香港新浪網 MySinaBlog
« 上一篇 | 下一篇 »
小彭 | 20th Jun 2006 | 我有我天地 | (1873 Reads)

平均分: 10.00 | 評分人數: 1

Picture 

之前講過,不太熱衷足球。不會踢,不愛記球隊、記球員名稱、更不愛賭波。所以,十分佩服聰少,可以將世界盃歷史娓娓道來,而我,連過去幾屆的冠軍都不太記得清楚,真慚愧。

不過,不熱衷,又不代表不愛看。四年一度的世界盃,必看,全為了欣賞各國球王超凡的球技!

沒有特別捧場的球隊,比較喜歡的,與大圍一樣,都是巴西。每次巴西出場,都期待他們使出高超的技術,秀麗的腳法。

英格蘭通常不特別出色,但我也會特別留意,可能因為女友喜歡吧。

其餘荷蘭、阿根廷、法國、意大利、德國的賽事,有時間、有機會,也會一看。

說最有印象的一年世界盃,除了八六年馬勒當拿上帝之手那一屆外,經女友提醒,九零年的世界盃十六強德、荷之戰,也為人津津樂道。

當年還是球員的列卡特,向禾拉吐口水一幕,電視將鏡頭,播完又播,還來個慢鏡來回重播,令人忍唆不禁!!女友亦說,這場是他看過最精彩的世盃賽事之一。

有一朝早睡醒,電台剛播著九零年中文版世盃主題曲,Alan唱的《理想與和平》(To Be Number One),十六年了,忽然很懷念以前的世界盃!!

想當年,未有有線電視,看世界盃,是免費的!!

當年無記及亞記都播世界盃,慣性收視的關係,無記總是多人看的。也難怪,無記的確比亞記搞得更有聲有色。每次有大戰,無記總是人多勢眾,熱熱鬧鬧,即使有人批評不夠專業,對我這些業餘球迷來說,又有何所謂!!

還記得以前無記有得播的幾屆世界盃,阿叻支持的荷蘭,與阿叔支持的西德一碰頭,火藥味就來,兩個大男人就好像小朋友一樣,互相單打,要旁人勸交,娛樂性豐富!!

當年全港市民,安坐家中,就可以欣賞球場。喜歡的可以呼朋喚友到家中,食薯片喝啤酒睇波;愛靜的可以一個人對著電視自顧自的緊張,都不用多花一分一毫。

時代進步了,電視台多了,過去幾屆世界盃,卻只有幾十萬有線用戶的家中可以看到!!我這些不捨得奉獻銀兩的,只好出街、上酒吧、到朋友家看,或是不看!

對於我,看與不看,不太緊要,但在六月,不睇波總覺有點若有所失。

當然,有線播世界盃,催生了不少商業活動:酒吧、卡拉OK每有大賽都坐無虛席、商場播世盃刺激人流,衍生出幾千人同看世界盃的嘉年華。但總覺,少了以前那份各式其式,自由自在,喜歡自閉的自閉,喜歡熱鬧的熱鬧,真正全城世界盃熱潮的興奮。

香港是經濟自由的社會,有線肯出天價買下播影權,用以吸客,無可厚非;兩間免費電視衡量過不值得,不買,亦可以理解。只是覺得,當第三世界國家的國民,都可以免費欣賞世界盃,自稱為國際級大都會的香港,若市民不肯付錢,就睇波難,真有點諷刺!!

很懷念一有入球,全座大廈住客一齊歡呼的日子;很懷念獨自一人晚上爬起身睇波的日子;很懷念一路溫書應付考試,一路睇波,既痛苦又開心的日子;很懷念To Be Number One,很懷念全民大同,一齊睇波不賭波的日子!!

可喜的是,科技進步,除了多了電視台,也多了互聯網。對於沒有線,又不想落吧睇波被濃煙焗死的球迷,可算是一個無選擇中的選擇。

有了網上睇波,相信四年後的世界盃,有線未必敢再大灑金錢買播影權,希望到時真的可以人人有波睇吧!!


[8]

"想當年,未有有線電視,看世界盃,是免費的!!" Yes yes, and that's how World Cup *should* be watched.


[引用] | 作者 Denise | 25th Jun 2006 | [舉報垃圾留言]

[7]

我都係無裝有線,剩睇無線。


[引用] | 作者 譚劍 | 24th Jun 2006 | [舉報垃圾留言]

[6]

gunner:
都話你係足球歷史書!!
我都搞唔清邊屆打邊屆,我又唔介意講球佬是否專業,只係記得有阿叔有阿叻果屆好似係幾熱鬧!!原來唔係九零年??等我改改篇文先!!
我都記得亞記不播廣告的事,不過唔記得係九零年,當年亞記係完全嬴哂啦!!!


[引用] | 作者 小彭 | 22nd Jun 2006 | [舉報垃圾留言]

[5] 90亞記世界盃

你說90世盃無記好睇D,我有點不同意,當年我主要看亞視。

講專業,當年仍在A記講波的阿叔,比無記所有三流講波佬都好﹔A記那屆找來自認「執波仔」的黃霑,吸引了不少觀眾轉台。

有一樣不能不提,是90年亞視,成了香港開埠以來,第一次不在比賽時插播廣告。無記最初堅拒跟風,結果兩在廣告期間有波入,終於都要跟!


[引用] | 作者 gunner | 21st Jun 2006 | [舉報垃圾留言]

[4]

我睇CCTV 5的,穩定一d.其實聽佢地講波都幾好笑,我記得英格蘭對千里達果場,講波果個有一句大約係咁講:「千里達面對英格蘭這麼強大的敵人,一定要拿出勇氣、自強!」老土到爆,笑到我碌地.


[引用] | 作者 chacha | 21st Jun 2006 | [舉報垃圾留言]

[3]

hang:
有線實在太貴。昨日佢地先打來問我,話比個六折月費我,但竟然仍要二百幾蚊,同以前原價都差不多,真係啋佢都哂氣!!

洵:
我講果個網可以睇到廣東台,講波的都係香港人,好似何暉果D,所以同香港冇乜分別。


[引用] | 作者 小彭 | 21st Jun 2006 | [舉報垃圾留言]

[2]

CCTV 講波悶到抽筋,睇得好辛苦!

忽然今日又入到黎,所以即刻要留言啦


[引用] | 作者 | 20th Jun 2006 | [舉報垃圾留言]

[1]

我就係怕想睇果時無得睇(睇得唔好),所以都係裝有線


[引用] | 作者 poonwinghang | 20th Jun 2006 | [舉報垃圾留言]