香港新浪網 MySinaBlog
« 上一篇 | 下一篇 »
小彭 | 10th Feb 2006 | 小記者日記 | (11055 Reads)

平均分: 9.00 | 評分人數: 2

前幾日去九龍城法院聽七十幾歲阿伯呃綜援案,不過由於好多其他案件排在之前,結果聽左成朝先到主角出場。

呃綜援案冇乜好講,報紙都寫哂,想講的反而係其他的案件,有好多都很有趣,仲令我明白到,LV的魔力!!

以前未去過九龍城法院,今次一去,終於見識到練錦鴻法官的風采,真係聞名不如見面!!佢一出場,將頭往右一fing,果執同蔡堅有得揮的飄逸秀髮發放出來的氣勢,簡直殺人犯都要低頭!!

睇佢審案,就好似睇醫生:

練:XXX,你認唔認罪?

XXX:認罪。

練:案情指你XX年X月X日在YY公司偷左三包朱古力,四包杏仁餅。被告有冇案底?

控方:四次案低,兩次同類案件。

練:被告有乜野求情說話?

XXX:希望法官比次機會,我會好好做人...

練:(諗三秒)三個月監禁,唔該哂,請便!!

成朝睇佢審左十幾廿單案,形式都差不多,如果被告認罪,三至五分鐘可以審完一單,快過打針。

案件種類亦好多,偷野、用假卡、藏毒、傷人、醉酒駕駛、賣翻版碟、賣淫...香港人、內地人、印度人,什麼人種都有。

其中有一單,幾個十幾歲的o靚仔,衰非法禁固,圍毆打傷人,仲用針線私自同傷者聯針!!成個庭嘩聲四起!

另外一個西裝友,比警察搜到藏有咳藥水,問佢點解,佢話用來提神,冷不防比練官質疑:「乜飲咳藥水唔係會眼訓咩?」被告無言以對,全場爆笑!

有個藏有幾百隻翻版光碟的雙程證阿姐,我估佢成場都唔係好知個官講乜,但乜都話明白,最後判佢坐監的時候,我諗佢終於聽得明,隨即放聲大哭,好似要槍斃咁款,真係聞者傷心!!

有個旁聽市民電話響了兩下,就比庭警沒收電話,仲比練官審問:「法庭內外有成四個告示板叫人熄電話,我數過架,點解你都唔熄?」帶鄉音的市民:「我少來香港法庭,唔知呀!!」結果電話都要沒收,下午四點半先有得取回。

仲有兩單,都同用假卡買LV有關。

其中一單,一個十多歲中三畢業做樓面的o靚仔,同個女友一齊比人告,話佢用二千蚊在大陸買左張假卡,再用張卡在LV專門店買左個七千蚊的袋比女友!!辯方律師求情時只係不斷話:「佢既行為真係非常愚蠢,但佢係一個孝順仔,非常孝順爸爸媽媽,哥哥姐姐都話佢孝順,姨媽姑姐都讚佢孝順,佢真係好孝順架...(大意)」我真係R哂頭,唔通犯左法,孝順就唔使罰?!有關係嗎?!結果仔要坐監女無事。

由此案例可見,LV真係累人不淺!!

真係唔明,LV有乜咁正。一個人造皮的手袋,加上一D幾十年不變的老土花紋,就賣成七八千蚊一個,夠我去一轉北海道!!

平時好驚聽法庭,因為用英文唔識聽,好鬼悶。但今次用廣東話審案,又聽得幾過癮、幾有娛樂性!

仲有,我發覺,無論檢控官同辯方律師,好多都係發緊夢,成日比個官問到口啞啞,失禮死人!

o係呢度奉勸各位最好唔好犯法,如果唔係,除左要當住一大班市民同記者面前比人審之餘,仲會成為茶餘飯後的笑料,到時眼眉唔"調"都幾難!!


[22] Re: 不滿者
不滿者 :
大家談論練錦鴻的時候,有沒有理會被告的感受?本人曾經酒精含量輕微超標後駕駛,我知道係錯同認。我知我一定不會再犯!我擔心所以請律師。自問駕車紀錄好好。只是第一次。練錦鴻沒有真正listen件case。ok la,$8000停12個月license.同樣案件中最重!一般3-6個月。我是錯,但係練錦鴻一定對人有偏見!我律師都話好重,...


"因果關係"應該調轉講, 既然份工要揸車咁緊要, 你就唔好醉駕, 少少超標都唔可以, 少少超標都可以撞死人的


[引用] | 作者 路人甲 | 20th Jan 2015 | [舉報垃圾留言]

[21] Steroids Faves

myofibrillar legal father general advantage combined synthol

Buy Steroids | Steroids | Steroids Blog | RoidsMall Blog

muscular occurs 1977 gains rate front metab proteins


[引用] | 作者 Steroids Faves | 16th Feb 2012 | [舉報垃圾留言]

[20]

非常有趣的網站感謝您的信息


[引用] | 作者 Geneza Pharmaceuticals | 26th Jan 2011 | [舉報垃圾留言]

[19]

第一次了解呢d場面。

只係覺得每分每秒都有人做錯事。


[引用] | 作者 sciroxx | 18th Jan 2011 | [舉報垃圾留言]

[18]

練錦鴻係一條廢柴 我去過聽同一樣案件一個要入4個月。
一個就可以出來冇野呀佢。


[引用] | 作者 路人 | 14th Oct 2010 | [舉報垃圾留言]


法官判案會考慮好多因素

[引用版主回覆] | 作者 小彭 | 19th Oct 2010

[17] Re: SPAWN
SPAWN :
不滿者 :大家談論練錦鴻的時候,有沒有理會被告的感受?本人曾經酒精含量輕微超標後駕駛,我知道係錯同認。我知我一定不會再犯!我擔心所以請律師。自問駕車紀錄好好。只是第一次。練錦鴻沒有真正listen件case。ok la,$8000停12個月license.同樣案件中最重!一般3-6個月。我是錯,但係練錦鴻一定對人有偏見!我律師都話好重,不近人情。停一定要停,但有d人真係要用車工作。你係有權,仲係好...

我都好憎醉酒開車的人,如果撞死人,應該告誤殺!!


[引用] | 作者 小彭 | 29th Aug 2008 | [舉報垃圾留言]

[16] Re: 不滿者
不滿者 :
大家談論練錦鴻的時候,有沒有理會被告的感受?本人曾經酒精含量輕微超標後駕駛,我知道係錯同認。我知我一定不會再犯!我擔心所以請律師。自問駕車紀錄好好。只是第一次。練錦鴻沒有真正listen件case。ok la,$8000停12個月license.同樣案件中最重!一般3-6個月。我是錯,但係練錦鴻一定對人有偏見!我律師都話好重,不近人情。停一定要停,但有d人真係要用車工作。你係有權,仲係好有權可以影...

我見過一位老人被醉駕者撞至血如噴泉段湧出
現場醉駕者似仍未醉醒,呆站那地

恐怕你也無差。


[引用] | 作者 SPAWN | 28th Aug 2008 | [舉報垃圾留言]

[15] Re: ling
ling :
佢真係好串成日耍官威..我想ask多數比佢收押左之後再判會唔會坐監具多定輕罸?because我覺得佢比正常官判刑突別重=[

收押幾耐同之後判幾多,應該冇直接關係。最多係會在刑期扣番你被收押的時間,令係唔使坐咁耐。例如你被判監一個月,但之前已收押十五日,係之後只需坐多十五日就得了!!


[引用] | 作者 小彭 | 11th Jul 2008 | [舉報垃圾留言]

[14] 鍊官判刑問題?

佢真係好串成日耍官威..
我想ask多數比佢收押左之後
再判會唔會坐監具多定輕罸?
because我覺得佢比正常官判刑突別重=[


[引用] | 作者 ling | 27th Jun 2008 | [舉報垃圾留言]

[13] Re: 練官
練官 : 練官出名0既釘官,不過佢係好公正!!律師做得唔0岩,佢一樣會被被告擔保先!
乜野叫做釘官??emoticon


[引用] | 作者 小彭 | 24th Mar 2007 | [舉報垃圾留言]

[12] 練官

練官出名0既釘官,不過佢係好公正!!
律師做得唔0岩,佢一樣會被被告擔保先!


[引用] | 作者 練官 | 23rd Mar 2007 | [舉報垃圾留言]

[11] Re: 好笑嗎?好過分!!!不吐不快
不滿者 :
大家談論練錦鴻的時候,有沒有理會被告的感受?本人曾經酒精含量輕微超標後駕駛,我知道係錯同認。我知我一定不會再犯!我擔心所以請律師。自問駕車紀錄好好。只是第一次。練錦鴻沒有真正listen件case。ok la,$8000停12個月license.同樣案件中最重!一般3-6個月。我是錯,但係練錦鴻一定對人有偏見!我律師都話好重,不近人情。停一定要停,但有d人真係要用車工作。你係有權,仲係好有權可以影響人,不過對於香港的司法界,你真係好差!把自己的value在案中,當然拉,你不是被告,判決得好容易。我希望曾經比練錦鴻判過的人留下言反映。我支持你呀!

你都係唔好同我講喇,我係最討厭酒後駕駛同開快車的人,完全不顧別人安全!!

超少少都係超,明知自己要駕車,之前都要飲酒,抵比人罰!!係我我判你坐幾個月監添,點只停牌咁益你!!


[引用] | 作者 小彭 | 18th Feb 2007 | [舉報垃圾留言]

[10] 好笑嗎?好過分!!!不吐不快

大家談論練錦鴻的時候,有沒有理會被告的感受?本人曾經酒精含量輕微超標後駕駛,我知道係錯同認。我知我一定不會再犯!我擔心所以請律師。自問駕車紀錄好好。只是第一次。練錦鴻沒有真正listen件case。ok la,$8000停12個月license.同樣案件中最重!一般3-6個月。我是錯,但係練錦鴻一定對人有偏見!我律師都話好重,不近人情。停一定要停,但有d人真係要用車工作。你係有權,仲係好有權可以影響人,不過對於香港的司法界,你真係好差!把自己的value在案中,當然拉,你不是被告,判決得好容易。我希望曾經比練錦鴻判過的人留下言反映。我支持你呀!


[引用] | 作者 不滿者 | 15th Feb 2007 | [舉報垃圾留言]

[9] 法庭拾趣

我曾上過法庭,在法庭上見到的是衆生!


[引用] | 作者 Susana | 25th Jun 2006 | [舉報垃圾留言]

[8] RE:Trudy

係咩?我真係唔知佢係職員定控方,因為單單案都係同一個人講果句說話,又好似唔係控方...不過我都改左喇,下次等我睇清楚D先!!
我都聽過好多court,上至終審,下至地院、勞署都聽過幾次,不過最好玩都係練官呢次!!


[引用] | 作者 小彭 | 14th Feb 2006 | [舉報垃圾留言]

[7]

我聽過一兩次練錦鴻,其中一次係審吳浩康。
好鬼鍾意你引述的內容,比沉悶無比的秘密監察司法覆核精彩絕倫得多。我都幾鍾意聽裁判法院的 cases。=)


[引用] | 作者 Ada | 13th Feb 2006 | [舉報垃圾留言]

[6]

第一次了解呢d場面。

只係覺得每分每秒都有人做錯事。


[引用] | 作者 黃龍 | 10th Feb 2006 | [舉報垃圾留言]

[5]

我都好鬼鍾意練官...次次去親九龍城裁判法院聽court 都好期待 ! 佢的確係「近」!
但最近我新寵...高院 - 湯寶臣法官...好欣賞佢對阿「金鐘」的耐性 !


[引用] | 作者 美寶 | 10th Feb 2006 | [舉報垃圾留言]

[4]

我記得有次聽佢審案,有十幾個阿叔同師奶在彩雲村聚賭,逐個逐個俾佢鬧,但佢地又忍唔住笑,情景十足食神入面,李兆基質問周星馳同八兩金佢地「邊個講溝埋來做瀨尿牛丸丫笨」咁樣.過左一排,我搭車經過彩雲村,竟然見到其中一個師幼又在街邊賭緊,佢仲著住上庭件衫!


[引用] | 作者 vivian to | 10th Feb 2006 | [舉報垃圾留言]

[3]

練官超級正 all times favourite
佢見多記者仲會專登講到幾句 而且夠串 成日串D犯 同埋串D律師唔做功課


[引用] | 作者 jacky | 10th Feb 2006 | [舉報垃圾留言]

[2]


[引用] | 作者 東邪黃藥師 | 10th Feb 2006 | [舉報垃圾留言]

[1]

咁過癮既,我聽過既court都好悶蛋。


[引用] | 作者 Sun | 9th Feb 2006 | [舉報垃圾留言]