香港新浪網 MySinaBlog
« 上一篇 | 下一篇 »
小彭 | 23rd Aug 2008 | 新聞任我講 | (881 Reads)

死,有輕於熊毛,有重於泰山。

嘉禾大廈火警殉職的消防員,肯定他們是不想死,但為了拯救別人的生命,甘願冒險,不怕死,結果帶來了遺憾,但成就了一段足以流芳百世的英雄故事。

九號風球下到大浪灣游水衝浪的人,肯定他們亦是不想死,但為了滿足一時的刺激,甘願冒險,不怕死,結果同樣帶來了遺憾,但......我不想太殘忍及涼薄,下一句說話,不說了。

很久也未試過八號風球或以上出街工作,昨日終於要出動,在八、九號風球下,到處看看香港的市面環境,發覺,香港愈來愈多不知死的死士!!

天文台已經千叮萬囑,不需要上班的,打大風就不要出街,應留在有遮蔽的地方暫避。不過香港人性格就是那麼畸形,愈大風,愈危險,就愈要往街上鑽。

在尖沙咀,不少父母帶著年幼的子女,在海旁「睇浪」及吹風;在滿天危險招牌的旺角西洋菜街,也有不少市民在大風大雨的情況下行街shopping,看戲食飯;在颱風的登陸地點西貢,就更加誇張,很多人專程開車到來看風眼,私家車泊滿路邊,一家大小走出當風的西貢碼頭,還說已經準備好啤酒,要留下來感受九號風球下的「浪漫」!踩單車的踩單車,放狗的放狗,整個西貢除了滿地吹斷了的樹枝、垃圾筒及雜物之外,就彷彿平日一樣,人頭湧湧!!

看其他台的新聞,有人趁九號風球去游水、滑浪,又或者去跑山。有記者問滑浪人士是否擔心危險,他說:「我地唔係痴線既,我地知道可以先落水。」有跑山人就說:「玩滑浪,連累消防員救護員,欺山莫欺水,我只係玩山,自己可以承擔得到。」我真的很想和他們說:你地的確係痴線的!!

係人都知,颱風下的水流變幻莫測,什麼叫「我地知道可以先落水」?你知道什麼?知道下一秒不會有暗湧將你捲走?你是先知?為什麼玩山就不會連累消防員救護員?你被大樹倒下來扑到,不需要消防員救護員救你?

香港人普遍教育程度應該不低,難道仍然不知道颱風下到海邊可能會被大浪捲入海中?不知道陣風可以將整個人吹倒?不知道大樹、大型招牌、棚架、鋁窗......都有可能在大風下跌落街擊中人?小朋友唔識死都算了,但很多情況是大人主動帶小朋友在颱風下出街,甚至到海灘玩水,究竟這些家長的腦袋,是什麼構造的?

我們這一行,為了工作,才要硬著頭皮往街上走,唯有打醒十二分精神,避免給雜物擊中,因為我愛我的生命,不想就此殉職。但打風有假放的人,卻甘願冒死出街,究竟為了什麼?難道尋求刺激、解悶等等的原因,真的重要過生命?

刺激、開心,都建基於生命之上,沒有了生命,如何感受?可能有人會說,生死有命,坐在家中都會被棚架撞破窗門弄傷。但,我們是否應該在可以控制的情況下,減少自己受生命威脅的機會?

看來,真的有需要在課堂上加入生命教育,等下一代不會為了一些白痴的原因而斷送生命!!


[18] Re: 暱名人
暱名人 :
果日係新聞見度果條滑浪友話:「我地唔係痴線既」我真係笑左出黎..... 新聞一出話有人樂極生悲,我即刻好衰咁諗係咪呢條友
滑浪發燒友睇到大浪就發晒tea tun把握"機會"(送死?)都尚可理解,果d又唔係去滑浪的,連板都無塊即興落水的人,去做咩?去潛浪?去感受被浪卷走?呢個後果會點應該唔難想像啫,玩之前唔想後果,搞出事後就喊苦喊忽 ......
仲有果個懶有見地既行山友,下次佢有咩事,d消防員唔...

始終都係果句,因為香港人鍾意型,去最危險的地方做最危險的活動,為之型,以為人地會覺得佢地好威好勁,最終得出慘痛的結果!!


[引用] | 作者 小彭 | 6th Sep 2008 | [舉報垃圾留言]

[17]

果日係新聞見度果條滑浪友話:「我地唔係痴線既」我真係笑左出黎..... 新聞一出話有人樂極生悲,我即刻好衰咁諗係咪呢條友

滑浪發燒友睇到大浪就發晒tea tun把握"機會"(送死?)都尚可理解,果d又唔係去滑浪的,連板都無塊即興落水的人,去做咩?去潛浪?去感受被浪卷走?呢個後果會點應該唔難想像啫,玩之前唔想後果,搞出事後就喊苦喊忽 ......

仲有果個懶有見地既行山友,下次佢有咩事,d消防員唔該真係唔駛去救佢。


[引用] | 作者 暱名人 | 2nd Sep 2008 | [舉報垃圾留言]

[16] Re: 摩連寶
摩連寶 :
打風最好的節目, 就係可以陪下阿媽落樓下食早餐...(只適合仍與媽咪同住人士)下次打風都會有人落水, 希望佢地落水前諗下屋企人。

我都同意呀!!落樓下好啦,唔好去咁遠!!


[引用] | 作者 小彭 | 29th Aug 2008 | [舉報垃圾留言]

[15]

打風最好的節目, 就係可以陪下阿媽落樓下食早餐...(只適合仍與媽咪同住人士)
下次打風都會有人落水, 希望佢地落水前諗下屋企人。


[引用] | 作者 摩連寶 | 28th Aug 2008 | [舉報垃圾留言]

[14] Re: 雅澄
雅澄 :
對,看著同學仔、同事即使家遠在屯門,都要在強風下回公司工作、寫稿,都不禁為他們擔心,不忘致短訊互相問候。其實,在打風之前一天,也曾到訪淺水灣。那天水流急、浪大,不宜游泳,故在岸邊浸浸水便回去了。人在浪與浪之間給不斷拉扯,終於明白,母親口中的「嬉山莫嬉水」。其實,每年為什麼總有新聞工作者,莫著生命危險,為市民報導颱風的新聞﹖就是不希望市民遭遇危險吧﹗有什麼比「安坐家中能在天下事」好﹖這些玩命的人,請...

可惜我地記者講乜都冇用,下次打風又會有一班人去玩命,因為佢地以為自己好型!!


[引用] | 作者 小彭 | 27th Aug 2008 | [舉報垃圾留言]

[13]

對,看著同學仔、同事即使家遠在屯門,都要在強風下回公司工作、寫稿,都不禁為他們擔心,不忘致短訊互相問候。
其實,在打風之前一天,也曾到訪淺水灣。那天水流急、浪大,不宜游泳,故在岸邊浸浸水便回去了。
人在浪與浪之間給不斷拉扯,終於明白,母親口中的「嬉山莫嬉水」。
其實,每年為什麼總有新聞工作者,莫著生命危險,為市民報導颱風的新聞﹖就是不希望市民遭遇危險吧﹗有什麼比「安坐家中能在天下事」好﹖
這些玩命的人,請自重,不多說了。


[引用] | 作者 雅澄 | 27th Aug 2008 | [舉報垃圾留言]

[12] Re: cherrie
cherrie :
成身又濕又攰有咩好呢....唔明囉...
所以我果日好乖, 全日係屋企無出街....訓足廿個鐘....

咁就乖喇!!幾難得可以訓咁耐,出街做乜!!

小彭
[引用] | 作者 小彭 | 25th Aug 2008 | [舉報垃圾留言]

[11] Re: 石先生
石先生 :
香港人或許太幸褔了,你看台灣的朋友是多麽的慘,每次打風落兩均如臨大敵,並非他們膽少,是他們明白打風的威力。

係呀,台灣好似次次打風都有人死,香港已經好好彩!!

小彭
[引用] | 作者 小彭 | 25th Aug 2008 | [舉報垃圾留言]

[10] Re: jenny
jenny :
我都覺得那些人太無知和自私, 尤其是抱著小孩出街的父母.
你自己冒險就算, 點解要小朋友陪你冒險?

係啦,做父母,天職係保護自己的子女,柴犬都知道,點解人竟然唔知?!!

小彭
[引用] | 作者 小彭 | 25th Aug 2008 | [舉報垃圾留言]

[9] Re: 來恩
來恩 :
對果D人,只有一句:抵死!
我無其他評價。

呢句話我在心中講了!!

小彭
[引用] | 作者 小彭 | 25th Aug 2008 | [舉報垃圾留言]

[8] Re: Angie
Angie :
最唔惦個老婆,竟然比個老公落水!

都係。兩個都三十幾歲,竟然都唔知危險,真係匪夷所思!!

小彭
[引用] | 作者 小彭 | 25th Aug 2008 | [舉報垃圾留言]

[7] Re: 云沉
云沉 :
等我幫你講:抵死!
就算有生命教育,班學生會乖乖的坐在椅子上聽教嗎?

我就係唔想講呢句!!

冇架,教好過唔教,教唔聽,就冇辦法了。其實最重要係家長的身教!!

小彭
[引用] | 作者 小彭 | 25th Aug 2008 | [舉報垃圾留言]

[6]

成身又濕又攰有咩好呢....唔明囉...
所以我果日好乖, 全日係屋企無出街....訓足廿個鐘....


[引用] | 作者 cherrie | 25th Aug 2008 | [舉報垃圾留言]

[5]

香港人或許太幸褔了,你看台灣的朋友是多麽的慘,每次打風落兩均如臨大敵,並非他們膽少,是他們明白打風的威力。


[引用] | 作者 石先生 | 24th Aug 2008 | [舉報垃圾留言]

[4]

我都覺得那些人太無知和自私, 尤其是抱著小孩出街的父母.
你自己冒險就算, 點解要小朋友陪你冒險?


[引用] | 作者 jenny | 23rd Aug 2008 | [舉報垃圾留言]

[3]

對果D人,只有一句:抵死!

我無其他評價。

來恩
[引用] | 作者 來恩 | 23rd Aug 2008 | [舉報垃圾留言]

[2]

最唔惦個老婆,竟然比個老公落水!


[引用] | 作者 Angie | 23rd Aug 2008 | [舉報垃圾留言]

[1]

等我幫你講:抵死!

就算有生命教育,班學生會乖乖的坐在椅子上聽教嗎?

云沉
[引用] | 作者 云沉 | 23rd Aug 2008 | [舉報垃圾留言]