香港新浪網 MySinaBlog
« 上一篇 | 下一篇 »
小彭 | 21st Dec 2008 | 新聞任我講 | (856 Reads)

很難想像,在廿一世界的香港,一名心臟病發的市民,倒臥在急症醫院三、五分鐘的步程內,醫院內大部份人竟然都無動於衷,見死不救,結果近半小時後,才由遠道而來的救護車,送到近在咫尺的急病室,結果失救而死!

相關報導:

Picture

http://appledaily.atnext.com/template/apple/art_main.cfm?iss_id=20081221&sec_id=4104&subsec_id=11867&art_id=11995739

不需要研究這名病人早一點送到醫院,是否真的可以救活,整件事本身,根本就是匪夷所思!

害人的,不新鮮,又是「官僚」、「指引」。

最冷血的,是那名首先接觸死者家屬的職員。報章說,家屬向他求助,他回應說「唔 關 我 事 」(蘋果版本);「我唔識救,幫唔到」(明報版本);「唔關我地事,醫生好多野做,呢度冇醫生」(東方版本),叫家屬打999。

「唔關我事」,但幫手打個電話到急症室,叫人下來幫手,有幾困難?作為一個正常人,遇到這種情況,都應該有點惻隱之心,幫一幫手吧。

明愛醫院的急症室也有問題。成件事擾攘的近半小時,不用那個冷血職員通知,急症室都應該收到些少消息吧,但全個急症室完全無意息要出去急救,這是為醫者應有的態度嗎?

但更令人光火的,是今天明愛的回應:

「明愛醫院回應時,當時詢問處有關職員並非醫護人士,其做法符合指引,院方已致電事件中死者的家屬表示深切慰問。明愛又指,院方有權派醫護人員到現場救治傷者,但必須在醫院範圍。」(明報即時新聞)

究竟回應的人,有無經大腦?

現在人家正正批評你的,就是你們太跟指引,不懂變通,你還說「做法符合指引」?這是一個make sense的回應嗎?你說醫院有權派人到場救治,但必須在醫院範圍,這更荒謬!現在不是叫你去隔離區出診,只是到醫院大門幾米外的對面馬路救人,醫院竟然可以因為這幾米的距離,去決定救不救一個危急的病人?有冇搞錯?你班醫生是否讀屎片的?

內地醫院見死不救,是為錢。香港醫院見死不救,竟然是因為「指引」,我覺得更加荒謬!

有時真的不知公務員的腦是載什麼的!他們的腦中,除了他們的專業知識之外,是否就是一堆二堆的「指引」?真的很懷疑,這班靠指引維持生命的廢物,如果沒有了指引,是否不懂得食飯、拉屎、睡覺?

公務員最為人詬病的,就是只懂按本子辦事,缺乏人性,今次正好又是一個好例子!

很明顯,明愛的人,都與一般公務員一樣,抱著少做少錯,唔做唔錯的宗旨做人。但有沒有衡量過,救了人,翌日報章刊登的,只會是「心臟病人病發而死」的一宗小新聞。現在因為唔做唔錯的「指引」,卻令事件成為了各大報的A1頭條!

究竟違反指引,而拯救了生命的後果嚴重,還是見死不救,而成為一間「冷血醫院」的後果嚴重?小朋友都懂得,就是官僚不懂得!

早上看了最新一季《24》的前奏篇24 Redemption,其中一個主角,在非洲為了救一班黑人小孩而踩中地雷,一放開腳就會爆炸,Jack要救他,他說「沒事的,我能接受這樣死去」,並要求Jack趕緊將小孩帶到安全地點,而他自己,就趁追兵到達時,放開腳,與敵人同歸於盡。

當然,這是電影。但剛剛看完有人願意為一班沒有親戚關係的小朋友,獻出生命,回到現實,就發現有醫院竟然可以那麼冷血地見死不救,內心能不為香港有這班專業人士而感到羞恥嗎?

最後想說:明愛醫院院長,若你下次在醫院門口心臟病發,都請你先打999,call白車,叫救護員抬你上救護車,在迴旋處兜一個圈,才好進入急症室!生死事小,違反指引,就好很大鑊!!

還有,耶穌是為了拯救世人而被釘在十字架上,見死不救的明愛醫院,你配不起徽號上的十字聖號!!


[16] Re: 小彭
小彭 :


唔見BB屍體都叫小事,咁切錯乳房、打錯抗癌針、收錢先救人等等,對你來說都係小事..



原來你有閱讀理解問題,我話有更大獲既事,傳媒都能理性評論唔應該批鬥,而你居然理解為唔大獲就係小事(係你講架)唔通我話小事化大你就認為我話小事?究竟係你唔識中文定係習慣斷章取義?唔中意小事化大都OK,我講大事化巨,明未?會有人將4字詞語拆開黎捉字蚤,傳媒既典範~真係勁過好多大狀!


[引用] | 作者 Nuk | 10th Nov 2009 | [舉報垃圾留言]


小就小,大就大,原來小可以係大,大又可以係小......我諗你都係搞清楚自己的邏輯先,唔好再出醜。

[引用版主回覆] | 作者 小彭 | 12th Nov 2009

[15] Re: 小彭
小彭 :

「醫療事故層出不窮,是因為媒體重點打擊!」
咁無賴的說話都講得出,真係服左你!!作為傳媒,公立醫院人手不足我地一樣有報道,另一方面,醫療事故我地亦唔可以當冇事發生,傳媒唔係你地的宣傳機器。
我依家係講緊作為一個人的人性、良知、常識,不過我睇你都冇,真係啋你都哂時間!!


借問一下,你係咩聖人?成個世界係唔係只有你領會既一種良知?只有你懂人性?只有你最具常識?話人無常識係最幼稚最無賴既講法,好似得你arm人地錯曬!敢情好,依種評論態度就係當今傳媒風氣,唔怪的傳媒睇唔到中肯,睇唔出理智!


[引用] | 作者 Nuk | 9th Nov 2009 | [舉報垃圾留言]


唔見BB屍體都叫小事,咁切錯乳房、打錯抗癌針、收錢先救人等等,對你來說都係小事了...

唉,如果你係醫護人員,卻以咁苟且的態度工作,為錯誤護短,真係替香港人擔心!! 你最好盡快辭職,唔好遺害人間,同埋唔需要再留咁多言喇,愈講得多,愈顯示你冷血,無謂浪費時間啦!!

[引用版主回覆] | 作者 小彭 | 9th Nov 2009

[14] Re: 小彭

我係外國唔係無聽過醫院出錯既報導,急症室就算點唔好,邊間醫院唔見左個BB屍體,醫院病人持武器圖傷害醫護人員...成個世界咁大,幾千萬間醫院,一定會有D比香港更不合常理,更離譜既事發生。如果比對一下外國傳媒既報導,你就會發覺香港的係針對性主觀言論,姐係只要編者覺得佢地有錯,就會大肆評論,而且同業跟風,講佢地D大條道路講出離催眠人,陰謀論講,就係小事化大lor。為左咩?我覺得係D人借題發揮,想插政府,插制度,邊個係為左公平公義?唔好扮嘢啦,最少D記者唔係lor。馬後炮邊個唔識!

講實在的,在外國如果有依種事,D主流報紙係唔會挑撥既,佢地評論係以事論事論,唔遷怒政府,唔詆毀同業,無個人喜惡,就算唔支持都會有counter proof,最少D人都會尊重下D醫生,不相關既人亦都唔會出離發馬後炮,因為當時唔在場唔知道佢地係訊息傳送上會唔會有誤會。你估果D明愛醫生護士之後有時間諗野既時候唔會反省如果當時咁樣做就會好D?但係問題係當時佢地沒有做到最好既判斷係事實,被D傳媒插都係事實。D人插人既時候連祖宗18代都賴埋,係啊,插得咁口響,等你地身賴嘢既時候唔好搵醫生lor,有事鐘無豔,無事夏迎春。SARS死左幾多醫生護士傳媒點報到?果D醫護要到死先受人頌贊,有生之年都要被人批評,依個就係香港無人想做醫護既原因。愛心?等你做咩都比人插果陣,你既愛心人地唔領情,表現出離都無人睇啦,醫護人員一個系統出錯就要提早退休了,你以為D記者咁,可以東家唔打打西家?可以係商業機構跳槽?有記錄既醫護仲摻過坐完監D人,唔同記錄既根據,好多人被逼轉行,而且醫護出嚴重錯誤都係可能會上傷害到人,就算點麻木都會有惻隱之心,一世就比個污點折磨,點翻身先?人地會信得過你既專業,都無一個行為可以推翻你之前做過既錯失,咁點可以唔跟指引,依個係自我保護既行為,唔保護好自己點救人?佢地唔係耶穌,唔通等佢地犧牲左自己先博得他人支持,先可以證明自己有良心?

唔係話報導唔得,但係報紙報導的都一定會加插編者的主觀思想,係頭版A1唔係評論版都會有善惡問題,佢地係咩人啊,奉旨咁插,傳媒甚至會將娛樂圈既人都放頭版去批鬥,為左追討公義?錯係追尋娛樂性!唔好話外國同香港比較,就算SCMP同香港中文報紙比較一下醫療事故的報導,都好明顯可以睇得出中文報紙有幾煽情!試問中文報紙記者有幾多人係識尊重人?好少,甚至連佢地D報導都唔係憑良心講,但係煽動居多!隨便問一個服務業有經驗既人,醫生又好,社工又好,如果沒有全盤接受報紙既報導,只係aknowledge依件事,果D評語先係良心!


[引用] | 作者 Nuk | 9th Nov 2009 | [舉報垃圾留言]

[13] 道德標準

雖然不能說每個執業醫生都有絕佳的醫德、操守、品行,但係用個別事件去評論一個你不懂得學界非常不公平!我認識很多醫護界的朋友,他們告訴我醫生護士在正式服務人之前都會接受培訓,除了監察技術,還要評估德行、道德觀,經過很多品評後有了長級簽字才能畢業正式投入服務。而投考了一所醫院,也要經過培訓才能正式開診。經過那麼多重的培訓引導,雖然會有部份人還是會跟標準有差異,可是大部份人還是會追隨這種“道德觀”,亦即是所謂指引。而這種道德觀是爲了能使大部份醫生得到最大的保障去發揮他們所長,缺少了這種指引,就會發生:“我覺得這人應該容易救,結果就不成"或是“這個案例很罕見,要先研究...然後錯失成功時機” 如同世界上沒有一個讓全世界人都富足快樂的經濟理論,醫學上也沒有一個完美的準則或指引去令所有的醫生都沒有壓力而且病人必然痊愈之法。可是照著指引去做,在“正常情況”下,對雙方而言通常都會得到最安全的結果,這就是他們嚴謹跟隨指引的一個理由。

不過意外的發生,就不算是正常的範疇,這時候死遵指引反而會讓人覺得頑固。不過要判斷什麼時候要子遵從指引,不是你我說了就算的,也不是哪個大人物判斷就一定是對的。先不要說那些馬後炮的人,在事件發生後說三道四,說當時的人應該怎樣怎樣。如果當時發生在你身上,也不一定有能力馬上處理危機分配工作吧!醫生的判斷能力應該比一個接待窗口的員工強,反過來說用醫生標準去評論一個門口接待員的判斷能力是不是有點強人所難了?!雖然說這件事件反映出制度的僵硬化問題,不過拜那些主觀性極度強的傳媒所賜,整件事情讓整個醫護行業的聲譽擊潰,上至高層管理,下至分流員工,全部都被各大傳媒批鬥,這種非理智的討論難道就是所謂的言論自由?居然還有人會認為醫生護士麻木不仁、見死不救,既然是那麼麻木,爲什麽醫院還是有這麼多值班的醫護在服務?覺得他們冷漠,爲什麽還有那麼多病人去醫院求診?香港這種討論文化實在是非常不文明,打擊別人自信就可以刺激他們發憤圖強了?逼使他們以後不跟隨指引做事了?爲什麽香港人那麼多精神病人,就拜這種言論自由衍生的文化所賜!

醫療事故層出不窮,是因為媒體重點打擊!在香港這種人口多而且老化的地方,相對的醫療的配備相當不足夠,醫生一周上班時間是正常打工仔的2倍,正常打工仔有想像過一個禮拜上班100小時的滋味嗎?錢多了卻身不由己,請假還不如先換老闆!這種錢誰愛賺?推動醫生去做醫生的是不是真的爲了錢,說到這裡大家心裡都有個底。再說是人都會有犯錯的機會,並不是醫學界才會發生,一間中小型公司因為錯誤投資導致破產結業,裁員人士因此得了精神病或甚至尋死的會少嗎?商界不是都有很多無良的奸商,魚肉百姓,爲什麽卻只針對醫生?因為醫生是軟柿子!因為醫生不夠商人奸!不懂得為自己找一個圓滑的下臺階!就是因為醫生知道,所以指引是一個很好的保護色,因為醫院做什麽都會有記錄,只要你不跟隨指引做,你就第1個被咻出來問責!我不相信其他領域從來不會犯錯,越來越多老人需要用到醫院的服務,事故會增加也不奇怪吧。例如有條路十年前沒有車經過的,從來沒有發生車禍,如今天天塞車,每週有車禍,可不可以說是這條路有問題?一切一切,還是要說到香港報章這種蜂窩式主觀性言論,催眠了閱報人,再加上大部份人沒有獨立思考的習慣,很容易就被言論說服了去!


[引用] | 作者 Nuk | 9th Nov 2009 | [舉報垃圾留言]


「醫療事故層出不窮,是因為媒體重點打擊!」

咁無賴的說話都講得出,真係服左你!!作為傳媒,公立醫院人手不足我地一樣有報道,另一方面,醫療事故我地亦唔可以當冇事發生,傳媒唔係你地的宣傳機器。

我依家係講緊作為一個人的人性、良知、常識,不過我睇你都冇,真係啋你都哂時間!!

[引用版主回覆] | 作者 小彭 | 9th Nov 2009

[12] Re: kim
kim :
醫院裏面的人最麻木不仁了
那 放 牧 的 琴 弦 盪 過 秋 水 問 夜 的 方 向 黎 明 離 我 多 遠

同意


[引用] | 作者 小彭 | 29th Mar 2009 | [舉報垃圾留言]

[11]

醫院裏面的人最麻木不仁了


[引用] | 作者 kim | 18th Mar 2009 | [舉報垃圾留言]

[10] Re: 路過人e
路過人e :
這令我聯想到耶穌在安息日治病救人,卻被指責的事。到底是救人的性命重要,或是律法﹑指引重要?法律都不外乎人情,何況醫院是救急扶危的地方?人做事應凌駕於本子之上,而不應被本子牽著鼻子走!!

同意!!歸根究底,都係憐憫之心的問題,如果一個全完冷血,全無憐憫之心的人,就有冇指引都冇用。


[引用] | 作者 小彭 | 22nd Jan 2009 | [舉報垃圾留言]

[9]

這令我聯想到耶穌在安息日治病救人,卻被指責的事。到底是救人的性命重要,或是律法﹑指引重要?法律都不外乎人情,何況醫院是救急扶危的地方?人做事應凌駕於本子之上,而不應被本子牽著鼻子走!!


[引用] | 作者 路過人e | 10th Jan 2009 | [舉報垃圾留言]

[8] Re: Angie
Angie :
香港文化,只有對立,沒有和諧。以前我們尊重醫生,尊重護士,尊重醫護人員,有事時有他們幫忙,我們會很感激說一句謝謝。現在的香港文化,市民大晒,比錢大晒,光顧醫院當自己係客,仲要包醫好,醫唔好就告醫生,告醫院。雖則好多事故係因過失及管理出現問題,但係我相信冇一個醫生想醫死人,辛辛苦苦讀書咁多年,唔通只為錢?除開hourly rate,可能我既人工仲多過醫生。與病人及社會對立既關係,亦令醫生們開始怕事,...

唔係唔想幫,但幫得落先至得。香港好多醫療事故,真係好過份,切錯乳房、輸錯血,依家仲見死不救。

可能係一個雞先蛋先的問題。你話病人批評得多,所以你冇左仁心,易出錯,我亦話如果你冇錯,大家又點會批評?

傳媒的作用係批評,唔好要求傳媒常常歌功頌德。我地亦會成日批評醫療資源不足,亦常常報導醫生人工士氣低。另一方面,醫生做錯一樣要批評,人工低工時長唔係藉口,始終醫療工作涉及人命,你幾眼訓幾辛苦都要小心。

況且今次事件唔涉及醫療專業問題,明顯係官僚心態、缺乏常識、缺乏人性的問題,如果咁都唔批評,以後類似事件只會不斷發生。


[引用] | 作者 小彭 | 24th Dec 2008 | [舉報垃圾留言]

[7] Re: 超媒體出版
超媒體出版 :
真不可思議!有人暈倒在醫院門口,已是近水樓台,但職員唔call自己醫院的醫生來救援,竟然叫個男人自己去call 999,跟住要救護車由旺角山長水遠來施救。

香港的新聞,愈來愈不可思議!!


[引用] | 作者 小彭 | 24th Dec 2008 | [舉報垃圾留言]

[6] Re: 來恩
來恩 :
唯一值得欣慰的是
香港報紙、電視新聞中還可以看到這篇消息,我們還可以隨心所欲的怒罵這間冷血醫院。
等某一天,報紙看不到這個消息,電視新聞只誇獎醫護人員,怒罵醫院的Blog主突然人間蒸發......
香港,就真的沒救了。
唉,自我安慰完,看回現實,香港,墮落了。

香港再係咁,真係就快連大陸都不如!!


[引用] | 作者 小彭 | 24th Dec 2008 | [舉報垃圾留言]

[5] Re: 米奇
米奇 :
明愛呢班人,肯定係睇得金庸小說太多,以為自己是平一指、胡青牛、薜慕華之類的怪醫,唔肯輕易幫人治病

根本係文化問題,個個當病人係一件物件,唔係人,生與死,只不過係一個數字,所以麻木了,變得只懂跟指引辦事,沒有了人性。


[引用] | 作者 小彭 | 24th Dec 2008 | [舉報垃圾留言]

[4]

香港文化,只有對立,沒有和諧。以前我們尊重醫生,尊重護士,尊重醫護人員,有事時有他們幫忙,我們會很感激說一句謝謝。現在的香港文化,市民大晒,比錢大晒,光顧醫院當自己係客,仲要包醫好,醫唔好就告醫生,告醫院。雖則好多事故係因過失及管理出現問題,但係我相信冇一個醫生想醫死人,辛辛苦苦讀書咁多年,唔通只為錢?除開hourly rate,可能我既人工仲多過醫生。與病人及社會對立既關係,亦令醫生們開始怕事,一顆仁心就係咁因為恐懼冇左,好可惜!如果我地香港人可以有多d愛同包容,少d指責問責,可能我地既社會會好d ... 不過,傳媒會幫幫手嗎?


[引用] | 作者 Angie | 24th Dec 2008 | [舉報垃圾留言]

[3] 真不可思議!

真不可思議!有人暈倒在醫院門口,已是近水樓台,但職員唔call自己醫院的醫生來救援,竟然叫個男人自己去call 999,跟住要救護車由旺角山長水遠來施救。

超媒體出版
[引用] | 作者 超媒體出版 | 22nd Dec 2008 | [舉報垃圾留言]

[2]

明愛呢班人,肯定係睇得金庸小說太多,以為自己是平一指、胡青牛、薜慕華之類的怪醫,唔肯輕易幫人治病

米奇
[引用] | 作者 米奇 | 22nd Dec 2008 | [舉報垃圾留言]

[1]

唯一值得欣慰的是

香港報紙、電視新聞中還可以看到這篇消息,我們還可以隨心所欲的怒罵這間冷血醫院。

等某一天,報紙看不到這個消息,電視新聞只誇獎醫護人員,怒罵醫院的Blog主突然人間蒸發......

香港,就真的沒救了。

唉,自我安慰完,看回現實,香港,墮落了。

來恩
[引用] | 作者 來恩 | 22nd Dec 2008 | [舉報垃圾留言]