂過嚟呀,我條到喇」我咪忍唔住鬧鬼佢囉:「呢度海關嚟架....人哋排隊係向前行,我哋呢條個個向後行嘅」佢見咁樣衰,佢啲 friend 又見佢咁樣衰先冇過嚟......


[引用] | 作者 KaKa | 1st Aug 2006 | [舉報垃圾留言]

[3]

一向香港人也喜歡趁熱鬧,現在很多的演唱會門票也要一早排隊才買到,當然,我還是沒有這個精神和時間,好彩想睇的concert,都找到朋友內部認購,否則,我可選擇不看!!

強列反對派米活動.....

「小彭閃咭,全宇宙限量發售三張...」好.....我一定提前幾日排隊買喔!!還有,再排隊攞簽名....!!


[引用] | 作者 paul仔 | 1st Aug 2006 | [舉報垃圾留言]

[2] Re:
艾力 :
仲咩改左白色架!! 你又加入白底黑字的大家庭啦 ~ 哈哈!!
喂喂!!知唔知完全消滅排隊又對社會無害既方法﹖就是增加價格啦。張五常教授說的。
不過又會有人說這是不道德的,例如M記如果中午時段加價,肯定有人嘈.... 派米要收手續費嘈得仲勁...... =P

時不時改下版面,先有新鮮感!!

哈,其實多人排隊,對商人冇損失,仲可以當宣傳,根本冇誘因加價趕客呢!!

派米機構就係想愈多人排隊愈好,先夠面子,點會收手續費?!!


[引用] | 作者 小彭 | 1st Aug 2006 | [舉報垃圾留言]

[1]

仲咩改左白色架!! 你又加入白底黑字的大家庭啦 ~ 哈哈!!

喂喂!!知唔知完全消滅排隊又對社會無害既方法﹖就是增加價格啦。張五常教授說的。

不過又會有人說這是不道德的,例如M記如果中午時段加價,肯定有人嘈.... 派米要收手續費嘈得仲勁...... =P


[引用] | 作者 艾力 | 1st Aug 2006 | [舉報垃圾留言]